ജോജു ജോർജ് നായകനായി എത്തുന്ന കംപ്ലീറ്റ് ആക്ഷൻ ചിത്രമായ ‘വരവ്’ന്റെ സെക്കൻഡ് ലുക്ക് പോസ്റ്റർ പുറത്തിറങ്ങി

ഷാജി കൈലാസ് സംവിധാനം ചെയ്ത് ജോജു ജോർജ് നായകനായി എത്തുന്ന കംപ്ലീറ്റ് ആക്ഷൻ ചിത്രമായ ‘വരവ്’ന്റെ സെക്കൻഡ് ലുക്ക് പോസ്റ്റർ പുറത്തിറങ്ങി. ജോജു ജോർജിന്റെ തീപാറും നോട്ടമുള്ള പോസ്റ്ററാണ് എത്തിയത്. മലയോര മേഖലയുടെ പശ്ചാത്തലത്തിൽ കഥ പറയുന്ന ചിത്രത്തിൽ പോളി എന്ന് വിളിപ്പേരുള്ള പോളച്ചൻ എന്ന കഥാപാത്രമായാണ് ജോജു ജോർജ് എത്തുന്നത്. പോളച്ചന്റെ ജീവിത പോരാട്ടങ്ങളും പ്രതികാരവും ഇഴ ചേർന്ന് നിൽക്കുന്ന കംപ്ലീറ്റ് ആക്ഷൻ ചിത്രമാണ് വരവ്.

ജോജു ജോർജ്-ഷാജി കൈലാസ് കോമ്പിനേഷൻ തന്നെ ഇതാദ്യമായാണ്. ഓൾഗാ പ്രൊഡക്ഷൻസിൻ്റെ ബാനറിൽ നൈസി റെജി ചിത്രം നിർമ്മിക്കുന്നു. എക്സിക്യൂട്ടീവ് പ്രൊഡ്യൂസർ ജോമി ജോസഫ്, രാഹുൽ റെജി തോമസ്.

ചിത്രത്തിന്റെ ആക്ഷൻ രംഗങ്ങൾ ഗംഭീരമാക്കാൻ മലയാളത്തിന്റെ ആക്ഷൻ റാണിയായ വാണി വിശ്വനാഥും ചിത്രത്തിലുണ്ട്. ആക്ഷൻ സിനിമകളിലുള്ള ഷാജി കൈലാസിൻ്റെ സംവിധാന പാടവത്തിനു വീണ്ടും കരുത്താകാൻ സ്റ്റണ്ട് മാസ്റ്റർമാരുടെ ഒരു വലിയ നിര തന്നെയുണ്ട് ചിത്രത്തിൽ. ദക്ഷിണേന്ത്യയിലെ മുൻനിര സ്റ്റണ്ട് മാസ്റ്റർമാരായ സ്റ്റണ്ട് സിൽവ, കലൈ കിംഗ്സൺ, ഫീനിക്സ് പ്രഭു, രാജശേഖർ മാസ്റ്റർ, തവസി മാസ്റ്റർ, മാഫിയ ശശി, ജാക്കി ജോൺസൺ എന്നിങ്ങനെ ഏഴുപേർ ചിത്രത്തിനായി ഒന്നിക്കുന്നു.

വേറിട്ട കഥാപാത്രങ്ങളിലൂടെ മലയാളികളുടെ മനസ്സുനിറച്ച സുകന്യയും വരവിന്റെ ഭാഗമാകുന്നു. മുരളി ഗോപി, അർജുൻ അശോകൻ, ദീപക് പറമ്പോൽ, ബാബുരാജ്, അസീസ് നെടുമങ്ങാട്, ബൈജു സന്തോഷ്, അഭിമന്യു തിലകൻ, ബോബി കുര്യൻ, അശ്വിൻ കുമാർ, ശ്രീജിത്ത് രവി, കോട്ടയം രമേശ്, ബാലാജി, ബിജു പപ്പൻ, ചാലി പാല, ഷാജി ഷാഹിദ്, ആൻഡ്രെയ്‌ ബ്ലിറ്റ്സ് നെറ്റ്സോവ്‌, വിൻസി അലോഷ്യസ്, സാനിയ അയ്യപ്പൻ, വീണ നായർ, മെറ്റിൽഡ പെട്രോവിക് എന്നിവരും ചിത്രത്തിൽ പ്രധാന വേഷങ്ങളിലെത്തുന്നു.

ഷാജി കൈലാസിൻ്റെ ചിന്താമണി കൊലക്കേസ്, റെഡ് ചില്ലീസ്, ദ്രോണ എന്നീ ചിത്രങ്ങൾക്ക്‌ തിരക്കഥ ഒരുക്കിയ എ.കെ. സാജനാണ് വരവിൻ്റെയും തിരക്കഥ രചിച്ചിരിക്കുന്നത്.

ഛായാഗ്രഹണം -എസ്. ശരവണൻ. സംഗീതം -സാം സി എസ്. എഡിറ്റർ -ഷമീർ മുഹമ്മദ്. കലാസംവിധാനം -സാബു റാം. മേക്കപ്പ് -സജി കാട്ടാക്കട. കോസ്റ്റ്യും ഡിസൈൻ -സമീറ സനീഷ്. ചീഫ് അസസിയേറ്റ് ഡയറക്ടർ-സ്യമന്തക് പ്രദീപ്. ഹെഡ് ഓഫ് പ്രൊഡക്ഷൻ റോൺ ഐസക് തോമസ്. പ്രൊഡക്ഷൻ മാനേജേഴ്സ് – ശിവൻ പൂജപ്പുര, അനിൽ അൻഷാദ്. പ്രൊഡക്ഷൻ എക്സിക്യൂട്ടീവ് -പ്രതാപൻ കല്ലിയൂർ, ഷെറിൻ സ്റ്റാൻലി. പ്രൊഡക്ഷൻ കൺട്രോളർ -വിനോദ് മംഗലത്ത്. പി.ആർ.ഒ -മഞ്ജു ഗോപിനാഥ്‌. സ്റ്റിൽസ് -ഹരി തിരുമല. മാർക്കറ്റിംഗ് ആൻഡ് അഡ്വർടൈസിംഗ് -ബ്രിങ്ഫോർത്ത്.

മൂന്നാർ, മറയൂർ, തേനി, വാഗമൺ, കോട്ടയം എന്നീ ലൊക്കേഷനുകളിലായി 98 ദിവസങ്ങൾ കൊണ്ടാണ് ‘വരവ്’ ന്റെ ചിത്രീകരണം പൂർത്തിയായത്. തിയേറ്ററുകളിൽ ആക്ഷൻ തരംഗം തീർക്കാൻ ‘വരവ്’ മെയ്‌ മാസം റിലീസ് ചെയ്യും. ചിത്രം ഓൾഗാ പ്രൊഡക്ഷൻസ് റിലീസസ് തിയേറ്ററുകളിൽ എത്തിക്കും. 

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/

Continue Reading

സോഷ്യൽ മീഡിയയിലൂടെയല്ല മുഖ്യമന്ത്രിയെ തെരഞ്ഞെടുക്കുന്നത്, എല്ലാം ഹൈക്കമാൻഡാണ് തീരുമാനിക്കുന്നതെന്ന് രമേശ് ചെന്നിത്തല

എറണാകുളം: കോൺഗ്രസിലെ മുഖ്യമന്ത്രി പദവിയെ ചൊല്ലിയുള്ള തർക്കത്തിൽ പ്രതികരിച്ച് രമേശ് ചെന്നിത്തല. വിവാദങ്ങൾക്ക് താൽപര്യമിലെന്നും, സോഷ്യൽ മീഡിയയിലൂടെയല്ല കേരളത്തിൻ്റെ മുഖ്യമന്ത്രിയെ തീരുമാനിക്കുന്നതെന്നും രമേശ് ചെന്നിത്തല പറഞ്ഞു. ഇക്കാര്യത്തിൽ തീരുമാനമെടുക്കേണ്ടത് ഹൈക്കമാൻഡാണ്. സാമൂഹ്യ മാധ്യമങ്ങളോട് ബഹുമാനമുണ്ട്, മുഖ്യമന്ത്രി പദവുമായി ബന്ധപ്പെട്ട വിവാദങ്ങൾ അനാവശ്യമാണെന്നും രമേശ് ചെന്നിത്തല പറഞ്ഞു. വോട്ട് 4ന് മാത്രമേ എണ്ണൂ. വോട്ടെണ്ണലിന് മുമ്പുള്ള വിവാദങ്ങൾ പ്രവർത്തകരുടെ മനോവീര്യത്തെ ബാധിക്കും. അതേസമയം മുഖ്യമന്ത്രി പദവിയെ ചൊല്ലിയുള്ള തർക്കത്തിൽ കെ സി വേണുഗോപാലിന്റെയും വി ഡി സതീശന്റെയും പേര് മാത്രമേ ചർച്ച ചെയ്യപ്പെടുന്നുളളല്ലോ എന്ന ചോദ്യത്തിനും രമേശ് ചെന്നിത്തല പ്രതികരിച്ചു. ഈ വിവാദങ്ങളിൽ ഒന്നും പങ്കെടുക്കാത്തയാളാണ് താൻ, സ്വയം അനുകൂലിച്ചോ ആർക്കെങ്കിലും എതിരായോ ഒന്നും പറയാറില്ല. അതുകൊണ്ട് തനിക്കിത് പറയാൻ കഴിയുമെന്നാണ് രമേശ് ചെന്നിത്തല മറുപടി നൽകിയത്. അതേസമയം സുധാകരൻ്റെ ഫെയ്‌സ്ബുക്ക് പോസ്റ്റിലും രമേശ് ചെന്നിത്തല പ്രതികരിച്ചു. സുധാകരൻ തന്റെ നല്ല സുഹൃത്താണ് എന്ന് രമേശ് ചെന്നിത്തല പറഞ്ഞു. മത്സരിക്കാത്തയാൾ മുഖ്യമന്ത്രിയാകുമോ എന്ന ചോദ്യത്തിന് എല്ലാം ഹൈക്കമാൻഡ് തീരുമാനിക്കുമെന്നും രമേശ് ചെന്നിത്തല മറുപടി നൽകി.

അതേസമയം, നിയമസഭാ തെരഞ്ഞെടുപ്പിലെ ജനവിധി അറിയും മുമ്പേ മുഖ്യമന്ത്രി സ്ഥാനത്തെ ചൊല്ലി കോൺഗ്രസിൽ തമ്മിലടി രൂക്ഷമായി തുടരുകയാണ്. കെ സി വേണുഗോപാൽ- വിഡി സതീശൻ പക്ഷങ്ങളുടെ പോര് ബോധപൂർവമാണെന്നാണ് സൂചന. കെ സുധാകരന് പിന്നാലെ കെസിയെ പിന്തുണച്ച് നേതാക്കൾ കൂട്ടത്തോടെ ഇറങ്ങിയത് കൃത്യമായ ലക്ഷ്യത്തോടെയെന്നാണ് വിലയിരുത്തൽ. എംപിമാരുടെ പിന്തുണ ഉറപ്പാക്കാനും ഘടകകക്ഷികളെ ചേർത്ത് നിർത്താനും ശ്രമം നടന്നുവരികയാണ്. കെസിയെ ഉയർത്തിക്കാട്ടുന്നതിനെതിരെയുള്ള വിഡി സതീശൻ പക്ഷ നീക്കങ്ങളും ആസൂത്രിതമാണ്. അതേസമയം, മുഖ്യമന്ത്രി തർക്കങ്ങളിൽ ഹൈക്കമാൻഡിന് കടുത്ത അതൃപ്തിയുണ്ടെന്നാണ് വിവരം. 

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/

Continue Reading

ഇറാൻ യുദ്ധം കേരള ടൂറിസത്തെ സാരമായി ബാധിക്കുന്നു.

 

വർക്കലയിലെ നോർത്ത് ക്ലിഫ് വ്യാഴാഴ്ച വൈകുന്നേരമാണ് സന്ദർശിക്കാൻ പോകുന്നത്.

ക്ലിഫ്‌സൈഡിലൂടെ നീണ്ടുകിടക്കുന്ന ഇടുങ്ങിയ പാതയിലൂടെ നടക്കുന്ന വിനോദസഞ്ചാരികളിൽ ഭൂരിഭാഗവും ഇന്ത്യയുടെ വിവിധ ഭാഗങ്ങളിൽ നിന്നുള്ളവരാണ്, എന്നിരുന്നാലും വിദേശ സന്ദർശകരെ ഇപ്പോഴും കണ്ടുമുട്ടുന്നു.

റസ്റ്റോറന്റുകൾ, കഫേകൾ, ആയുർവേദ മസാജ് സെന്ററുകൾ, ചെറിയ റിസോർട്ടുകൾ എന്നിവയാൽ ഈ പാറക്കെട്ടിൽ നിറഞ്ഞിരിക്കുന്നു.

പാറക്കെട്ടിൽ നിന്ന്, വിനോദസഞ്ചാരികൾ കടലിൽ കുളിക്കുന്നത് കാണാം, മറ്റുള്ളവർ പാരാസെയിലിംഗ് പരീക്ഷിക്കുന്നു.

പ്രധാന കാര്യങ്ങൾ

ഇറാൻ യുദ്ധം മൂലം കേരളത്തിലെ ടൂറിസം മേഖല കടുത്ത പ്രതിസന്ധി നേരിടുന്നു. യാത്രാ റദ്ദാക്കലുകൾ, യാത്രാ കാലതാമസം, വിദേശികളുടെ വരവ് കുറയൽ എന്നിവ ഇതിൽ ഉൾപ്പെടുന്നു.

വർക്കലയിലെ ബിസിനസുകൾ വിദേശ ഉപഭോക്താക്കളിൽ 70-80 ശതമാനം കുറവുണ്ടായതായി റിപ്പോർട്ട് ചെയ്യുന്നു, ഇത് ആയുർവേദ കേന്ദ്രങ്ങളെയും ഹോസ്പിറ്റാലിറ്റി യൂണിറ്റുകളെയും സാരമായി ബാധിക്കുന്നു.

ഗൾഫ് റൂട്ടുകൾ വഴിയുള്ള യാത്രാ തടസ്സങ്ങൾ വിനോദസഞ്ചാരികളുടെ വരവ് കുറച്ചിട്ടുണ്ട്, അതേസമയം ബദൽ റൂട്ടുകളിലേക്കുള്ള വിമാന നിരക്കുകൾ ഗണ്യമായി വർദ്ധിച്ചു.

എൽപിജി ക്ഷാമം റെസ്റ്റോറന്റുകളെ ബദൽ പാചക രീതികളിലേക്ക് മാറാൻ നിർബന്ധിതരാക്കി, ഇത് പ്രവർത്തന ചെലവ് വർദ്ധിപ്പിക്കുകയും സേവന ഗുണനിലവാരത്തെ ബാധിക്കുകയും ചെയ്യുന്നു.

ഓഫ്-സീസൺ ആഭ്യന്തര യാത്രാ കാലയളവിൽ അനിശ്ചിതത്വം നിലനിൽക്കുന്നതിനാൽ റിസോർട്ടുകളും കടകളും അടച്ചുപൂട്ടലുകൾക്കും തൊഴിൽ നഷ്ടങ്ങൾക്കും സാധ്യതയുണ്ട്.

കേരള ടൂറിസം പ്രതിസന്ധി വർക്കല

കേരളത്തിലെ ടൂറിസ്റ്റ് സീസൺ സാധാരണയായി സെപ്റ്റംബർ മുതൽ മാർച്ച് വരെയാണ്.

മാർച്ച് അവസാനത്തോടെ, മിക്ക വിദേശ വിനോദസഞ്ചാരികളും അവരുടെ തിരിച്ചുവരവ് ആരംഭിക്കുന്നു, എന്നിരുന്നാലും ചിലർ അവരുടെ താമസം ഒന്നോ രണ്ടോ മാസം കൂടി നീട്ടുന്നു.

മാർച്ച് മുതൽ സെപ്റ്റംബർ വരെ, ടൂറിസം മേഖല പ്രധാനമായും ആഭ്യന്തര സഞ്ചാരികളെ ആശ്രയിച്ചിരിക്കുന്നു.

എന്നാൽ ഇറാൻ യുദ്ധം വിദേശ വിനോദസഞ്ചാരികളെ വളരെയധികം ആശ്രയിക്കുന്ന പ്രാദേശിക ടൂറിസം ഓപ്പറേറ്റർമാർക്ക് ഒരു അപ്രതീക്ഷിത തിരിച്ചടിയായി മാറി.

പല ബിസിനസുകളും റദ്ദാക്കലുകൾ, യാത്രാ റൂട്ടുകൾ തടസ്സപ്പെടുന്നത്, ദ്രവീകൃത പെട്രോളിയം വാതകത്തിന്റെ (എൽപിജി) ക്ഷാമം എന്നിവയുമായി മല്ലിടുകയാണ്, ഇത് റെസ്റ്റോറന്റുകളെ ബാധിക്കുന്നു.

വിദേശ വിനോദസഞ്ചാരികളുടെ എണ്ണം കുതിച്ചുയരുന്നു

കഴിഞ്ഞ വർഷം കേരളത്തിൽ വിനോദസഞ്ചാരികളുടെ വരവിൽ വൻ വർധനവ് രേഖപ്പെടുത്തിയിരുന്നു, ഇത് റെക്കോർഡ് ഉയരത്തിലെത്തിയ സമയത്താണ് ഈ തടസ്സം ഉണ്ടായത്.

ഔദ്യോഗിക കണക്കുകൾ പ്രകാരം, ഈ വർഷം സംസ്ഥാനത്തേക്ക് ഏകദേശം 26 ദശലക്ഷം സന്ദർശകരെ ലഭിച്ചു. ഇതിൽ 821,999 പേർ വിദേശികളായിരുന്നു.

2024 നെ അപേക്ഷിച്ച് അവരുടെ എണ്ണം 11.3 ശതമാനം കൂടുതലായിരുന്നു.

1993 മുതൽ വർക്കലയിൽ ആയുർവേദ മസാജ് സെന്റർ നടത്തുന്ന ബിന്ദു ബിജു, ഫെബ്രുവരി പകുതി വരെ ബിസിനസ്സ് മികച്ചതായിരുന്നുവെന്ന് അഭിപ്രായപ്പെട്ടു.

സാധാരണയായി മാർച്ച്, ഏപ്രിൽ മാസങ്ങളിൽ യോഗ, ആയുർവേദ ചികിത്സകൾക്കായി വിദേശികളുടെ വൻ തിരക്കാണ് അനുഭവപ്പെടുന്നത്, ചില സന്ദർശകർ മെയ് മാസത്തിലേക്ക് താമസം നീട്ടുന്നു.

"ഈ യുദ്ധം ആരംഭിച്ചതിനുശേഷം, ബിസിനസ്സ് മോശമായി," ബിജു പറഞ്ഞു.

"ഞങ്ങളുടെ ബിസിനസിന്റെ 70-80 ശതമാനം വിദേശ അതിഥികളിൽ നിന്ന് ഞങ്ങൾക്ക് നഷ്ടപ്പെട്ടു.

"പ്രാദേശിക വിനോദസഞ്ചാരികൾ മസാജ് സേവനം തിരഞ്ഞെടുക്കുന്നത് വളരെ കുറവാണ്."

ഗൾഫ് റൂട്ടുകളിലെ യാത്രാ തടസ്സങ്ങൾ

വിനോദസഞ്ചാരികൾക്കിടയിൽ തന്നെ അനിശ്ചിതത്വം പ്രകടമാണ്.

സ്വീഡിഷ് പൗരനായ ലെക് ഡൽനി, കാൽമുട്ട് വേദന ഭേദമാക്കാൻ നാല് ആഴ്ചത്തെ പഞ്ചകർമ ചികിത്സയ്ക്കായി ആദ്യം കേരളത്തിലേക്ക് യാത്ര ചെയ്തു.

സുഖം പ്രാപിച്ചെങ്കിലും, അസർബൈജാൻ അല്ലെങ്കിൽ ലണ്ടൻ വഴിയുള്ള ബദൽ മാർഗങ്ങൾ പരിഗണിച്ച് ദോഹ (ഖത്തർ) വഴിയുള്ള തന്റെ മടക്ക വിമാനത്തെക്കുറിച്ച് തന്റെ ട്രാവൽ ഏജൻസിയിൽ നിന്ന് കേൾക്കാൻ അദ്ദേഹം ഇപ്പോൾ ആകാംക്ഷയോടെ കാത്തിരിക്കുകയാണ്.

തുടക്കത്തിൽ സംസാരിക്കാൻ മടികാണിച്ച ഡൽനി, പിന്നീട് തന്റെ മകന്റെ വലതുപക്ഷ രാഷ്ട്രീയ ജീവിതത്തെച്ചൊല്ലിയുള്ള മോശം അനുഭവങ്ങൾ തന്നെ തുറന്നുപറയുന്നതിൽ നിന്ന് തടഞ്ഞുവെന്ന് പറഞ്ഞു.

"രണ്ടാം ലോക മഹായുദ്ധത്തിനു ശേഷമുള്ള ഏറ്റവും മോശമായ മാന്ദ്യങ്ങളിലൊന്നിലേക്ക് നമ്മൾ പ്രവേശിക്കുകയായിരിക്കാം," ഡൽനി പറഞ്ഞു.

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/

Continue Reading

വനിതാ സംവരണ ഭേദഗതി ബിൽ ലോക്സഭയിൽ: പ്രതിഷേധവുമായി പ്രതിപക്ഷം

വിവാദങ്ങൾക്കും പ്രതിഷേധങ്ങൾക്കുമിടെ വനിതാസംവരണഭേദഗതി ബിൽ ലോക്സഭയിൽ. നിയമമന്ത്രി അർജുൻ റാം മേഘ്‍വാളാണ് ബിൽ അവതരിപ്പിക്കുക. ബില്ല് അവതരിപ്പിക്കാൻ വോട്ടെടുപ്പിലൂടെ അനുമതി ലഭിച്ചു. ബിൽ അവതരണത്തിനെതിരെ പ്രതിപക്ഷം പ്രതിഷേധവുമായി രംഗത്തെത്തി. ഭരണഘടനയുടെ അടിസ്ഥാനത്തെ തകർക്കുന്നതാണ് നീക്കമെന്നും ബിൽ പിൻവലിക്കണമെന്നും പ്രതിപക്ഷം ആവശ്യപ്പെട്ടു. ബില്ലിനെതിരായ വിമർശനങ്ങൾ ചർച്ചയിൽ ഉന്നയിക്കാമെന്നാണ് കേന്ദ്രസർക്കാർ പ്രതികരണം

മുസ്ലിം-പിന്നാക്ക വിഭാഗങ്ങൾക്ക് ബില്ലിൽ സംവരണമില്ലെന്ന് അഖിലേഷ് യാദവ് കുറ്റപ്പെടുത്തി. മതാടിസ്ഥാനത്തിൽ സംവരണം അനുവദിക്കുന്നില്ലെന്നാണ് ഇതിന് കേന്ദ്രത്തിന്റെ മറുപടി. വിഷയത്തിൽ ആഭ്യന്തരമന്ത്രി അമിത് ഷായും അഖിലേഷ് യാദവും തമ്മിൽ വാക്കുതർക്കമുണ്ടായി. ബില്ലിനെതിരെ പ്രതിഷേധിച്ച് ഡിഎംകെ അംഗങ്ങൾ കറുത്ത വസ്ത്രമണിഞ്ഞാണ് സഭയിലെത്തിയത്. ബില്ലിൽ പ്രതിപക്ഷ ചർച്ചക്ക് പ്രിയങ്ക ഗാന്ധി നേതൃത്വം നൽകും. 

നിയമനിർമാണസഭകളിലെ സീറ്റെണ്ണം ഉയർത്തി വനിതാസംവരണം നടപ്പാക്കാനുള്ളതാണ് ഭരണഘടനാ ഭേദഗതി ബിൽ. മണ്ഡലങ്ങളുടെ എണ്ണം കൂട്ടി വനിതാ സംവരണം നടപ്പാക്കുന്നതിലാണ് പ്രതിപക്ഷത്തിന്റെ എതിർപ്പ്. ലോക്സഭയിലെ ചർച്ചയിൽ പ്രതിപക്ഷം ശക്തമായ പ്രതിഷേധം ഉയർത്തും. ലോക്സഭയിലെ പതിനെട്ട് മണിക്കൂർ ചർച്ചയിൽ പ്രധാനമന്ത്രി നരേന്ദ്രമോദി സംസാരിക്കും.

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/

Continue Reading

റഷ്യന്‍, ഇറാന്‍ എണ്ണയ്ക്ക് അമേരിക്കയുടെ 'പൂട്ടുവീണു'; ഇന്ത്യയ്ക്ക് തിരിച്ചടി, ഇന്ധനവില ഇനിയും ഉയരുമോ?

റഷ്യയില്‍ നിന്നും ഇറാനില്‍ നിന്നും എണ്ണ ഇറക്കുമതി ചെയ്യുന്നതിന് ഇന്ത്യയുള്‍പ്പെടെയുള്ള രാജ്യങ്ങള്‍ക്ക് നല്‍കിയിരുന്ന ഇളവുകള്‍ ട്രംപ് ഭരണകൂടം റദ്ദാക്കുന്നു. രാജ്യാന്തര വിപണിയില്‍ നിന്ന് കുറഞ്ഞ നിരക്കില്‍ അസംസ്‌കൃത എണ്ണ വാങ്ങാനുള്ള ഇന്ത്യയുടെ നീക്കങ്ങള്‍ക്ക് കനത്ത തിരിച്ചടിയാണിത്. അമേരിക്കന്‍ ഉപരോധം ഭയന്ന് റഷ്യന്‍, ഇറാന്‍ എണ്ണക്കമ്പനികളില്‍ നിന്നുള്ള ഇറക്കുമതി നിയന്ത്രിക്കാന്‍ ഇന്ത്യന്‍ എണ്ണ ശുദ്ധീകരണ കമ്പനികള്‍ നിര്‍ബന്ധിതരാകും.

റഷ്യന്‍ എണ്ണ വാങ്ങാനുള്ള അനുമതി ശനിയാഴ്ച അവസാനിച്ചുവെന്നും. ഇറാനില്‍ നിന്നുള്ള എണ്ണ ഇറക്കുമതിക്കുള്ള അനുമതി ഞായറാഴ്ചയോടെ അവസാനിക്കുമെന്നും ഇവ പുതുക്കി നല്‍കില്ലെന്നും യുഎസ് ട്രഷറി സെക്രട്ടറി സ്‌കോട്ട് ബെസെന്റ് വാര്‍ത്താ സമ്മേളനത്തില്‍ വ്യക്തമാക്കിയിരുന്നു. മാര്‍ച്ച് 11-ന് മുന്‍പ് കപ്പലുകളില്‍ കയറ്റിയ എണ്ണയ്ക്ക് മാത്രമായിരുന്നു ഇളവ് നല്‍കിയിരുന്നത്.അമേരിക്കയുടെ വിലക്കുകള്‍ക്കിടയിലും കഴിഞ്ഞ ആഴ്ചകളില്‍ ഇന്ത്യ ഇറാനില്‍ നിന്ന് എണ്ണ ഇറക്കുമതി ചെയ്തിരുന്നു. ഏഴ് വര്‍ഷത്തെ ഇടവേളയ്ക്ക് ശേഷമാണ് ഇറാനില്‍ നിന്നുള്ള എണ്ണ ഇന്ത്യയിലെത്തുന്നത്.

ഇന്ത്യയെ ബാധിക്കുന്നത് എങ്ങനെ?

ഉപഭോഗത്തിനാവശ്യമായ എണ്ണയുടെ 90 ശതമാനവും ഇറക്കുമതി ചെയ്യുന്ന ഇന്ത്യയ്ക്ക് അമേരിക്കയുടെ ഈ തീരുമാനം വലിയ പ്രതിസന്ധിയുണ്ടാക്കും

വിലക്കയറ്റ ഭീഷണി: പശ്ചിമേഷ്യയില്‍ യുദ്ധം തുടങ്ങിയതോടെ ആഗോള വിപണിയില്‍ എണ്ണവില കുതിച്ചുയരുകയാണ്. കുറഞ്ഞ നിരക്കില്‍ റഷ്യയില്‍ നിന്ന് ലഭിച്ചിരുന്ന എണ്ണ നിലയ്ക്കുന്നത് രാജ്യത്ത് ഇന്ധനവില വര്‍ധിക്കാന്‍ കാരണമായേക്കാം.

വിതരണത്തിലെ തടസ്സം: ഹോര്‍മുസ് കടലിടുക്ക് ഉപരോധിച്ചതോടെ എണ്ണ വരവ് ഇതിനകം തന്നെ കുറഞ്ഞിട്ടുണ്ട്. ഇതിനു പിന്നാലെയാണ് അമേരിക്കയുടെ പുതിയ നീക്കം.

റഷ്യന്‍ എണ്ണയിലെ കുറവ്: കഴിഞ്ഞ മാര്‍ച്ചില്‍ പ്രതിദിനം 19.8 ലക്ഷം ബാരല്‍ എണ്ണയാണ് ഇന്ത്യ റഷ്യയില്‍ നിന്ന് വാങ്ങിയത്. എന്നാല്‍ പുതിയ നിയന്ത്രണങ്ങള്‍ വരുന്നതോടെ ഇതില്‍ വലിയ കുറവുണ്ടാകും. 

ഇളവിനായി ഇന്ത്യയുടെ ശ്രമം

റഷ്യന്‍ എണ്ണ വാങ്ങാനുള്ള അനുമതി നീട്ടിനല്‍കണമെന്ന് ഇന്ത്യയും ഫിലിപ്പീന്‍സും ഉള്‍പ്പെടെയുള്ള രാജ്യങ്ങള്‍ അമേരിക്കയോട് ആവശ്യപ്പെട്ടെങ്കിലും ഫലമുണ്ടായില്ല. കഴിഞ്ഞ ദിവസം പ്രധാനമന്ത്രി നരേന്ദ്ര മോദി യുഎസ് പ്രസിഡന്റ് ഡൊണാള്‍ഡ് ട്രംപുമായി ഫോണില്‍ സംസാരിച്ചിരുന്നു. ഹോര്‍മുസ് കടലിടുക്കിലെ സുരക്ഷ ഉറപ്പാക്കണമെന്നും എണ്ണ വിതരണം തടസ്സപ്പെടരുതെന്നും അദ്ദേഹം ആവശ്യപ്പെട്ടു. റഷ്യയില്‍ നിന്ന് 40 ശതമാനം വരെ വിലക്കുറവില്‍ എല്‍എന്‍ജി വാഗ്ദാനം ചെയ്യുന്നുണ്ടെങ്കിലും അമേരിക്കന്‍ ഉപരോധം ഭയന്ന് അത് ഏറ്റെടുക്കുന്ന കാര്യത്തില്‍ ഇന്ത്യ കരുതലോടെയാണ് നീങ്ങുന്നത്. ഇളവുകള്‍ അവസാനിക്കുന്നതോടെ വരും ദിവസങ്ങളില്‍ ഇന്ത്യന്‍ വിപണിയില്‍ എണ്ണ ലഭ്യത കുറയുമോ എന്ന ആശങ്കയിലാണ് അധികൃതര്‍.

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/

Continue Reading

ഹോർമുസ് തുറക്കണം, അന്താരാഷ്ട്ര താത്പര്യത്തിന് ഒപ്പമെന്ന് ചൈന; ഇറാനെ ഇക്കാര്യം അറിയിച്ചതായി റിപ്പോർട്ട്

 

ബെയ്ജിം​ഗ്: ഹോർമുസ് തുറക്കണമെന്ന അന്താരാഷ്ട്ര താത്പര്യത്തിനൊപ്പമാണ് തങ്ങളെന്ന് ചൈന. ഇക്കാര്യം ഇറാനെ അറിയിച്ചു എന്നാണ് റിപ്പോർട്ടുകൾ പുറത്തുവരുന്നത്. ഇറാന് മേൽ സമ്മർദം ഏറുകയാണ്. ഇറാന്റെ സുരക്ഷയും പരമാധികാരവും മാനിക്കണം എന്നും ചൈന ചൂണ്ടിക്കാട്ടി.

അതേ സമയം, അമേരിക്ക ഇറാൻ അടുത്ത ചർച്ച ഇസ്ലാമാബാദിൽ നടക്കും. ഇക്കാര്യം വൈറ്റ് ഹൗസ് സ്ഥിരീകരിച്ചു. ഇതിനിടെ, ഗൾഫ് മേഖലയിൽ മഞ്ഞുരുക്കത്തിന്റെ സൂചനകളും പുറത്ത് വന്നു. നിരന്തര ആക്രമണങ്ങൾക്ക് ശേഷം, യുഎഇ വൈസ് പ്രസിഡന്റുമായി ഇറാൻ പാർലമെന്റ് സ്പീക്കർ സംസാരിച്ചു. റഷ്യൻ എണ്ണ വാങ്ങാൻ ഇന്ത്യക്ക് നൽകിയ ഇളവ് പുതുക്കില്ലെന്ന് യുഎസ് ട്രഷറി സെക്രട്ടറി സ്കോട്ട് ബെസന്റ്. ഇറാനിൽ നിന്നും റഷ്യയിൽ നിന്നുള്ള എണ്ണ വാങ്ങാൻ അനുവദിച്ചിരുന്ന അമേരിക്കൻ ഉപരോധ ഇളവുകൾ ഇനി പുതുക്കില്ല. യുഎസിൽ നിന്നുള്ള എണ്ണ ഇറക്കുമതി ഇന്ത്യ വർധിപ്പിക്കുമെന്ന് പ്രതീക്ഷിക്കുന്നതായും ബെസന്റ് പറഞ്ഞു. ഇറാനിയൻ എണ്ണയ്ക്ക് നൽകിയിരുന്ന 30 ദിവസത്തെ ഇളവ് ഏപ്രിൽ 19ന് അവസാനിക്കും. റഷ്യൻ എണ്ണയ്‌ക്കുള്ള ഇളവ് ഇതിനകം അവസാനിച്ചു

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/

Continue Reading

ഈ മാസത്തെ ഏറ്റവും ഉയര്‍ന്ന നിരക്കില്‍ ഇന്ന് സ്വര്‍ണം

 

സ്വര്‍ണവില കുറയും എന്നത് ഇനി സ്വപ്‌നമായി അവശേഷിക്കുമോ?. ആഗോളവിപണിയില്‍ സ്വര്‍ണവിലയില്‍ വന്‍ കുതിച്ചുചാട്ടമാണ് സംഭവിച്ചുകൊണ്ടിരിക്കുന്നത്. ക്രൂഡോയില്‍ വില കുറയാന്‍ തുടങ്ങിയതോടെ സ്വര്‍ണവില ഉയരുന്ന കാഴ്ചയാണ് ഇന്നലെയും വിപണിയില്‍ കണ്ടത്. പശ്ചിമേഷ്യയിലെ യുദ്ധത്തിന് സമവായ ചര്‍ച്ചയ്ക്ക് വീണ്ടും സാധ്യതയുണ്ടായതോടെയാണ് വീണ്ടും സ്വര്‍ണവിലയില്‍ വര്‍ധനവ് കണ്ടുതുടങ്ങിയത്. ഈമാസത്തെ ഏറ്റവും ഉയര്‍ന്ന പവന്‍ വിലയാണ് ഇന്ന് രേഖപ്പെടുത്തിയത്.

യുഎസ് ഫെഡറല്‍ റിസര്‍വില്‍നിന്നുളള സമീപകാല കണക്കുകള്‍ ഉയര്‍ന്ന നിരക്കിനുള്ള സാധ്യത വര്‍ധിപ്പിക്കുന്നുണ്ട്. പണപ്പെരുപ്പം സ്ഥിരമായി തുടരുകയാണെങ്കില്‍ കൂടുതല്‍ വര്‍ധനവുണ്ടാകാനുളള സാധ്യതയുണ്ട്. ഇടക്കാലത്ത് സ്വര്‍ണവിലയില്‍ കുറവുണ്ടായിരുന്നുവെങ്കിലും കാര്യങ്ങള്‍ ഇപ്പോള്‍ മാറി മറിയുകയാണ്. കേന്ദ്ര ബാങ്കുകളുടെ തുടര്‍ച്ചയായ വാങ്ങലുകള്‍, ആഗോള കടബാധ്യതയിലെ വര്‍ധനവ്, തുടര്‍ച്ചയായ ഭൗമരാഷ്ട്രീയ മാറ്റങ്ങള്‍ എന്നിവ ദീര്‍ഘകാല അടിസ്ഥാനത്തില്‍ സ്വര്‍ണത്തെ പിന്തുണയ്ക്കുന്നു.

ഇന്നത്തെ സ്വര്‍ണവില

കേരളത്തില്‍ ഇന്ന് സ്വര്‍ണവിലയില്‍ വര്‍ധനവ്. 22 കാരറ്റ് ഒരു പവന്‍ സ്വര്‍ണത്തിന് 1,14,080 രൂപയാണ് ഇന്നത്തെ വില. ഒരു ഗ്രാമിന് 14,260 രൂപയും. കഴിഞ്ഞ ദിവസത്തെ വിലയുമായി തട്ടിച്ച് നോക്കുമ്പോള്‍ ഗ്രാമിന് 20 രൂപയും പവന് 160 രൂപയും കൂടിയിട്ടുണ്ട്. 18 കാരറ്റ് സ്വര്‍ണത്തിന് പവന് 93,720 രൂപയും ഗ്രാമിന് 11,715 രൂപയുമാണ് ഇന്നത്തെ വില. ഗ്രാമിന് 15 രൂപയാണ് കൂടിയിരിക്കുന്നത്.

അതുപോലെതന്നെ 14 കാരറ്റ് സ്വര്‍ണത്തിന് ഗ്രാമിന് 9,125 രൂപയും പവന് 73,000 രൂപയും 9 കാരറ്റിന് ഗ്രാമിന് 5,885 രൂപയും പവന് 47,080 രൂപയുമാണ് ഇന്നത്തെ വില. ഇന്നലെ 1,13,920 രൂപയിലാണ് ഒടുവില്‍ സ്വര്‍ണ വ്യാപാരം നടന്നിരുന്നത്. എന്നാല്‍ വെളളിവില ഇന്നും മാറ്റമില്ലാതെ തുടരുകയാണ്. ഇന്നലെ ഒരു ഗ്രാമിന് 270 രൂപയും 10 ഗ്രാമിന് 2,700 രൂപയുമായിരുന്ന വെള്ളിവില ഇന്നും അതേ വിലയില്‍ത്തന്നെ തുടരുകയാണ്.

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/

Continue Reading