കൊടകര : സന്ധ്യാസമയത്ത് ബൈക്കില്‍ സഞ്ചരിച്ച്‌ സ്ത്രീകളെ കടന്നുപിടിച്ച്‌ ഉപദ്രവിക്കുന്ന യുവാവിനെ പോലീസ് അറസ്റ്റ് ചെയ്തു. വാസുപുരം പാപ്പാളിപ്പാടത്ത് താമസിക്കുന്ന മറ്റത്തൂർകുന്ന് പത്തമടക്കാരൻവീട്ടില്‍ ഷനാസ് (31) ആണ് അറസ്റ്റിലായത്. സംഭവത്തെക്കുറിച്ച്‌ പോലീസ് പറയുന്നത്: മറ്റത്തൂർകുന്ന്, ആറ്റപ്പിള്ളി, മൂലംകുടം പരിസരത്തായിരുന്നു ഇയാളുടെ ഉപദ്രവമുണ്ടായത്. എല്ലാ ദിവസവും ഇരുട്ടുവീണുതുടങ്ങുന്ന സമയത്ത് ബൈക്കില്‍ സഞ്ചരിച്ച്‌, ജോലി കഴിഞ്ഞും മറ്റും വീട്ടിലേക്ക് നടന്നും സ്കൂട്ടറിലും മടങ്ങുന്ന സ്ത്രീകളുടെ പിറകിലൂടെയെത്തി കടന്നുപിടിച്ച്‌ ഒട്ടും പേടിയില്ലാതെ ലാഘവത്തോടെ സഞ്ചരിക്കുന്നതാണ് രീതി. കഴിഞ്ഞ ദിവസം ആക്രമണത്തിനിരയായ യുവതിയുടെ പരാതിയിലാണ് പോലീസ് ഇയാളെ തിരിച്ചറിഞ്ഞ് അറസ്റ്റ് ചെയ്തത്. ഒന്നരക്കൊല്ലമായി ഈ രീതിയില്‍ സ്ത്രീകള്‍ക്കു പുറത്തിറങ്ങാൻ പറ്റാത്തവിധത്തില്‍ ഇയാള്‍സഞ്ചരിക്കാറുണ്ടെന്നും പുറത്തുപറയാൻ മടിയുള്ളതിനാല്‍ സ്ത്രീകള്‍ പരാതിയുമായി എത്തിയിട്ടില്ലെന്നും പോലീസ് പറഞ്ഞു. എന്നാല്‍, പോലീസ് അന്വേഷണം തുടങ്ങിയപ്പോള്‍ പല സ്ത്രീകളും കാര്യങ്ങള്‍ വെളിപ്പെടുത്തുകയും വാട്സ്‌ആപ്പ് കൂട്ടായ്മയിലൂടെ വിവരങ്ങള്‍ പങ്കുവെച്ചതായും പോലീസ് പറഞ്ഞു. ചേർത്തല പോലീസ് സ്റ്റേഷനില്‍ ഷനാസിന്റെ പേരില്‍ ഇതേ വിഷയത്തില്‍ കേസുണ്ട്. ഷനാസിനെ കോടതി റിമാൻഡ് ചെയ്തു. ഡിവൈ.എസ്.പി. കെ. സുമേഷ്, സി.ഐ. പി.കെ. ദാസ്, എസ്.ഐ. അരിസ്റ്റോട്ടില്‍, എസ്.ഐ. സുരേഷ്, എ.എസ്.ഐ.മാരായ സജു പൗലോസ്, ആഷ്ലിൻ ജോണ്‍, ലിജോണ്‍, സി.പി.ഒ. ശ്രീജിത്ത് എന്നിവരുള്‍പ്പെട്ട സംഘമാണ് ഷനാസിനെ അറസ്റ്റ് ചെയ്തത്.
ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://whatsapp.com/channel/0029VaeMpf2JENy6g4eaqV0V
യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
