ബൈക്കിൽ നിന്ന് വീണു, പിന്നാലെ കാർ ദേഹത്ത് കയറി;ഓസ്‌ട്രേലിയയിൽ നിന്ന് അവധിക്ക് എത്തിയ 22കാരന് ദാരുണാന്ത്യം

 

കോഴിക്കോട്: റോഡപകടത്തിൽ ബൈക്ക് യാത്രികനായ ഇരുപത്തിരണ്ടുകാരന് ദാരുണാന്ത്യം. പേരാമ്പ്രയിൽ വെച്ച് ഉണ്ടായ അപകടത്തിൽ അശ്വിൻ ബി രാജിനാണ് ജീവൻ നഷ്ടമായത്. അപകടം നടന്നയുടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

രാവിലെ എട്ടരയോടെയാണ് അപകടം നടന്നത്. കരുവണ്ണൂർ പെട്രാൾ പമ്പിന് സമീപത്ത് വെച്ച് അശ്വിൻ സഞ്ചരിച്ച ബൈക്ക് തെന്നിപ്പോവുകയായിരുന്നു. ഇതോടെ അശ്വിൻ റോഡിലേക്ക് തെറിച്ചു വീണു. ഇതേസമയം എതിർവശത്ത് നിന്നും ഒരു കാർ വരുന്നുണ്ടായിരുന്നു. കാർ ചക്രങ്ങൾക്കിടയിലേക്കാണ് അശ്വിൻ വീണത്. കാർ ദേഹത്ത് കയറി ഇറങ്ങുകയായിരുന്നു.

ചാത്തൻകോട്ട് നട എജെജെഎംഎച്ച്എസിലെ അധ്യാപകരായ രാജന്റെയും ബിനിതയുടെയും മകനാണ് അശ്വിൻ. ഓസ്‌ട്രേലിയയിൽ ഉപരിപഠനം നടത്തുന്ന അശ്വിൻ രണ്ട് ദിവസം മുൻപാണ് നാട്ടിലെത്തിയത്. ചങ്ങോരത്തിന് അടുത്ത് മുതുവണ്ണാച്ചയിലാണ് കുടുംബം താമസിക്കുന്നത്.

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/