കുരിയച്ചിറ: പിക്കപ്പ് വാനിൽ കടത്തിയ 1,575 ലിറ്റർ സ്പിരിറ്റ് എക്സൈസ് ഇന്‍റലിജൻസ് സംഘം സിനിമാ സ്റ്റൈലിൽ പിടികൂടി. പിക്കപ്പ് വാൻഡ്രൈവർ ഓടിരക്ഷപ്പെട്ടു. എക്സൈസ് ഇന്‍റലിജൻസ് സംഘത്തിന് ലഭിച്ച വിവരത്തെതുടർന്ന് തൃശൂർ വടക്കേ സ്റ്റാൻഡിനു സമീപം നടത്തിയ പരിശോധനയ്ക്കിടെ പിക്കപ്പ് വാൻ നിർത്താതെ പോകുകയായിരുന്നു. വാനിനെ എക്സൈസ് സംഘം പിന്തുടർന്നു. കുരിയച്ചിറ സെന്‍റ് മേരീസ് സ്ട്രീറ്റിനു സമീപംവച്ച് എക്സൈസ് ഇന്‍റലിജൻസ് സംഘം സഞ്ചരിച്ചിരുന്ന കാറിൽ പിക്കപ്പ് വാൻ ഇടിപ്പിച്ച് ഉദ്യോഗസ്ഥരെ അപായപ്പെടുത്താൻ ശ്രമംനടത്തി. ഉദ്യോഗസ്ഥർ കാർ റോഡിനു കുറുകെ നിർത്തിയതോടെ പിക്കപ്പ് വാൻ ഡ്രൈവർ വാഹനത്തിൽനിന്ന് ഇറങ്ങിയോടി. സമീപത്തെ വീട്ടിലെ മതിൽ ചാടിക്കടന്നാണ് ഇയാൾ ഓടിരക്ഷപ്പട്ടത്. പ്രതി ഓടിപ്പോകുന്നതിന്‍റെ സിസിടിവി ദൃശ്യങ്ങൾ ലഭ്യമായിട്ടുണ്ട്. ടയർ റീസോളിംഗ് സാധനങ്ങൾ സൂക്ഷിച്ചിരുന്ന ചാക്കുകളുടെ അടിയിലാണ് 45 കന്നാസുകളിലായി സിപിരിറ്റ് സൂക്ഷിച്ചിരുന്നത്. എക്സൈസ് ഇന്‍റലിജൻസ് ഇൻസ്പെക്ടർ എ.ബി. പ്രസാദ്, അസിസ്റ്റന്‍റ് എക്സൈസ് ഇൻസ്പെക്ടർമാരായ വി.എം. ജബ്ബാർ, പി.വി ബെന്നി, എ.ആർ നെൽസൻ തുടങ്ങിയവരുടെ നേതൃത്വത്തിലുള്ള സംഘമാണ് സ്പിരിറ്റ് പിടികൂടിയത്.
ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://whatsapp.com/channel/0029VaeMpf2JENy6g4eaqV0V
യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
