സംഘര്ഷങ്ങള്ക്കിടയിലും ചെറിയ പെരുന്നാളിനെ ആഘോഷപൂര്വം വരവേറ്റ് ഗള്ഫ് രാജ്യങ്ങള്. കുടുംബങ്ങളുടെയും കൂട്ടായ്മകളുടെയും ഒത്തുചേരലുകളാല് സജീവമാണ് ഇപ്പോഴും പ്രവാസ ലോകം. സുരക്ഷാ നടപടികളുടെ ഭാഗമായി യുഎഇയുള്പ്പടെയുള്ള മൂന്ന് രാജ്യങ്ങളില് ഈദ് ഗാഹുകള് ഒഴിവാക്കിയായിരുന്നു പെരുന്നാള് നമസ്കാരം. എല്ലാ പ്രതിസന്ധികളേയും തരണം ചെയ്യുമെന്ന് യുഎഇ പ്രസിഡന്റ് ഷെയ്ഖ് മുഹമ്മദ് ബിന് സായിദ് അല് നഹ്യാന് പെരുന്നാള് സന്ദേശത്തില് പറഞ്ഞു.
ഒരു മാസം നീണ്ട വ്രതാനുഷ്ടാനത്തിന്റെ പുണ്യവുമായാണ് ഗള്ഫ് നാടുകളിലെ ഇസ്ലാം മത വിശ്വാസികള് ചെറിയ പെരുന്നാളിനെ വരവേറ്റത്. ഈദ് നമസ്കാരത്തിന് എത്തിയവരെകൊണ്ട് അതിരാവിലെ തന്നെ പള്ളികള് നിറഞ്ഞ് കവിഞ്ഞു. സുരക്ഷാ നടപടികളുടെ ഭാഗമായി യുഎഇ, ബഹ്റൈന്, ഖത്തര് എന്നീരാജ്യങ്ങളില് ഇത്തവണ ഈദ് ഗാഹുകള് ഉണ്ടായിരുന്നില്ല. പള്ളികള്ക്കുള്ളില് മാത്രമായിരുന്നു പ്രാര്ത്ഥന. അതിനിടെ ഒമാനില് പെരുന്നാള് നമസ്കാരത്തിന് വിപുലമായ ക്രമീകരങ്ങള് ഏര്പ്പെടുത്തിയിരുന്നു. വിവിധ മലയാളി സംഘടകളുടെ നേതൃത്വത്തില് ഉള്പ്പെടെ ഈദ് ഗാഹുകള് സംഘടിപ്പിച്ചു.
മക്കയിലും മദീനയിലുമുള്ള ഹറം പള്ളികളില് ലക്ഷക്കണക്കിന് വിശ്വാസികളാണ് പെരുന്നാള് നമസ്ക്കാരത്തിലും ഖുതുബയിലും പങ്കാളികളായത്. സൗദി ഭരണാധികാരികളും മക്കയിലെ മസ്ജിദുല് ഹറമിലെ പ്രാര്ത്ഥനകളില് പങ്കെടുത്തു. പുറമേ കാര്യമായ ആഘോഷങ്ങള് ഇല്ലെങ്കിലും കുടുംബവും കൂട്ടുകാരുമൊത്ത് പെരുന്നാള് സന്തോഷം പങ്കിടുന്ന തിരക്കിലാണ് മലയാളികള് ഉള്പ്പെടെയുള്ളവര്. പ്രത്യേക വിഭവങ്ങള് ഒരുക്കിയും സമ്മാനങ്ങള് കൈമാറിയും പരസ്പരം ആശംസകള് നേര്ന്നും ഓരോരുത്തരും പെരുന്നാള് ദിനത്തെ അവിസ്മരണീയമാക്കുന്നു. പ്രവാസികള് ഉള്പ്പെടെയുള്ള ജീവനക്കാര്ക്ക് രണ്ട് ദിവസം കൂടി അവധി ലഭിക്കുമെന്നതിനാല് ഗള്ഫിലെ ആഘോഷങ്ങള് നാളെയും തുടരും.
ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്.
ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://whatsapp.com/channel/0029VaeMpf2JENy6g4eaqV0V
യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://whatsapp.com/channel/0029VaeMpf2JENy6g4eaqV0V
യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
