സിയറ നാളെ എത്തും; വിപണി കത്തിക്കാൻ ടാറ്റയുടെ ലജൻഡ് റിട്ടേൺ‌സ്

 

22 വർഷത്തിന് ശേഷം വിപണിയിലേക്ക് സിയറ. വാഹനം നാളെ ടാറ്റ മോട്ടോഴ്സ് ഇന്ത്യയിൽ അവതരിപ്പിക്കും. വാഹന പ്രേമികൾ ഏറെ ആകാംഷയോടെ കാത്തിരിക്കുന്ന സിറയുടെ ടീസറുകൾ ഇതിനോടകം തന്നെ വൈറലായിരുന്നു. സിയറ വിപണിയിൽ‌ ഒരു ​ഗെയിം ചേഞ്ചറാകുമെന്ന പ്രതീക്ഷയിലാണ് ടാറ്റ. സിയറയുട റെട്രോ മോഡേൺ ഡിസൈനും പ്രീമിയം ഫിനിഷിങ്ങും വാഹനത്തെ കൂടുതൽ മനോഹരമാക്കുന്നതാണ്.

കോംപാക്ട് എസ് യു വി വിഭാ​ഗത്തിലെ ഏറ്റവും വലിയ പനോരമിക സൺറൂഫായിരിക്കും സിയറയിൽ സജ്ജീകരിക്കുക. ഇന്റീരിയറിലേക്ക് സിയറയുടെ ഉയർന്ന വേരിയന്റുകളിൽ ലഭിക്കാൻ സാധ്യതയുള്ള 3-സ്‌ക്രീൻ സജ്ജീകരണവും ലഭ്യമാകുമെന്നാണ് പ്രതീക്ഷിക്കുന്നത്. ഡിജിറ്റൽ ഇൻസ്ട്രുമെന്റ് കൺസോൾ, സെൻട്രൽ ടച്ച്സ്‌ക്രീൻ ഇൻഫോയ്മെന്റ് സിസ്റ്റം, ഫ്രണ്ട് പാസഞ്ചർ സീറ്റിലിരിക്കുന്നയാൾക്ക് വേണ്ടിയുള്ള പ്രത്യേക ഇൻഫോയ്ൻമെന്റ് സ്‌ക്രീൻ എന്നിവയാണ് 3-സ്‌ക്രീൻ സജ്ജീകരണത്തിൽ വരുന്നത്.

90കളിലെ വിപണിയിലെ താരത്തെ അതേപടി നിലനിർത്തിയാണ് പുത്തൻ സിയറയും എത്തുന്നത്.ടാറ്റയുടെ മോഡൽ നിരയിൽ കർവിനും ഹാരിയറിനും ഇടയിലായിരിക്കും ഈ മിഡ്-സൈസ് എസ്‌യുവി സ്ഥാനം പിടിക്കുക. മിഡ്-സൈസ് എസ്‌യുവി സെഗ്മെന്റിൽ ഇപ്പോൾ ഹ്യുണ്ടായി ക്രെറ്റ, കിയ സെൽറ്റോസ്, ടൊയോട്ട ഹൈറൈഡർ, ഗ്രാൻഡ് വിറ്റാര, എംജിയും തുടങ്ങിയ ശക്തരായ മത്സരികളാണ് ഉള്ളത്.

ഐസിഇ പതിപ്പായിരിക്കും ആദ്യം വിപണിയിൽ എത്തുക. പിന്നാലെ ഈ മോഡലിന്റെ ഇലക്ട്രിക് പതിപ്പും വിപണിയിലേക്കെത്തിക്കും. 2023-ലെ ഡൽഹി ഓട്ടോ എക്‌സ്‌പോയിലാണ് ഈ വാഹനത്തിന്റെ കൺസെപ്റ്റ് ടാറ്റ മോട്ടോഴ്‌സ് ആദ്യമായി പ്രദർശിപ്പിക്കുന്നത്. പിന്നീട് 2025-ലെ ഭാരത് മൊബിലിറ്റി എക്‌സ്‌പോയിൽ സിയേറയുടെ പ്രൊഡക്ഷൻ പതിപ്പും പ്രദർശിപ്പിച്ചിരിരുന്നു.

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/