പശ്ചിമേഷ്യയിലെ സംഘർഷത്തെ തുടർന്നുണ്ടായ സാമ്പത്തിക ആഘാതത്തിൽനിന്ന് വിദേശനാണ്യ ശേഖരത്തെ രക്ഷിക്കാൻ ആർ.ബി.ഐ വിറ്റഴിച്ചത് 1.14 ലക്ഷം കോടി രൂപ (12 ബില്യൺ ഡോളർ) മൂല്യമുള്ള സ്വർണം. ബ്ലൂംബെർഗ് ആണ് ഇക്കാര്യം റിപ്പോർട്ട് ചെയ്തത്. ക്രൂഡ് ഓയിൽ വിലവർധന, രൂപയുടെ മൂല്യത്തകർച്ച, വിദേശ നിക്ഷേപം പിൻവലിക്കൽ എന്നിവ സമ്പദ്വ്യവസ്ഥക്ക് വെല്ലുവിളി സൃഷ്ടിച്ച സാഹചര്യത്തിലായിരുന്നു റിസർവ് ബാങ്കിന്റെ ഇടപെടൽ. വിദേശ ബാങ്കുകളിൽ സൂക്ഷിച്ചിട്ടുള്ള സ്വർണം ഇന്ത്യയിലേക്ക് കൊണ്ടുവരാനുള്ള ശ്രമവും തുടങ്ങിയിട്ടുണ്ട്.
സ്വർണ ശേഖരം കുറയുന്നു
മേയ് 22-ന് അവസാനിച്ച രണ്ടാഴ്ചയ്ക്കുള്ളിലാണ് ഇത്രയും സ്വർണം റിസർവ് ബാങ്ക് വിറ്റഴിച്ചത്. ഇതേ കാലയളവിൽ വിദേശ കറൻസി ആസ്തികളിൽ 7.5 ബില്യൺ ഡോളറിന്റെ വർധനവുണ്ടായെന്നും ബ്ലൂംബെർഗ് റിപ്പോർട്ട് ചെയ്യുന്നു.
സ്വർണത്തിന്റെ ഇറക്കുമതി തീരുവ കൂട്ടിയിട്ടും ആർബിഐയുടെ സ്വർണശേഖരത്തിന്റെ മൂല്യത്തിൽ കുറവുണ്ടായത് വിൽപന നടന്നുവെന്നതിന്റെ സൂചനയാണ്. സാധാരണഗതിയിൽ ഇറക്കുമതി തീരുവ വർധിക്കുമ്പോൾ ശേഖരത്തിലുള്ള സ്വർണത്തിന്റെ മൂല്യം വർധിക്കാറുണ്ട്.
കറന്റ് അക്കൗണ്ട് കമ്മി കൂടുന്ന സാഹചര്യത്തിൽ രൂപയെ സ്ഥിരപ്പെടുത്തുന്നതിന് ആവശ്യമായ വിദേശനാണ്യ വിനിമയ വിപണിയിൽ പെട്ടെന്ന് ഇടപെടാൻ സഹായിക്കുന്ന ആസ്തികൾ കൈവശം വയ്ക്കുക എന്നതാണ് ഈ നീക്കത്തിന് പിന്നിൽ.
പശ്ചിമേഷ്യൻ സംഘർഷം: പ്രത്യാഘാതങ്ങൾ
ലോകത്തിലെ ഏറ്റവും വലിയ മൂന്നാമത്തെ ക്രൂഡ് ഓയിൽ ഇറക്കുമതി രാജ്യമായ ഇന്ത്യയ്ക്ക് പശ്ചിമേഷ്യയിലെ സംഘർഷം കനത്ത സമ്മർദമാണുണ്ടാക്കുന്നത്.
ഇറാൻ സംഘർഷവും ഹോർമുസ് കടലിടുക്കിലെ തടസ്സവും ഇന്ധനവില ഉയരാൻ കാരണമായി.
വിദേശികൾ വിപണിയിൽനിന്ന് വിറ്റൊഴിയുന്നതും ക്രൂഡ് ഓയിൽ വിലക്കയറ്റവും രൂപയുടെ മൂല്യത്തെ ബാധിച്ചു. മെയ് 20-ന് രൂപ എക്കാലത്തെയും താഴ്ന്ന നിലവാരത്തിലെത്തി. ജൂൺ രണ്ടിലെ കണക്കനുസരിച്ച് ഡോളറിനെതിരെ 95.17 എന്ന നിലയിലാണ് രൂപയുടെ വ്യാപാരം നടക്കുന്നത്.
യുക്രെയിൻ യുദ്ധത്തെത്തുടർന്ന് പാശ്ചാത്യ രാജ്യങ്ങൾ റഷ്യൻ കരുതൽ ശേഖരം മരവിപ്പിച്ചത് വിദേശത്ത് ആസ്തികൾ സൂക്ഷിക്കുന്നതിലെ സുരക്ഷാ ആശങ്കകൾ വർധിപ്പിച്ചു. ബാങ്ക് ഓഫ് ഇംഗ്ലണ്ട്, ബാങ്ക് ഫോർ ഇന്റർനാഷണൽ സെറ്റിൽമെന്റ്സ് എന്നിവയിലാണ് ഇന്ത്യയുടെ ഭൂരിഭാഗം വിദേശ സ്വർണശേഖരവും ഉള്ളത്.
ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്.
ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://whatsapp.com/channel/0029VaeMpf2JENy6g4eaqV0V
യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://whatsapp.com/channel/0029VaeMpf2JENy6g4eaqV0V
യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
.jpg "KSEB സോളാർ അഴിമതി: പ്രാഥമിക അന്വേഷണം ആരംഭിച്ച് വിജിലൻസ്")
.jpg)
.jpg "‘US നടത്തിയ ആക്രമണങ്ങളുടെ ഉത്തരവാദിത്തം കുവൈത്തിനും ബഹ്റൈനും’: ഇറാൻ")
.jpg)
.png "ഡോർ തുറക്കവേ ബസ്സിനടിയിൽ നിന്ന് ചാടിവീണു; കെഎസ്ആര്ടിസി ഡ്രൈവർക്ക് തെരുവുനായ ആക്രമണത്തിൽ ഗുരുതര പരിക്ക്")
.png)
