കൽപറ്റ: കെ.എസ്.ആർ.ടി.സി. ബസുകളിൽ സ്ത്രീകൾക്കുള്ള സൗജന്യ യാത്രാ പദ്ധതിമൂലം സ്വകാര്യ ബസുകൾക്ക് കനത്ത വരുമാനനഷ്ടമുണ്ടാകുന്നുവെന്നാരോപിച്ച് വയനാട് ജില്ലയിലെ സ്വകാര്യ ബസ് ഉടമകൾ സമരരംഗത്തേക്ക്. ഇതിന്റെ ഭാഗമായി ജില്ലയിലെ സ്വകാര്യ ബസുകൾ സർവീസ് നിർത്തിവെച്ചതോടെ നൂറുകണക്കിന് യാത്രക്കാർ മണിക്കൂറുകളോളം ബസ് സ്റ്റാൻഡുകളിലും സ്റ്റോപ്പുകളിലും കാത്തുനിൽക്കേണ്ടി വന്നു.
സമരം കൂടുതൽ ശക്തമാക്കുന്നതിന്റെ ഭാഗമായി ജൂലൈ 1 മുതൽ അനിശ്ചിതകാല പണിമുടക്ക് ആരംഭിക്കുമെന്ന് ബസ് ഉടമകൾ പ്രഖ്യാപിച്ചു. സമരത്തിന്റെ ഭാഗമായി ജില്ലാ സിവിൽ സ്റ്റേഷനിലേക്ക് ബസ് ഉടമകളും ജീവനക്കാരും മാർച്ച് നടത്തി. ബസ് ഓണേഴ്സ് അസോസിയേഷൻ ജനറൽ സെക്രട്ടറി രഞ്ജിത്ത് റാം മാർച്ച് ഉദ്ഘാടനം ചെയ്തു.
ഐ.എൻ.ടി.യു.സി., സി.ഐ.ടി.യു., എ.ഐ.ടി.യു.സി. ഉൾപ്പെടെയുള്ള വിവിധ തൊഴിലാളി സംഘടനകളിലെ നൂറുകണക്കിന് ബസ് ജീവനക്കാരും സമരത്തിൽ പങ്കെടുത്തു. സ്വകാര്യ ബസ് മേഖലയെ സംരക്ഷിക്കാൻ സർക്കാർ അടിയന്തര ഇടപെടൽ നടത്തണമെന്നാണ് സമരക്കാരുടെ ആവശ്യം.
കെ.എസ്.ആർ.ടി.സി. ബസുകളിൽ വൻ തിരക്ക്
സ്വകാര്യ ബസുകൾ സർവീസ് നിർത്തിയതോടെ മുഴുവൻ യാത്രക്കാരും കെ.എസ്.ആർ.ടി.സി.യെ ആശ്രയിക്കേണ്ട സാഹചര്യമുണ്ടായി. കൽപറ്റ ഡിപ്പോയിൽ നിന്ന് മൂന്ന് അധിക സർവീസുകൾ നടത്തിയെങ്കിലും യാത്രക്കാരുടെ തിരക്ക് നിയന്ത്രിക്കാൻ അതൊന്നും മതിയായില്ല.
പല റൂട്ടുകളിലും യാത്രക്കാർക്ക് രണ്ടും മൂന്നും മണിക്കൂർ വരെ ബസിനായി കാത്തിരിക്കേണ്ടി വന്നു. സർവീസ് നടത്തിയ എല്ലാ ബസുകളിലും നിറഞ്ഞ തിരക്കായിരുന്നു. നിൽക്കാൻ പോലും സ്ഥലമില്ലാത്ത സാഹചര്യത്തിൽ യാത്രക്കാർ ഏറെ ബുദ്ധിമുട്ടി.
ബത്തേരി ഡിപ്പോയിൽ നിന്ന് രണ്ട് അധിക സർവീസുകളും മാനന്തവാടി ഡിപ്പോയിൽ നിന്ന് കൂടുതൽ ട്രിപ്പുകളും നടത്തിയെങ്കിലും ജില്ലയിലെ യാത്രാക്ലേശത്തിന് കാര്യമായ പരിഹാരമുണ്ടായില്ല.
വിദ്യാർഥികൾക്കും തിരിച്ചടി
സ്വകാര്യ ബസ് സമരം വിദ്യാഭ്യാസ മേഖലയെയും ബാധിച്ചു. കൽപറ്റയിലെ ഒരു ഹയർസെക്കൻഡറി സ്കൂളിൽ പ്ലസ് വൺ, പ്ലസ് ടു ക്ലാസുകളിലേക്ക് എത്തിയത് സാധാരണയേക്കാൾ പകുതിയോളം വിദ്യാർഥികൾ മാത്രമാണെന്ന് സ്കൂൾ അധികൃതർ അറിയിച്ചു.
ബത്തേരി, പനമരം, അച്ചൂർ തുടങ്ങി വിവിധ പ്രദേശങ്ങളിൽ നിന്ന് എത്തുന്ന നിരവധി വിദ്യാർഥികൾക്ക് സ്വകാര്യ ബസുകളുടെ അഭാവം മൂലം സ്കൂളിലെത്താൻ കഴിഞ്ഞില്ല. പ്രത്യേകിച്ച് കെ.എസ്.ആർ.ടി.സി. സർവീസുകൾ പരിമിതമായ ആദിവാസി മേഖലകളിൽ നിന്നുള്ള വിദ്യാർഥികൾക്ക് സമരം വലിയ തിരിച്ചടിയായി.
160 ബസുകൾ സർവീസ് നിർത്തും
ജൂലൈ 1 മുതൽ ആരംഭിക്കുന്ന അനിശ്ചിതകാല സമരത്തിന്റെ ഭാഗമായി ജില്ലയിലെ 300 സ്വകാര്യ ബസുകളിൽ 160 ബസുകൾ സർവീസ് നിർത്തുന്നതായി ജി-ഫോം സമർപ്പിച്ചിട്ടുണ്ടെന്ന് മോട്ടോർ വാഹന വകുപ്പ് അധികൃതർ അറിയിച്ചു.
സ്വകാര്യ ബസ് മേഖലയിലെ സാമ്പത്തിക പ്രതിസന്ധിക്ക് സർക്കാർ അടിയന്തര പരിഹാരം കണ്ടെത്തണമെന്നും, കെ.എസ്.ആർ.ടി.സി.യും സ്വകാര്യ ബസുകളും ഒരുപോലെ നിലനിൽക്കുന്ന തരത്തിൽ നയപരമായ തീരുമാനങ്ങൾ സ്വീകരിക്കണമെന്നുമാണ് ബസ് ഉടമകളുടെ ആവശ്യം. സമരം തുടർന്നാൽ വരും ദിവസങ്ങളിൽ വയനാട്ടിലെ പൊതുഗതാഗത സംവിധാനത്തെയും സാധാരണ ജനങ്ങളുടെ യാത്രയെയും കൂടുതൽ ബാധിക്കുമെന്ന ആശങ്ക ഉയരുന്നുണ്ട്.
ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്.
ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://whatsapp.com/channel/0029VaeMpf2JENy6g4eaqV0V
യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://whatsapp.com/channel/0029VaeMpf2JENy6g4eaqV0V
യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
.jpg "വയനാട് ടൗണ്ഷിപ്പിലെ 17 വീടുകള് കൂടി ഇന്ന് കൈമാറും; മെയ് പകുതിയോടെ മുഴുവന് കൈമാറാന് കഴിയുമെന്ന് ഊരാളുങ്കല്")
.jpg)
.jpg "മുണ്ടക്കൈ ഉരുള്പൊട്ടല് ദുരന്തഭൂമിയില് വീണ്ടും മോഷണം; ഒന്നരലക്ഷം രൂപയുടെ സാധനങ്ങള് കവര്ന്നു")
.jpg)
