പാലക്കാട് സ്പെഷ്യല് ബ്രാഞ്ച് ഡിവൈ.എസ്.പി. എംവി മണികണ്ഠനെതിരെയാണ് അച്ചടക്ക നടപടിയുണ്ടായിരിക്കുന്നത്. വനിതാ ഉദ്യോഗസ്ഥരോട് അടക്കം മോശമായി പെരുമാറി എന്നതടക്കം നിരവധി ആരോപണങ്ങള് ഉയര്ന്നിട്ടുളള ഉദ്യോഗസ്ഥനാണ് മണികഠണ്ഠന്. ഇതിന്റെ പേരില് അച്ചടക്ക നടപടികളും നേരിട്ടിട്ടുണ്ട്. ജില്ലാ പോലീസ് ആസ്ഥാനത്ത് പരാതിയുമായി എത്തിയ ഇരുപത്തിയാറുകാരിയോടാണ് ഡിവൈ.എസ്.പി അവസാനമായി മോശമായി പെരുമാറിയത്.
എസ്.പിയുടെ നിര്ദ്ദേശമൊന്നും ഇല്ലാതെ ഡിവൈ.എസ്.പി. മണികണ്ഠന് കേസ് ഏറ്റെടുക്കുകയായിരുന്നു. പരാതിക്കാരിയെ ഓഫീസില് വിളിച്ചുവരുത്തി പരാതികേട്ടു. ഇതിനിടെയാണ് യുവതിയോട് അനാവശ്യം പറഞ്ഞത്. പിന്നാലെ യുവതിയെ ഔദ്യോഗികവാഹനത്തില് കയറ്റി ബസ്സ്റ്റാന്ഡില് കൊണ്ടുവിടുകയുംചെയ്തു. ജില്ലാ പോലീസ് ആസ്ഥാനത്തെ ജീവനക്കാര് ഇക്കാര്യം കണ്ടിരുന്നു. പരാതി ഉയര്ന്നതോടെയാണ് അച്ചടക്ക നടപടിയെടുത്തത്.
മണികണ്ഠന്റെ മോശം പെരുമാറ്റങ്ങളെല്ലാം സസ്പെന്ഷന് ഉത്തരവില് പറഞ്ഞിട്ടുണ്ട്. വനിതാ ജീവനക്കാരുടെ ജോലിസ്ഥലത്തെത്തി മോശമായി പെരുമാറിയെന്ന് പരാതിയുണ്ടായിരുന്നു. കൂടാതെ 2016-ല് പീഡനക്കേസിലെ ഇരയോട് അപമര്യാദയായി പെരുമാറിയതിന് സസ്പെന്ഷനിലായ ഉദ്യോഗസ്ഥനാണ് മണികണ്ഠന്. മലപ്പുറത്ത് എസ്.ഐയായിരിക്കെ വനിതാ പോലീസ് ഉദ്യോഗസ്ഥയോട് മോശമായി പെരുമാറിയതായും പരാതി ഉയര്ന്നിരുന്നു. ഉദ്യോഗസ്ഥന്റെ മോശമായ പെരുമാറ്റം സേനയുടെ അന്തസ്സുതകര്ക്കുന്നതാണെന്ന് ചൂണ്ടിക്കാട്ടിയാണ് സംസ്ഥാന പോലീസ് മേധാവി നടപടിക്ക് നിര്ദ്ദേശിച്ചത്.
ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://whatsapp.com/channel/0029VaeMpf2JENy6g4eaqV0V
യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
