“കരുതലിന്റെ കൈത്താങ്ങ്: പാലയിൽ 80 പേർക്ക് സൗജന്യ ഹിയറിംഗ് എയ്ഡ് നൽകി സി.എസ്.ആർ പദ്ധതി”

 

എറണാകുളം പാലാരിവട്ടം ആസ്ഥാനമായി പ്രവർത്തിക്കുന്ന കമ്പാരോ ഇന്ത്യ പ്രൈവറ്റ് ലിമിറ്റഡിന്റെ ഈ വർഷത്തെ കോപ്പറേറ്റ് സോഷ്യൽ റെസ്പോൺസിബിൾ പ്രോഗ്രാം സി എസ് ആർ ഫണ്ടുമായി ബന്ധപ്പെട്ട് കമ്പനിയുടെ കോ-ഫൗണ്ടറും എം. ഡി. യുമായ പാല കൊട്ടാരമറ്റം സ്വദേശി പുല്ലാട്ട് രഞ്ജിത് തോമസ് സിറിയക്ക്. അദ്ദേഹത്തിന്റെ ജന്മനാട്ടിൽ പാല മുനിസിപ്പാലിറ്റി 24-ാം വാർഡിൽ കൗൺസിലർ ബിജു മാത്യൂസിന്റെ നേതൃത്വത്തിൽ കൊട്ടാരമറ്റം വൈക്കം റോഡിലുള്ള ക്രിസ്തുരാജ് സോഷ്യൽ സർവീസ് സൊസൈറ്റിയുടെ സഹകരണത്തോടെ 2026 മാർച്ച് 26-ാം തീയതി ലോകോത്തര നിലവാരമുള്ള ഹിയറിങ് എയ്ഡുകൾ, അതായത് ശ്രവണ സഹായി, 80-ഓളം പേർക്ക് വിതരണം ചെയ്തു. മാർക്കറ്റിൽ 25,000 രൂപയോളം വില വരുന്ന ഈ ശ്രവണ സഹായികൾ ഘടിപ്പിച്ചു നൽകിയത് ഈ രംഗത്ത് ഇന്ത്യയിലെ തന്നെ ഏറ്റവും പേരുകേട്ട സ്വരൂപ് ചാരിറ്റബിൾ ഫൗണ്ടേഷൻ ഉടമയായ സുരേഷ് പിള്ളയും ടീമുമാണ്. പാലായിലും പരിസരത്തുമുള്ള വിവിധ സ്കൂളുകളിൽ നിന്നും അഗതി മന്ദിരത്തിൽ നിന്നുള്ളവരും പാല മുനിസിപ്പാലിറ്റിയിലെ വിവിധ വാർഡുകളിൽ നിന്നുള്ളവർക്കും ഈ സൗകര്യം ഉപയോഗിക്കാൻ കഴിഞ്ഞു. ഏകദേശം ഒരാഴ്ച കൊണ്ട് നൂറോളം അപേക്ഷകൾ ലഭിക്കുകയും കേൾവി പരിശോധന നടത്തി ഓരോരുത്തർക്കും യോജിക്കുന്ന തരത്തിലുള്ള ശ്രവണ സഹായികൾ ഒറ്റ ദിവസം കൊണ്ട് തന്നെ ഫിറ്റ് ചെയ്തു കൊടുക്കുകയും ആയിരുന്നു. കേൾവി ലഭിച്ചവർക്ക് കണ്ടുനിന്നവർക്കും എല്ലാം കണ്ണു നിറയുന്ന സന്തോഷത്തിന്റെ ഒരു വലിയ അനുഭവമായിരുന്നു ഇത്. പാല മുനിസിപ്പാലിറ്റി 24-ാം വാർഡ് കൗൺസിലർ ബിജു മാത്യൂസ് പ്രിയ സുഹൃത്തും കമ്പനി ഉടമയുമായ രഞ്ജിത് തോമസിനും ശ്രവണ സഹായികൾ ഇൻസ്റ്റാൾ ചെയ്ത സ്വരൂപ് ട്രസ്റ്റ് ഉടമ സുരേഷ് പിള്ള സാറിനും എല്ലാ സൗകര്യങ്ങളും ഒരുക്കിത്തന്ന ക്രിസ്തുരാജ് സോഷ്യൽ വെൽഫെയർ സൊസൈറ്റിക്കും സിസ്റ്റർമാർക്കും കമ്പനിയുടെ മറ്റ് ഒഫീഷ്യൽസിനും പ്രോഗ്രാമിൽ ഉടനീളം കൂടെ സഹകരിച്ച സഹ കൗൺസിലർ രജിത പ്രകാശിനും സഹപ്രവർത്തകരായ ജോസഫ്, ജോബി, ദീപക്ക്, പൗർണമി എന്നിവർക്കും ഗുണഭോക്താക്കളെ എത്തിച്ച സ്ഥാപന അധികാരികൾക്കും എത്തിച്ചേർന്ന് ഈ പ്രോഗ്രാം വൻ വിജയമാക്കി തീർത്ത എല്ലാ ഗുണഭോക്താക്കൾക്കും നന്ദി പറഞ്ഞു. അതോടൊപ്പം നമ്മുടെ നാട്ടിലെ വിദേശത്തും ജോലി ചെയ്യുന്ന പ്രിയപ്പെട്ട സുഹൃത്തുക്കൾക്കെല്ലാം രഞ്ജിത് തോമസ് പുല്ലാട്ടും വലിയ ഒരു മാതൃകയാണ് കാണിച്ചുതന്നത് എന്നും തദവസരത്തിൽ പറയുകയുണ്ടായി. ഈ നോയമ്പുകാലത്ത് ഒരു ക്രിസ്ത്യാനിക്ക് ചെയ്യാൻ പറ്റുന്ന ഏറ്റവും വലിയ ഒരു കാര്യമാണ് ഇവിടെ നടന്നത് എന്നും ഇതിൽ സഹായിച്ച എല്ലാവർക്കും എല്ലാ ദൈവാനുഗ്രഹങ്ങളും ഉണ്ടാകട്ടെ എന്നും ആശംസിച്ചു.

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/