ഇനി ഉൾഗ്രാമങ്ങളിലേക്കും വേഗത്തിൽ ഡെലിവറി; ഇന്ത്യ പോസ്റ്റുമായി കൈകോർത്ത് ഫ്ലിപ്കാർട്ട്

കാര്യക്ഷമമായ പാഴ്സൽ വിതരണത്തിനായി പ്രമുഖ ഇ-കൊമേഴ്സ് കമ്പനിയായ ഫ്ലിപ്കാർട്ട് തപാൽ വകുപ്പുമായി കരാർ ഒപ്പിട്ടു. തപാൽ വകുപ്പിന്റെ വിപുലമായ വിതരണ ശൃംഖലയും ഇന്ത്യയിലെ ഇ-കൊമേഴ്സ് രംഗത്തുള്ള ഫ്ലിപ്കാർട്ടിന്റെ ശക്തമായ സാന്നിധ്യവും സംയോജിപ്പിച്ച് രാജ്യത്തുടനീളം വിശ്വസനീയവും ഉപഭോക്തൃ സൗഹൃദവുമായ പാഴ്സൽ വിതരണ സേവനങ്ങൾ നൽകുകയാണ് ഈ പങ്കാളിത്തത്തിലൂടെ ലക്ഷ്യമിടുന്നത്. കേന്ദ്ര വാർത്താവിനിമയ മന്ത്രാലയത്തിന് കീഴിലുള്ള തപാൽ വകുപ്പും ഫ്ലിപ്കാർട്ട് ഇന്ത്യ പ്രൈവറ്റ് ലിമിറ്റഡും തമ്മിലാണ് വിതരണ സേവനങ്ങൾക്കായുള്ള ഈ കരാറിൽ ഒപ്പുവെച്ചിരിക്കുന്നത്. ഈ ധാരണപ്രകാരം ഇന്ത്യയിലുടനീളമുള്ള ഫ്ലിപ്കാർട്ട് ഓർഡറുകൾ ഉപഭോക്താക്കളുടെ കൈകളിൽ നേരിട്ടെത്തിക്കുന്ന സേവനം ഇന്ത്യ പോസ്റ്റ് നിർവ്വഹിക്കും.

ഈ കരാറിലൂടെ നഗരങ്ങളിലും  ഉൾഗ്രാമങ്ങളിലും ഉൾപ്പെടെ ഇന്ത്യ പോസ്റ്റിന്റെ വിപുലമായ ശൃംഖല ഉപയോഗപ്പെടുത്താൻ ഫ്ലിപ്കാർട്ടിന് സാധിക്കും. ഇതുവഴി സാധാരണയായി സേവനങ്ങൾ എത്തിച്ചേരാൻ ബുദ്ധിമുട്ടുള്ള വിദൂര പ്രദേശങ്ങളിലേക്ക് പോലും സുഗമമായി പാഴ്സലുകൾ എത്തിക്കാൻ കഴിയും. മുൻകൂട്ടി പണമടച്ചുള്ള പ്രീപെയ്ഡ് പാഴ്സലുകൾക്ക് പുറമെ ക്യാഷ്-ഓൺ-ഡെലിവറി പാഴ്സലുകളുടെ വിതരണം, ഒ.ടി.പി അധിഷ്ഠിത സുരക്ഷിത ഡെലിവറി പരിശോധന, തത്സമയ ഷിപ്പ്മെന്റ് ട്രാക്കിംഗ് (Real-time tracking) എന്നിവയും ഈ സേവനത്തിന്റെ ഭാഗമായി ലഭ്യമാകും.

വേഗതയേറിയ വിതരണം, മികച്ച പ്രവർത്തന ഏകോപനം, പാഴ്സലുകളുടെ നീക്കവും വിതരണവും എളുപ്പമാക്കുന്നതിനുള്ള സാങ്കേതിക വിദ്യകളുടെ സംയോജനം എന്നിവയ്ക്കാണ് ഈ കരാർ ഊന്നൽ നൽകുന്നത്. ഇന്ത്യയിൽ അതിവേഗം വളർന്നുവരുന്ന ഇ-കൊമേഴ്സ് മേഖലയ്ക്ക് ആവശ്യമായ ലോജിസ്റ്റിക്സ് ഇൻഫ്രാസ്ട്രക്ചറിനെ കൂടുതൽ ശക്തിപ്പെടുത്താൻ ഈ കൂട്ടായ്മ സഹായിക്കുമെന്നും പ്രസ്താവനയിൽ വ്യക്തമാക്കുന്നു. 

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/