പാലക്കാട്: ഓറഞ്ച് അലേർട്ടോടുകൂടിയ താപതരംഗ മുന്നറിയിപ്പ് പാലക്കാട് ജില്ലയിൽ നൽകി കേന്ദ്ര കാലാവസ്ഥാ വകുപ്പ്. കൊല്ലം, തൃശൂർ ജില്ലകളിൽ യെല്ലോ അലർട്ടോടുകൂടിയ താപതരംഗ മുന്നറിയിപ്പാണ്. കൂടാതെ, വേനൽ മഴയ്ക്കും സംസ്ഥാനത്ത് സാധ്യതയുണ്ടെന്ന് കാലാവസ്ഥാവകുപ്പ് സൂചിപ്പിച്ചു. മഴ ലഭിക്കാൻ സാധ്യതയുള്ളത് തിരുവനന്തപുരം മുതൽ തൃശ്ശൂർ വരെയുള്ള ജില്ലകളിലാണ്. ഉച്ചയ്ക്കുശേഷം ഇടിമിന്നലോട് കൂടിയ വേനൽ മഴ മധ്യകേരളത്തിലെയും വടക്കൻ കേരളത്തിലെയും മലയോര മേഖലകളിൽ ലഭിക്കാൻ സാധ്യതയുണ്ട്. 41°C വരെ പാലക്കാട് ജില്ലയിലും, 40°C വരെ കൊല്ലം, തൃശൂർ ജില്ലകളിലും, 39°C വരെ കോഴിക്കോട് ജില്ലയിലും, 38°C വരെ ആലപ്പുഴ, പത്തനംതിട്ട, കോട്ടയം, കണ്ണൂർ ജില്ലകളിലും, 37°C വരെ എറണാകുളം, മലപ്പുറം, കാസർഗോഡ് ജില്ലകളിലും, 36°C വരെ തിരുവനന്തപുരം ജില്ലയിലും 2024 ഏപ്രിൽ 29 മുതൽ മെയ് 03 വരെ ഉയർന്ന താപനില അനുഭവപ്പെടും.
ഗ്രൂപ്പിൽ അംഗമാകുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
