മീൻ ക്ഷാമം, കോഴി ഉത്പാദനം ഇടിഞ്ഞു; സംസ്ഥാനത്ത് കോഴിയിറച്ചി വില കുതിക്കുന്നു

 

കൊല്ലം: സംസ്ഥാനത്ത് കോഴിയിറച്ചി വില വീണ്ടും കുത്തനെ ഉയരുന്നു. മത്സ്യലഭ്യത കുറഞ്ഞതും ഇറച്ചിക്കോഴി ഉത്പാദനം ഇടിഞ്ഞതുമാണ് വിലവർധനയ്ക്ക് പ്രധാന കാരണമായി ചൂണ്ടിക്കാട്ടുന്നത്. വിവിധ ജില്ലകളിൽ കിലോയ്ക്ക് 160 മുതൽ 184 രൂപ വരെയാണ് നിലവിലെ വില. ഉത്പാദനം വർധിക്കാത്ത പക്ഷം വരും ദിവസങ്ങളിൽ വില ഇനിയും ഉയരാൻ സാധ്യതയുണ്ടെന്ന് വ്യാപാരികൾ മുന്നറിയിപ്പ് നൽകുന്നു.

കാലാവസ്ഥാ വ്യതിയാനത്തെ തുടർന്ന് കോഴിക്കുഞ്ഞുങ്ങളുടെ മരണനിരക്ക് ഗണ്യമായി വർധിച്ചെന്നാണ് പൗൾട്രി ഫാം ഉടമകൾ പറയുന്നത്. മുൻപ് 100 കുഞ്ഞുങ്ങളിൽ പത്തോളം മാത്രമാണ് ചത്തുപോയിരുന്നതെങ്കിൽ, ഇപ്പോൾ അത് 25 വരെ ഉയരുന്നതായി അവർ പറയുന്നു. കൂടാതെ കോഴികളുടെ വളർച്ചയും മന്ദഗതിയിലായതോടെ 45 ദിവസം പ്രായമായ കോഴികൾക്ക് സാധാരണ ലഭിക്കേണ്ട 1.8 കിലോ ഭാരം ലഭിക്കാതെ ഒരു കിലോ പോലും തികയാത്ത സ്ഥിതിയാണ്.

കോഴിത്തീറ്റയുടെ വില കുത്തനെ ഉയർന്നതും കർഷകർക്ക് വലിയ സാമ്പത്തിക പ്രതിസന്ധി സൃഷ്ടിക്കുകയാണ്. ഇതോടെ പലരും ഫാമുകൾ ഒഴിച്ചിടുന്നതായും ചെറുകിട വ്യാപാരികൾ പറയുന്നു. ഇന്ധനവില വർധിച്ചതിനെ തുടർന്ന് ഗതാഗതച്ചെലവും കൂടിയതോടെ കോഴിയിറച്ചി വില വീണ്ടും ഉയർന്നു.

അതേസമയം, ട്രോളിങ് നിരോധനം തുടരുന്നതിനാൽ സംസ്ഥാനത്ത് മത്സ്യലഭ്യത കുറഞ്ഞിരിക്കുകയാണ്. ഇതോടെ കോഴിയിറച്ചിയിലേക്കുള്ള ഉപഭോക്താക്കളുടെ ആശ്രയം വർധിക്കുകയും ആവശ്യക്കാർ കൂടുകയും ചെയ്തിട്ടുണ്ട്. ട്രോളിങ് നിരോധനം അവസാനിക്കാൻ ഇനി രണ്ടാഴ്ച കൂടി ബാക്കിയുള്ളതിനാൽ അതിന് ശേഷം മത്സ്യലഭ്യത മെച്ചപ്പെടുകയും കോഴിയിറച്ചി വിലയിൽ കുറവുണ്ടാകുമെന്ന പ്രതീക്ഷയിലാണ് വ്യാപാരികൾ.

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/