മേയ് 12 ലോകമെമ്പാടും അന്താരാഷ്ട്ര നേഴ്സസ് ദിനമായി ആചരിക്കപ്പെടുന്നു. ആധുനിക നഴ്സിംഗിന്റെ പിതാവായി അറിയപ്പെടുന്ന ഫ്ലോറൻസ് നൈറ്റിംഗേലിന്റെ ജന്മദിനത്തോടനുബന്ധിച്ചാണ് ഈ ദിനാചരണം നടക്കുന്നത്. രോഗികളുടെ ചികിത്സയിലും പരിചരണത്തിലും നിർണായക പങ്കുവഹിക്കുന്ന നേഴ്സുമാരുടെ സേവനങ്ങളെ ആദരിക്കാനും അവരുടെ പ്രശ്നങ്ങൾ സമൂഹത്തിന്റെ ശ്രദ്ധയിൽപ്പെടുത്താനും ഈ ദിനം അവസരമൊരുക്കുന്നു
കേരളത്തിലെ ആരോഗ്യരംഗത്തിന്റെ കരുത്തായി നിൽക്കുന്നത് നേഴ്സുമാരാണ്. സർക്കാർ ആശുപത്രികളിലും സ്വകാര്യ ആശുപത്രികളിലും വിദേശരാജ്യങ്ങളിലുമെല്ലാം മലയാളി നേഴ്സുമാർ തങ്ങളുടെ സേവന മികവുകൊണ്ട് ശ്രദ്ധേയരാണ്. എന്നാൽ സേവനത്തിന് അനുസരിച്ചുള്ള പരിഗണനയും വേതനവും ലഭിക്കാത്ത അവസ്ഥ വർഷങ്ങളായി കേരളത്തിലെ നേഴ്സുമാർ നേരിട്ടിരുന്നു.
ഒരു കാലത്ത് സ്വകാര്യ ആശുപത്രികളിൽ തൊഴിലുറപ്പ് തൊഴിലാളികൾക്ക് ലഭിക്കുന്ന വേതനത്തേക്കാൾ കുറഞ്ഞ ശമ്പളത്തിലാണ് പല നേഴ്സുമാരും ജോലി ചെയ്തിരുന്നത്. ദീർഘനേരം ജോലി ചെയ്യേണ്ടി വന്നിട്ടും അടിസ്ഥാന ശമ്പളവും ആനുകൂല്യങ്ങളും വളരെ കുറവായിരുന്നു. കുടുംബം വിട്ട് ആതുരസേവനത്തിനായി പകലും രാത്രിയും പ്രവർത്തിച്ച നേഴ്സുമാരുടെ ജീവിതം വലിയ പ്രതിസന്ധികളിലൂടെയാണ് കടന്നുപോയത്.
എന്നാൽ ശക്തമായ സംഘടനാ പ്രവർത്തനങ്ങളുടെയും സമരങ്ങളുടെയും ഫലമായാണ് പിന്നീട് ശമ്പള സ്കെയിലുകളിൽ മാറ്റം വന്നത്. വേതന വർധനയും ജോലിസമയ നിയന്ത്രണവും അടിസ്ഥാന അവകാശങ്ങളും ആവശ്യപ്പെട്ട് നേഴ്സുമാർ നടത്തിയ സമരങ്ങൾ കേരളം കണ്ട വലിയ തൊഴിൽപോരാട്ടങ്ങളിൽ ഒന്നായിരുന്നു. നിരവധി പ്രതിഷേധങ്ങളും സമരങ്ങളും പൊതുസമൂഹത്തിന്റെ പിന്തുണയും പിന്നാലെ സർക്കാർ ഇടപെടലുകളും ഉണ്ടായതോടെയാണ് ഇന്നുള്ള ശമ്പള സ്കെയിലും ആനുകൂല്യങ്ങളും പല മേഖലകളിലും നടപ്പിലായത്.
എന്നിരുന്നാലും ഇന്നും പല സ്വകാര്യ ആശുപത്രികളിലും കുറഞ്ഞ ശമ്പളം, അമിത ജോലിഭാരം, തൊഴിൽ സുരക്ഷയില്ലായ്മ തുടങ്ങിയ പ്രശ്നങ്ങൾ തുടരുന്നുവെന്ന പരാതികൾ ഉയരുന്നുണ്ട്. കോവിഡ് മഹാമാരിക്കാലത്ത് സ്വന്തം ജീവൻ പോലും പണയം വെച്ച് പ്രവർത്തിച്ച നേഴ്സുമാരുടെ സേവനം സമൂഹം മറക്കരുതെന്നാണ് ആരോഗ്യരംഗത്തെ വിദഗ്ധർ ചൂണ്ടിക്കാട്ടുന്നത്.
ഈ നേഴ്സസ് ദിനത്തിൽ, രോഗികളുടെ ജീവനൊരുക്കാൻ മുന്നണിയിൽ നിൽക്കുന്ന നേഴ്സുമാർക്ക് സമൂഹത്തിന്റെ ആദരവും പിന്തുണയും കൂടുതൽ ശക്തമാകണമെന്ന ആവശ്യം ഉയരുകയാണ്.
ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്.
ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://whatsapp.com/channel/0029VaeMpf2JENy6g4eaqV0V
യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://whatsapp.com/channel/0029VaeMpf2JENy6g4eaqV0V
യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
.png "മോദി ദേശവിരുദ്ധനായ പ്രധാനമന്ത്രിയാണെന്ന പരാമർശം; എംപിക്കെതിരെ കേസെടുത്ത് യുപി പൊലീസ്")
.png)
