മലപ്പുറം: കൊണ്ടോട്ടിയിലെ ഫ്ളാറ്റിൽ ബികോം വിദ്യാർത്ഥിയെ മരിച്ചനിലയിൽ കണ്ടെത്തി. എറണാകുളം കോതമംഗലം സ്വദേശി വസുദേവി(20)നെയാണ് മരിച്ച നിലയിൽ കണ്ടെത്തിയത്. കൊണ്ടോട്ടി ഇ.എം.ഇ.എ. കോളജിലെ മൂന്നാം വർഷ ബികോം കംപ്യൂട്ടർ ആപ്ലിക്കേഷൻ വിദ്യാർത്ഥിയാണ്. ആത്മഹത്യയാണെന്നാണ് പൊലീസിന്റെ പ്രാഥമിക നിഗമനം. കൊണ്ടോട്ടി മേലങ്ങാടിയിലെ ഫ്ളാറ്റിൽ ഇക്ബാൽ എന്ന സുഹൃത്തിനൊപ്പമായിരുന്നു വസുദേവ് താമസിച്ചിരുന്നത്. കൊണ്ടോട്ടിയിലെതന്നെ മറ്റൊരു കോളേജിലെ വിദ്യാർത്ഥിയാണ് ഇക്ബാൽ. വെള്ളിയാഴ്ച ഇക്ബാൽ ഫ്ളാറ്റിൽ താമസിക്കാൻ എത്തിയിരുന്നില്ല. ശനിയാഴ്ച രാവിലെ ഫ്ളാറ്റിൽ എത്തിയപ്പോളാണ് വാസുദേവിനെ മുറിയിൽ മരിച്ചനിലയിൽ കണ്ടെത്തിയത്. കൊണ്ടോട്ടി പൊലീസ് സ്ഥലത്തെത്തി ഇൻക്വസ്റ്റ് നടപടികൾ ആരംഭിച്ചു. അസ്വാഭാവിക മരണത്തിന് കേസെടുത്ത് പൊലീസ് അന്വേഷണം ആരംഭിച്ചു.
ഗ്രൂപ്പിൽ അംഗമാകുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
