മദ്യലഹരിയിൽ പോലീസ് ജീപ്പ്; മൂന്ന് ഉദ്യോഗസ്ഥർ സസ്പെൻഡിൽ

 

പത്തനംതിട്ട: മദ്യലഹരിയിൽ പോലീസ് ജീപ്പ് ഓടിച്ച് മറ്റ് വാഹനങ്ങൾക്ക് ഭീഷണിയുണ്ടാക്കിയ സംഭവത്തിൽ മൂന്ന് പോലീസ് ഉദ്യോഗസ്ഥരെ സർവീസിൽ നിന്ന് സസ്പെൻഡ് ചെയ്തു. ഡാൻസാഫ് സംഘത്തിലെ ഉദ്യോഗസ്ഥരായ പ്രിയേഷ്, രാഹുൽ, സുമൻ എന്നിവർക്കെതിരെയാണ് നടപടി സ്വീകരിച്ചത്.

സംഭവത്തിൽ മദ്യപിച്ച് ജീപ്പ് ഓടിച്ച ഡ്രൈവർ പ്രിയേഷിനെതിരെ പോലീസ് പ്രത്യേകം കേസും രജിസ്റ്റർ ചെയ്തിട്ടുണ്ട്. അശ്രദ്ധയും അപകടകരവുമായ രീതിയിൽ പോലീസ് ജീപ്പ് ഓടിക്കുന്നതായി ശ്രദ്ധയിൽപ്പെട്ട ഓട്ടോറിക്ഷാ ഡ്രൈവറായ ഒരു യുവതിയാണ് വിവരം പോലീസിനെ അറിയിച്ചത്.

തുടർന്ന് ഓപ്പറേഷൻ തൂഫാൻ പരിശോധനയ്ക്കിറങ്ങിയ പോലീസ് സംഘം ജീപ്പിനെ പിന്തുടർന്ന് തടയുകയായിരുന്നു. പരിശോധനയിൽ വാഹനത്തിലുണ്ടായിരുന്നത് പത്തനംതിട്ട ഡിവൈ.എസ്.പി.യുടെ ഡാൻസാഫ് സംഘത്തിലെ ഉദ്യോഗസ്ഥരാണെന്ന് വ്യക്തമായി.

സംഭവത്തെ തുടർന്ന് വകുപ്പുതല അന്വേഷണവും ആരംഭിച്ചിട്ടുണ്ട്. നിയമം നടപ്പാക്കേണ്ട ഉദ്യോഗസ്ഥർ തന്നെ നിയമലംഘനം നടത്തിയെന്ന ആരോപണം ഉയർന്ന സാഹചര്യത്തിൽ സംഭവത്തെ പോലീസ് ഗൗരവത്തോടെയാണ് കാണുന്നത്.

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/