അന്താരാഷ്ട്ര ചായ ദിനം: ലോകത്തെ ഒന്നിപ്പിക്കുന്ന ഒരു കപ്പ് ചായ

മേയ് 21 ലോകമെമ്പാടും “അന്താരാഷ്ട്ര ചായ ദിനം” ആയി ആചരിക്കുന്നു. ലോകത്തിലെ ഏറ്റവും ജനപ്രിയമായ പാനീയങ്ങളിൽ ഒന്നായ ചായയുടെ സാമൂഹിക, സാമ്പത്തിക, സാംസ്കാരിക പ്രാധാന്യം ഓർമ്മപ്പെടുത്തുന്നതിനായാണ് ഈ ദിനം ആചരിക്കുന്നത്. ഐക്യരാഷ്ട്രസഭയുടെ പിന്തുണയോടെ ആചരിക്കുന്ന ഈ ദിനം, ചായ വ്യവസായവുമായി ബന്ധപ്പെട്ട ലക്ഷക്കണക്കിന് തൊഴിലാളികളുടെ ജീവിതവും വെല്ലുവിളികളും ലോക ശ്രദ്ധയിൽപ്പെടുത്തുന്നു.

ഇന്ത്യ, ചൈന, ശ്രീലങ്ക, കെനിയ തുടങ്ങിയ രാജ്യങ്ങൾ ലോകത്തിലെ പ്രധാന ചായ ഉത്പാദക രാജ്യങ്ങളാണ്. പ്രത്യേകിച്ച് ഇന്ത്യയിൽ അസം, ദാർജിലിംഗ്, നീലഗിരി മേഖലകളിലെ ചായ ലോകപ്രശസ്തമാണ്. കേരളത്തിലും മൂന്നാർ ഉൾപ്പെടെയുള്ള മലനിരകളിൽ വ്യാപകമായി ചായ കൃഷി നടക്കുന്നുണ്ട്. സംസ്ഥാനത്തിന്റെ വിനോദസഞ്ചാര മേഖലയിലും ചായത്തോട്ടങ്ങൾ വലിയ പങ്കുവഹിക്കുന്നു.

ആരോഗ്യപരമായ ഗുണങ്ങളും ചായയെ ജനപ്രിയമാക്കുന്ന ഘടകങ്ങളിലൊന്നാണ്. ആന്റി ഓക്സിഡന്റുകൾ അടങ്ങിയ ഗ്രീൻ ടീ, ബ്ലാക്ക് ടീ തുടങ്ങിയവ ഹൃദയാരോഗ്യം മെച്ചപ്പെടുത്താനും മാനസിക ഉല്ലാസം നൽകാനും സഹായിക്കുമെന്നാണ് പഠനങ്ങൾ വ്യക്തമാക്കുന്നത്. എന്നാൽ അമിതമായ ഉപയോഗം ആരോഗ്യ പ്രശ്നങ്ങൾക്ക് കാരണമാകാമെന്ന മുന്നറിയിപ്പും വിദഗ്ധർ നൽകുന്നു.

അന്താരാഷ്ട്ര ചായ ദിനാചരണത്തിന്റെ ഭാഗമായി വിവിധ രാജ്യങ്ങളിൽ സെമിനാറുകൾ, പ്രദർശനങ്ങൾ, ചായ മേളകൾ, തൊഴിലാളി ക്ഷേമ പരിപാടികൾ എന്നിവ സംഘടിപ്പിക്കപ്പെടുന്നു. ചായ വ്യവസായം നേരിടുന്ന വിലക്കുറവ്, കാലാവസ്ഥ വ്യതിയാനം, തൊഴിലാളി പ്രശ്നങ്ങൾ തുടങ്ങിയ വിഷയങ്ങളും ഈ ദിനത്തിൽ ചർച്ചയാകുന്നു.

ഒരു സാധാരണ പാനീയമെന്നതിലുപരി ലോക ജനതയെ ഒരുമിപ്പിക്കുന്ന സംസ്കാരത്തിന്റെ ഭാഗമായാണ് ചായയെ ഇന്ന് കാണുന്നത്. കുടുംബ സംഗമങ്ങളിലും സൗഹൃദ സംഭാഷണങ്ങളിലും തൊഴിൽ ഇടവേളകളിലും ചായയ്ക്ക് ഇന്നും മാറ്റമില്ലാത്ത സ്ഥാനം തുടരുകയാണ്. 

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/

Continue Reading

ചെലവ് കുറയ്ക്കാന്‍ ഇന്ത്യയില്‍ കണ്ണുവെച്ച് സ്റ്റാര്‍ബക്‌സ്; രാജ്യത്തെ ആദ്യ കോര്‍പ്പറേറ്റ് ഓഫിസ് വരുന്നു

അമേരിക്കന്‍ കോഫി ശൃംഖലയായ സ്റ്റാര്‍ബക്‌സ് ഇന്ത്യയില്‍ ആദ്യമായി കോര്‍പ്പറേറ്റ് ഓഫിസ് ആരംഭിക്കാന്‍ ഒരുങ്ങുന്നു. സാങ്കേതിക മേഖലയില്‍ കൂടുതല്‍ ജീവനക്കാരെ നിയമിക്കുകയും ഔട്ട്സോഴ്സ് ചെയ്തിരുന്ന ജോലികള്‍ സ്ഥാപനത്തിനുള്ളിലേക്ക് തന്നെ കൊണ്ടുവരികയും ചെയ്യുന്നതിനായാണ് ഈ നീക്കം. 2027 സാമ്പത്തിക വര്‍ഷത്തില്‍ ഓഫിസ് പ്രവര്‍ത്തനം ആരംഭിക്കുമെന്നാണ് റിപ്പോര്‍ട്ടുകള്‍ വ്യക്തമാക്കുന്നത്.

ചെലവ് കുറയ്ക്കുന്നതിനുള്ള ആഗോള പുനഃസംഘടനാ പദ്ധതിയുടെ ഭാഗമായാണ് ഇന്ത്യയില്‍ പുതിയ ടെക് ഹബ് ആരംഭിക്കുന്നത്. അടുത്ത വര്‍ഷങ്ങളിലായി ഏകദേശം 2 ബില്യണ്‍ ഡോളര്‍ ചെലവ് കുറയ്ക്കാനാണ് സ്റ്റാര്‍ബക്‌സ് ലക്ഷ്യമിടുന്നത്. ഇതിനായി പുറത്തുള്ള സര്‍വീസ് പ്രൊവൈഡര്‍മാരെ ആശ്രയിക്കുന്നതില്‍ നിന്ന് കമ്പനി പിന്മാറുകയാണ്.

സ്റ്റാര്‍ബക്‌സ് ചീഫ് ടെക്നോളജി ഓഫീസര്‍ ആനന്ദ് വരദരാജന്‍ ജീവനക്കാര്‍ക്ക് നല്‍കിയ സന്ദേശത്തിലാണ് ഇന്ത്യയിലെ പുതിയ ഓഫിസ് സംബന്ധിച്ച വിവരം വ്യക്തമാക്കിയതെന്ന് റിപ്പോര്‍ട്ടുകള്‍ പറയുന്നു. ഇന്ത്യയില്‍ എവിടെയാണ് ഓഫിസ് തുടങ്ങുക എന്ന കാര്യത്തില്‍ ഇതുവരെ അന്തിമ തീരുമാനം എടുത്തിട്ടില്ല. ഈ വര്‍ഷം അവസാനം സ്ഥലം നിശ്ചയിച്ചതിന് ശേഷം റിക്രൂട്ട്‌മെന്റ് നടപടികള്‍ ആരംഭിക്കുമെന്നാണ് സൂചന.

ടെക് രംഗത്ത്‌ നേരത്തെ ഔട്ട്സോഴ്സ് ചെയ്തിരുന്ന നിരവധി ജോലികള്‍ ഇനി ഇന്‍-ഹൗസായി കൈകാര്യം ചെയ്യാനാണ് കമ്പനി ശ്രമിക്കുന്നത്. പുറത്തുള്ള ടെക് കമ്പനികള്‍ ഈടാക്കുന്ന അധിക ചെലവ് കുറയ്ക്കുക എന്നതും ലക്ഷ്യമാണ്. ടീമുകളുമായും ജോലിയുമായും കൂടുതല്‍ നേരിട്ടുള്ള ബന്ധം സ്ഥാപിക്കാനാണ് ഈ മാറ്റെന്ന് സ്റ്റാര്‍ബക്‌സ് വക്താവ് വ്യക്തമാക്കി.

അമേരിക്കയില്‍ സ്റ്റാര്‍ബക്‌സ് വന്‍തോതില്‍ തൊഴിലാളികളെ പിരിച്ചുവിടുന്ന സാഹചര്യത്തിലാണ് ഇന്ത്യയിലെ പുതിയ ടെക് ഓഫീസ് പ്രഖ്യാപിച്ചിരിക്കുന്നത്. ഈ ആഴ്ച മാത്രം 300 കോര്‍പ്പറേറ്റ് ജീവനക്കാരെ കമ്പനി പിരിച്ചുവിട്ടിരുന്നു. കഴിഞ്ഞ ഒരു വര്‍ഷത്തിനിടെ 2,000ത്തിലധികം കോര്‍പ്പറേറ്റ് ജോലികള്‍ സ്റ്റാര്‍ബക്‌സ് ഒഴിവാക്കിയതായും റിപ്പോര്‍ട്ടുകളുണ്ട്. 

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/

Continue Reading

നാളെ ഈ സമയത്ത് സ്വിഗ്ഗിയിലും, സൊമാറ്റോയിലും ഭക്ഷണം കിട്ടില്ല: പണിമുടക്ക് പ്രഖ്യാപിച്ച് തൊഴിലാളികള്‍

പെട്രോൾ ഡീസൽ വിലവർധനവിൽ പ്രതിഷേധിച്ച് സ്വിഗ്ഗി, സൊമാറ്റോ തൊഴിലാളികൾ നാളെ രാജ്യവ്യാപകമായി പണിമുടക്കും. നാളെ ഉച്ചയ്ക്ക് 12 മുതൽ 5 മണി വരെയാണ് തൊഴിലാളികൾ പണിമുടക്കുക. ഇന്ധന വില വർധനവ്, കുറഞ്ഞ കൂലി എന്നിവയിൽ പ്രതിഷേധിച്ചാണ് പണിമുടക്ക്. ഗിഗ് ആൻഡ് പ്ലാറ്റ്‌ഫോം സർവീസസ് വർക്കേഴ്സ് യൂണിയന്റെ നേതൃത്വത്തിലാണ് സമരം പ്രഖ്യാപിച്ചിരിക്കുന്നത്. എല്ലാ ഗിഗ് തൊഴിലാളികളോടും പണിമുടക്കിൽ പങ്കാളികളാകാൻ യൂണിയൻ ആവശ്യപ്പെട്ടിട്ടുണ്ട്. നീണ്ട തൊഴിൽ സമയം, കുറഞ്ഞ കൂലി എന്നിവ തങ്ങളെ പ്രതിസന്ധിയിലാക്കുന്നുവെന്നും ഇതിനിടെയുണ്ടായ പെട്രോൾ വില വർധനവ് തങ്ങളെ കൂടുതൽ ദുരിതത്തിലാക്കുന്നുവെന്നും യൂണിയൻ പറഞ്ഞു.

അതേസമയം, രാജ്യത്ത് പെട്രോൾ ഡീസൽ വിലവർധനവ് ഉണ്ടായിരിക്കെ അവയുടെ പ്രത്യാഘാതങ്ങൾ എന്തായിരിക്കുമെന്ന ചർച്ചകൾ ഇപ്പോഴും തകൃതിയാണ്. വിലക്കയറ്റം ഇനിയും കൂടുമെന്നാണ് വിദഗ്ധർ പറയുന്നത്. സിഎൻജി, പെട്രോൾ, ഡീസൽ എന്നിവയെല്ലാം ഉപഭോക്ത്ര വില സൂചികയെ നേരിട്ട് ബാധിക്കുന്നവയുമാണ്.

എന്നാൽ പ്രത്യാഘാതങ്ങൾ ഇനിയുമുണ്ട്. ഓട്ടോ, ടാക്സി നിരക്കുകൾ വർധിക്കും എന്നതാണ് ഒരു പ്രധാന കാര്യം. ഇതോടെ ജനങ്ങളുടെ കീശയിൽ നിന്ന് പണം ഒരുപാട് ചോരും. നിലവിൽ കുറഞ്ഞ നിരക്കിൽ സർവീസ് നടത്തുന്ന ഓൺലൈൻ ടാക്സി കമ്പനികളും പതിയെ വില കൂട്ടിയേക്കാം. മാത്രമല്ല, ലോജിസ്റ്റിക്സ് മേഖലയെപ്പോലും ഈ നീക്കം ബാധിക്കും. ചരക്കുനീക്കം കൂടുതൽ ചിലവേറിയതാകും. കമ്പോളത്തിൽ വിലക്കയറ്റം ഉണ്ടാകും. ഉത്പാദന ചിലവ് വർധിക്കുന്നതിലേക്കും ഈ നീക്കം നയിക്കും.

കെമിക്കൽസ്, റിയൽ എസ്റ്റേറ്റ്, ഗ്ലാസ് സെറാമിക്സ് തുടങ്ങിയ മേഖലകളിലെ കമ്പനികൾ ഇതിനകം തന്നെ വില വർധനവ് പ്രഖ്യാപിച്ചിട്ടുണ്ട്. ഏപ്രിലിൽ മൊത്തവില സൂചിക അനുസരിച്ചുള്ള പണപ്പെരുപ്പം എട്ട് ശതമാനമാണ് വർധിച്ചത്. ഇവയെല്ലാം സാധനങ്ങളുടെ വില വർദ്ധനവിന് കാരണമായേക്കും. 

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/

Continue Reading

മുട്ടയ്‌ക്കൊപ്പം ഒരിക്കലും കഴിക്കരുതാത്ത 6 ഭക്ഷണങ്ങൾ

ധാരാളം പോഷകഘടകങ്ങള്‍ അടങ്ങിയതും സമീകൃതവുമായ ആഹാരമാണ് മുട്ട. പോഷകങ്ങളുടെ പവര്‍ഹൗസ് എന്നാണ് മുട്ടയെ വിശേഷിപ്പിക്കുന്നത് തന്നെ. വിറ്റാമിന്‍ എ, ബി, കാല്‍സ്യം, പ്രോട്ടീന്‍, അയണ്‍ , ആരോഗ്യകരമായ കൊഴുപ്പ് തുടങ്ങിയ ധാരാളം ഘടകങ്ങള്‍ മുട്ടയില്‍ അടങ്ങിയിട്ടുണ്ട്. മുട്ടയുടെ മഞ്ഞയ്ക്കും വെള്ളയ്ക്കും പ്രത്യേകം പ്രത്യേകം ആരോഗ്യ ഗുണങ്ങളാണുള്ളത്. ദിവസവും ഭക്ഷണത്തില്‍ മുട്ട ഉള്‍പ്പെടുത്തുന്നത് നല്ലതാണെങ്കിലും ചില ഭക്ഷണങ്ങള്‍ മുട്ടയോടൊപ്പം കഴിക്കാരുത്. അത് ആരോഗ്യത്തെ വളരെയധികം ബാധിക്കും.

മുട്ടയും പഞ്ചസാരയും

മുട്ടയും പഞ്ചസാരയും ചേര്‍ത്ത് പാകം ചെയ്യുമ്പോള്‍ അതില്‍നിന്നുണ്ടാകുന്ന അമിനോ ആസിഡുകള്‍ ശരീരത്തിന് വളരെ ദോഷകരമാണ്. ഇത് രക്തം കട്ടപിടിക്കാനുള്ള സാധ്യത വര്‍ധിപ്പിക്കുമെന്ന് പറയപ്പെടുന്നു.

സോയ പാല്‍

സോയ പാലും മുട്ടയും ഒരുമിച്ച് കഴിക്കുന്നത് ഒഴിവാക്കുക. സോയാ പാലില്‍ അടങ്ങിയിരിക്കുന്ന പ്രോട്ടീന്‍ മുട്ടയിലെ പോഷക ഘടകങ്ങളെ ആഗീരണം ചെയ്യുന്നത് തടയുന്നു.

മുട്ട കഴിച്ച ഉടന്‍ ചായ കുടിക്കരുത്

മുട്ട കഴിച്ച ഉടന്‍ ചായ കുടിക്കുന്നത് പലരുടെയും ശീലമാണ്. എന്നാല്‍ ചായയില്‍ അടങ്ങിയിരിക്കുന്ന ടാന്നിക് ആസിഡ് (Tannic acid) മുട്ടയിലെ പ്രോട്ടീനുമായി ചേര്‍ന്ന് മലബന്ധത്തിനും ഗ്യാസിനും കാരണമാകുന്നു.

പാലും മുട്ടയും

മുട്ടയും പാലും പോഷകഘടകങ്ങള്‍ ധാരാളം അടങ്ങിയ രണ്ട് ഭക്ഷണങ്ങളാണ്. ഇവ രണ്ടും പ്രോട്ടീനുകളാല്‍ സമ്പന്നമായതുകൊണ്ട് ഒരുമിച്ച് കഴിക്കുന്നത് ദഹിക്കാന്‍ പ്രയാസമുണ്ടാക്കുന്നു. ഇത് വയറ് വീര്‍ക്കാനും അസ്വസ്ഥതകള്‍ക്കും കാരണമാകും.

പഴങ്ങളും മുട്ടയും

മുട്ട കഴിച്ചാല്‍ ഉടന്‍തന്നെ തണ്ണിമത്തന്‍ പോലെയുള്ള പഴങ്ങള്‍ കഴിക്കരുത്. ഇത് ദഹന പ്രക്രീയയെ മന്ദഗതിയിലാക്കുകയും വയറുവേദനയ്ക്ക് കാരണമാവുകയും ചെയ്യുന്നു.

കൊഴുപ്പുള്ള ഭക്ഷണങ്ങളും മുട്ടയും

മുട്ടയ്‌ക്കൊപ്പം അമിതമായി കൊഴുപ്പുള്ള പന്നിയിറച്ചി പോലെയുള്ള ഭക്ഷണങ്ങള്‍ കഴിക്കുന്നത് ശരീരത്തിന് അമിത അധ്വാനം ചെയ്യാനിടയാക്കും. പെട്ടെന്ന് ശരീരം തളര്‍ന്ന് പോകുന്നതുപോലെ ക്ഷീണം തോന്നും. 

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/

Continue Reading

ഇന്ത്യയിൽ കാൻസർ കേസുകൾ വർധിക്കുന്നതായി റിപ്പോർട്ട്; നിത്യോപയോഗ സാധനങ്ങൾ ഉപയോഗിക്കുമ്പോൾ ശ്രദ്ധിക്കുക

ഇന്ത്യയില്‍ കാന്‍സര്‍ കേസുകള്‍ വര്‍ധിച്ചുകൊണ്ടിരിക്കുന്നതായാണ് റിപ്പോര്‍ട്ടുകള്‍ സൂചിപ്പിക്കുന്നത്. കണക്കുകള്‍ പ്രകാരം 2026 അവസാനം ആകുമ്പോഴേക്കും പ്രതിവര്‍ഷം 15 ലക്ഷത്തിലധികം പുതിയ കേസുകള്‍ പ്രതീക്ഷിക്കുന്നതായാണ് ആരോഗ്യ പ്രവര്‍ത്തകര്‍ പറയുന്നത്. ജീവിത ശൈലിയും ജനിതകമായ കാരണങ്ങളും ഇക്കാര്യത്തില്‍ ഒരു പ്രധാന പങ്ക് വഹിക്കുന്നുണ്ടെങ്കിലും നമ്മുടെ വീടുകളില്‍ ഉപയോഗിക്കുന്ന ചില നിത്യോപയോഗ വസ്തുക്കളും ആരോഗ്യ അപകടങ്ങള്‍ക്ക് കാരണമാകുന്നുണ്ട്. അത്തരത്തില്‍ ഉപയോഗിക്കുമ്പോള്‍ ശ്രദ്ധിക്കേണ്ട വസ്തുക്കള്‍ എന്തൊക്കെയാണെന്നറിയാം.

പാത്രം കഴുകുന്ന സ്‌പോഞ്ച്

പാത്രം കഴുകുന്ന സ്‌പോഞ്ച് എങ്ങനെയാണ് ആരോഗ്യ പ്രശ്‌നങ്ങള്‍ ഉണ്ടാക്കുന്നതെന്നാവും നിങ്ങള്‍ ആലോചിക്കുന്നത്. സ്‌പോഞ്ചുകളില്‍ സൂക്ഷ്മ ബാക്ടീരിയകള്‍ ഉണ്ടാകാം. അവ പാത്രങ്ങളില്‍ പറ്റിപ്പിടിച്ചിരിക്കുകയും അതുവഴി ശരീരത്തില്‍ എത്തുകയും നമ്മുടെ രോഗ പ്രതിരോധ ശേഷിയെ ദുര്‍ബലമാക്കുകയും ചെയ്യും.

പായ്ക്ക് ചെയ്ത ലഘുഭക്ഷണങ്ങള്‍

സംസ്‌കരിച്ചതും വറുത്തതും പൊരിച്ചതുമൊക്കെയായ ലഘുഭക്ഷണങ്ങളുടെ പതിവ് ഉപയോഗം ആരോഗ്യത്തിന് ഹാനികരമാണ്. ഈ ഭക്ഷണങ്ങളില്‍ രാസവസ്തുക്കളും പ്രിസര്‍വേറ്റീവുകളും മറ്റും അടങ്ങിയിട്ടുണ്ടാവും. ഇത് കാലക്രമേണ കാന്‍സറിനുള്ള സാധ്യത വര്‍ധിപ്പിക്കുന്നു.

ഫാസ്റ്റ് ഫുഡും പഞ്ചസാര കൂടുതലുളള ഭക്ഷണ പദാര്‍ഥങ്ങളും

പഞ്ചസാര കൂടുതലുള്ള ഭക്ഷണ പാനിയങ്ങള്‍ പ്രത്യേകിച്ച് ഫാസ്റ്റ് ഫുഡ് മിതമായി കഴിക്കണം. അമിതമായി പഞ്ചസാര കഴിക്കുന്നത് പ്രമേഹം പോലെയുള്ള അസുഖങ്ങള്‍ വരാന്‍ കാരണമാകും. ചില പഠനങ്ങള്‍ പ്രകാരം ഇത് കാന്‍സര്‍ സാധ്യത വര്‍ധിപ്പിക്കുമെന്നും കണ്ടെത്തിയിട്ടുണ്ട്.

പ്ലാസ്റ്റിക് പാത്രങ്ങള്‍ അലുമിനിയം ഫോയിലുകള്‍

അടുക്കളകളില്‍ ഭക്ഷണവസ്തുക്കള്‍ ഇട്ട് വയ്ക്കാനും മറ്റും പ്ലാസ്റ്റിക് പാത്രങ്ങള്‍ വ്യാപകമായി ഉപയോഗിക്കപ്പെടുന്നു. പക്ഷേ അവ അത്ര സുരക്ഷിതമായിരിക്കില്ല. ദോഷകരമായ രാസവസ്തുക്കള്‍ ഭക്ഷണത്തിലേക്ക് ഒഴുകിയെത്തിയേക്കാം. പ്രത്യേകിച്ച് ഭക്ഷണം ചൂടായിരിക്കുന്ന അവസ്ഥയില്‍. അതുകൊണ്ടുതന്നെ മൈക്രോപ്ലാസ്റ്റിക്കുകളും വിഷവസ്തുക്കളും ശരീരത്തില്‍ പ്രവേശിക്കാന്‍ സാധ്യതയുണ്ട്. അതിനാല്‍ പ്ലാസ്റ്റിക് പാത്രത്തില്‍ ഭക്ഷണം സൂക്ഷിക്കുന്നത് ഒഴിവാക്കണം. പ്രത്യേകിച്ച് ചൂടുള്ള ഭക്ഷണങ്ങള്‍.

പ്ലാസ്റ്റിക് പാത്രങ്ങള്‍ പോലെതന്നെ അലുമിനിയം ഫോയിലുകളും അപകടകാരികളാണ്. ഭക്ഷണം പൊതിയാനോ പാചകം ചെയ്യുന്ന ആവശ്യങ്ങളിലേക്കോ ഇവ ഉപയോഗിക്കാറുണ്ട്. അസിഡിറ്റി ഉള്ളതോ ഉപ്പിലിട്ടതോ ആയ ഭക്ഷണങ്ങള്‍ അലുമിനിയം ഫോയില്‍ ഉപയോഗിച്ച് പൊതിയുന്നത് ലോഹ കണികകള്‍ ഭക്ഷണത്തിലേക്ക് ഒഴുകാന്‍ കാരണമാകുന്നു.ഇത് അരോഗ്യത്തിന് വളരെയധികം ദോഷം ചെയ്യും. 

നോണ്‍സ്റ്റിക് പാത്രങ്ങള്‍

നോണ്‍-സ്റ്റിക് പാത്രങ്ങള്‍ ഉപയോഗിക്കുന്നത് സൗകര്യപ്രദമാണ്. എന്നാല്‍ അതുപോലെതന്നെ ദോഷകരവുമാണ്. അമിതമായി ചൂടാകുമ്പോള്‍ നോണ്‍സ്റ്റികിലെ കോട്ടിംഗ് വിഷാംശമുള്ള രാസവസ്തുക്കള്‍ പുറത്തുവിടുന്നു.ഇത് ആരോഗ്യപ്രശ്‌നങ്ങള്‍ ഉണ്ടാക്കുന്നു. നോണ്‍ സ്റ്റിക് പാത്രങ്ങള്‍ ഉപയോഗിക്കുമ്പോള്‍ അവയിലെ കോട്ടിംഗിന് പോറലോ കേടുപാടുകളോ സംഭവിച്ചിട്ടുണ്ടെങ്കില്‍ ഒരുകാരണവശാലും അവ ഉപയോഗിക്കരുത്. കേടുപാടുകള്‍ സംഭവിച്ച കോട്ടിംഗുകള്‍ ഭക്ഷണവുമായി കലരുകയും കരള്‍, ശ്വാസകോശം തുടങ്ങിയ അവയവങ്ങളെ പ്രതികൂലമായി ബാധിക്കുകയും ചെയ്യുന്നു.

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/

Continue Reading

ഏപ്രിൽ 1 മുതൽ മുട്ടകളിൽ എക്സ്പയറി ഡേറ്റ് പ്രിന്റ് ചെയ്യണമെന്ന് ഉത്തർപ്രദേശ് സർക്കാർ

 

ലക്നൗ: ഏപ്രിൽ 1 മുതൽ ഉത്തർപ്രദേശിൽ‌ വിൽക്കുന്ന എല്ലാ മുട്ടകളിലും എക്സ്പയറി ഡേറ്റ് അടയാളപ്പെടുത്തുന്നത് നിർബന്ധമാക്കണമെന്ന പുതിയ ഭക്ഷ്യ സുരക്ഷാ നിയമം ഉത്തർപ്രദേശ് സർക്കാർ പ്രഖ്യാപിച്ചു. ഉപഭോക്തൃ അവബോധം മെച്ചപ്പെടുത്തുന്നതിനും വിതരണ ശൃംഖലയിലുടനീളം മുട്ടയുടെ പുതുമ നന്നായി നിരീക്ഷിക്കുന്നതിനും ലക്ഷ്യമിട്ടുള്ളതാണ് ഈ നിർദ്ദേശം.

സംസ്ഥാനത്തിനകത്ത് ഉൽപ്പാദിപ്പിക്കുകയും കൊണ്ടുപോകുകയും വിൽക്കുകയും ചെയ്യുന്ന മുട്ടകൾക്ക് ഈ ഉത്തരവ് ബാധകമാണ്. കൂടാതെ ഫാമുകളിലും മൊത്തക്കച്ചവട വിപണികളിലും റീട്ടെയിൽ പോയിന്റുകളിലും മുട്ടകൾ കൈകാര്യം ചെയ്യുന്ന രീതിയിലും മാറ്റം വരുത്താനാണ് സാധ്യത. സംസ്ഥാനത്തെ ഫുഡ് സേഫ്റ്റി ആൻഡ് ഡ്രഗ് അഡ്മിനിസ്ട്രേഷനിലെ (എഫ്ഡിഎ) ഉദ്യോഗസ്ഥരെ ഉദ്ധരിച്ച് ടൈംസ് ഓഫ് ഇന്ത്യയാണ് ഇക്കാര്യം ആദ്യം റിപ്പോർട്ട് ചെയ്തത്.

രണ്ട് സംസ്ഥാനങ്ങളിലായി നടന്ന പ്രധാന ഭക്ഷ്യ റെയ്ഡുകളിൽ 150 ടൺ കാലാവധി കഴിഞ്ഞ ഭക്ഷണവും മായം ചേർത്ത പനീറും പിടിച്ചെടുത്തിരുന്നു. പുതിയ നിയമം അനുസരിച്ച്, മുട്ട ഉൽപ്പാദകരും വിതരണക്കാരും ഓരോ മുട്ടയിലും രണ്ട് കാര്യങ്ങള്‌ പ്രിന്റ് ചെയ്യണം.

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/

Continue Reading

വേവിച്ച ചിക്കന്‍ എത്ര ദിവസം കേടുകൂടാതെ ഫ്രിഡ്ജില്‍ സൂക്ഷിക്കാം

 

പല ആളുകളുടെയും പ്രിയപ്പെട്ട വിഭവമാണ് ചിക്കന്‍. ഇത് വേവിച്ചും വേവിക്കാതെയും ഫ്രിഡ്ജില്‍ സൂക്ഷിച്ച് ഉപയോഗിക്കാറുണ്ട്. എന്നാല്‍ പാകം ചെയ്ത ചിക്കന്‍ എത്ര ദിവസം ഫ്രിഡ്ജില്‍ സൂക്ഷിച്ച് ഉപയോഗിക്കാം. ശരിയായി പാകം ചെയ്ത ഭക്ഷണം പോലും ഒരു സമയം കഴിഞ്ഞാല്‍ ഭക്ഷ്യവിഷബാധയുണ്ടാക്കിയേക്കാവുന്നതുകൊണ്ടുതന്നെ ചിക്കന്റെ ഉപയോഗത്തെക്കുറിച്ചും അറിഞ്ഞിരിക്കേണ്ടതാണ്.

വേവിച്ച ചിക്കന്‍ എത്ര ദിവസം ഫ്രിഡ്ജില്‍ വച്ച് ഉപയോഗിക്കാം

യുണൈറ്റഡ് സ്റ്റേറ്റ്‌സ് ഡിപ്പാര്‍ട്ട്‌മെന്റ് ഓഫ് അഗ്രികള്‍ച്ചറിന്റെ (യുഎസ്ഡിഎ) ഭക്ഷ്യ സുരക്ഷാ മാര്‍ഗനിര്‍ദേശം അനുസരിച്ച് വേവിച്ച ചിക്കന്‍ 40°F (4°C) അല്ലെങ്കില്‍ അതില്‍ താഴെയുള്ള താപനിലയില്‍ തുടരുകയാണെങ്കില്‍ സാധാരണയായി 3 മുതല്‍ 4 ദിവസം വരെ ഫ്രിഡ്ജില്‍ സുരക്ഷിതമായി സൂക്ഷിക്കാന്‍ സാധിക്കും. ഗ്രില്‍ ചെയ്തതോ, വറുത്തതോ ആയ ചിക്കന്‍ വിഭവങ്ങള്‍ക്കും ഈ സമയപരിധി ബാധകമാണ്. മൂന്നോ നാലോ ദിവസത്തെ ഇടവേളയ്ക്ക് ശേഷം ചിക്കനില്‍ ബാക്ടീരിയ വളരാനുളള സാധ്യത വര്‍ധിക്കുന്നു. ഫ്രിഡ്ജില്‍ ഈ സമയത്തില്‍ കൂടുതല്‍ സമയം വയ്ക്കുന്ന ചിക്കന്‍ വിഭവങ്ങള്‍ വലിയ അപകടം ക്ഷണിച്ചുവരുത്തുമെന്ന് ഭക്ഷ്യ സുരക്ഷാവിദഗ്ധര്‍ പറയുന്നു.

വേവിച്ച ചിക്കന്‍ ഫ്രിഡ്ജില്‍ സൂക്ഷിക്കാനുള്ള ശരിയായ വഴികള്‍

ഭക്ഷണ പദാര്‍ഥങ്ങള്‍ സുരക്ഷിതമല്ലാതെയും അശ്രദ്ധമായും കൈകാര്യം ചെയ്താല്‍ ഭക്ഷ്യവിഷബാധയ്ക്ക് കാരണമാകുന്നു. അതുകൊണ്ടുതന്നെ ഭക്ഷണം എങ്ങനെ സൂക്ഷിക്കുന്നു എന്നത് ഒരു പ്രധാന കാര്യമാണ്.

രണ്ട് മണിക്കൂറിനുള്ളില്‍ ഫ്രിഡ്ജില്‍ വയ്ക്കാം

USDA യുടെ ഭക്ഷ്യ സുരക്ഷ മാനദണ്ഡങ്ങള്‍ അനുസരിച്ച് പാകം ചെയ്ത ഭക്ഷണം, പാകം ചെയ്തശേഷം രണ്ട് മണിക്കൂറിനുളളില്‍ റഫ്രിഡ്ജറേറ്ററില്‍ വയ്ക്കണം.

വായൂ കടക്കാത്ത പാത്രത്തില്‍ അടച്ചുവയ്ക്കുക

വേവിച്ച ചിക്കന്‍ വായൂ കടക്കാത്ത പാത്രത്തിലോ നന്നായി അടച്ച പാക്കറ്റിലോ സൂക്ഷിക്കണം. ഇത് ഈര്‍പ്പം നിലനിര്‍ത്തുകയും ബാക്ടീരിയകളില്‍ നിന്ന് രോഗം വരാനുള്ള സാധ്യത കുറയ്ക്കുകയും ചെയ്യുന്നു.

റഫ്രിഡ്ജറേറ്ററിലെ താപനില ശ്രദ്ധിക്കുക

ഭക്ഷണവസ്തുക്കളിലെ ബാക്ടീരിയകളുടെ വളര്‍ച്ച മന്ദഗതിയിലാക്കാന്‍ റഫ്രിഡ്ജറേറ്ററില്‍ 40°F (4°C) അല്ലെങ്കില്‍ അതില്‍ താഴെയായി സൂക്ഷിക്കണമെന്ന് യുഎസ് ഫുഡ് ആന്‍ഡ് ഡ്രഗ് അഡ്മിനിസ്‌ട്രേഷന്‍ (FDA) പറയുന്നു.

ചെറിയ പാത്രങ്ങളില്‍ സൂക്ഷിക്കുക

ഭക്ഷണം ചെറിയ പാത്രങ്ങളില്‍ ഇട്ട് സൂക്ഷിക്കുന്നത് ഭക്ഷണം വേഗത്തില്‍ തണുക്കാന്‍ സഹായിക്കുന്നു. വേഗത്തില്‍ തണുക്കുന്നതുകൊണ്ട് ബാക്ടീരിയകളുടെ വളര്‍ച്ച തടയുന്നു.

ഫ്രീസറില്‍ വച്ചാല്‍ കൂടുതല്‍ ദിവസം കേടുകൂടാതിരിക്കുമോ?

വേവിച്ച ചിക്കന്‍ ഫ്രീസറില്‍ സൂക്ഷിക്കുന്നത് കൂടുതല്‍ ദിവസം കേടുകൂടാതിരിക്കാന്‍ സഹായിക്കും. വേവിച്ച ചിക്കന്‍ ഗുണം നഷ്ടപ്പെടാതെ 2 മുതല്‍ 6 മാസം വരെ ഫ്രീസറില്‍ സൂക്ഷിക്കാം. മരവിപ്പിക്കുന്നത് ബാക്ടീരിയയുടെ വളര്‍ച്ച പതുക്കെയാക്കുന്നു. എങ്കിലും ഉപയോഗത്തിന് മുന്‍പ് ശരിയായ രീതിയില്‍ വീണ്ടും ചൂടാക്കേണ്ടതാണ്.

ശരിയായി ചൂടാക്കി ഉപയോഗിക്കേണ്ടതിന്റെ ആവശ്യകത

വേവിച്ച ചിക്കന്‍ ഫ്രിഡ്ജില്‍ വച്ചശേഷം നന്നായി ചൂടാക്കി ഉപയോഗിക്കേണ്ടതാണ്. 165°F (74°C) താപനിലയില്‍ ചൂടാക്കണമെന്നാണ് USDA പറയുന്നത്. ഈ താപനിലയില്‍ ചൂടാക്കുന്നത് ബാക്ടീരിയയെ നശിപ്പിക്കാന്‍ സഹായിക്കും.

ചിക്കന്‍ കേടായി എന്ന് എങ്ങനെ മനസിലാക്കാം

ഗന്ധത്തിലെ മാറ്റങ്ങള്‍ - കേടായ ചിക്കന് പുളിച്ചതോ ദുര്‍ഗന്ധം വമിക്കുന്ന ഗന്ധമോ ആയിരിക്കാം.

ഘടനയിലെ മാറ്റങ്ങള്‍ - വേവിച്ച ചിക്കന്റെ ഘടന വഴുവഴുപ്പുള്ളതോ ഒട്ടിപ്പിടിക്കുന്നതോ ആയി തോന്നിയാല്‍ അതില്‍ ബാക്ടീരിയ വളരുന്നതായി മനസിലാക്കാം

നിറവ്യത്യാസം - വേവിച്ച ചിക്കന്‍ മങ്ങിയ ചാരനിറമോ അല്‍പം പച്ച നിറമോ ആയി മാറിയാല്‍ അത് കഴിക്കാന്‍ സുരക്ഷിതമായിരിക്കില്ല.

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/

Continue Reading