ഗൂഗിൾ ക്രോം ഉപയോക്താക്കൾക്ക് കേന്ദ്ര സർക്കാർ മുന്നറിയിപ്പ്

 

ദില്ലി: രാജ്യത്തെ ഗൂഗിൾ ക്രോം ഉപയോക്താക്കൾക്കായി സുരക്ഷാ മുന്നറിയിപ്പ് പുറത്തിറക്കി കേന്ദ്ര സർക്കാരിന്‍റെ കമ്പ്യൂട്ടർ എമർജൻസി റെസ്‌പോൺസ് ടീം (CERT-In). ഉപയോക്താക്കളുടെ സിസ്റ്റങ്ങളെ ആക്രമിക്കുന്നതിനായി സൈബർ കുറ്റവാളികൾ ഉപയോഗപ്പെടുത്താൻ സാധ്യതയുള്ള ഗുരുതരമായ അപകടസാധ്യതകൾ ബ്രൗസറിൽ കണ്ടെത്തിയെന്നാണ് ഈ മുന്നറിയിപ്പ്. സുരക്ഷാ ഭീഷണി മറികടക്കാന്‍ ഉപഭോക്താക്കള്‍ ഉടന്‍ തന്നെ ഗൂഗിള്‍ ക്രോമിന്‍റെ ഏറ്റവും പുതിയ വേര്‍ഷന്‍ അപ്‌ഡേറ്റ് ചെയ്യുക.

ഗൂഗിൾ ക്രോമിൽ നിരവധി പിഴവുകൾ കണ്ടെത്തിയതായി കമ്പ്യൂട്ടർ എമർജൻസി റെസ്‌പോൺസ് ടീം സുരക്ഷാ ബുള്ളറ്റിനിൽ പറയുന്നു. ഇത് വിൻഡോസ്, മാകോസ്, ലിനക്‌സ് ഓപ്പറേറ്റിംഗ് സിസ്റ്റങ്ങളുടെ ഉപയോക്താക്കളെ ബാധിച്ചേക്കാം. ഈ പിഴവുകൾ ഉപയോഗിച്ചുകൊണ്ട്, ഒരുഹാക്കർക്ക് ഉപയോക്താവിന്‍റെ സിസ്റ്റത്തിൽ മാൽവെയർ കോഡ് പ്രവർത്തിപ്പിക്കാനും സിസ്റ്റത്തിന്‍റെ നിയന്ത്രണം നേടാനും കഴിയും. ക്രോമിൽ കണ്ടെത്തിയ പ്രശ്‍നങ്ങളിൽ WebGPU-വിലും വീഡിയോയിലും ഹീപ്പ് ബഫർ ഓവർഫ്ലോ, സ്റ്റോറേജിലും ടാബുകളിലും സൈഡ്-ചാനൽ ഡാറ്റ ചോർച്ചകളും മീഡിയ, ഓമ്‌നിബോക്‌സ്, സ്റ്റോറേജ് തുടങ്ങിയവയിലെ പ്രശ്‍നങ്ങളും ഉൾപ്പെടുന്നതായി കമ്പ്യൂട്ടർ എമർജൻസി റെസ്‌പോൺസ് ടീം പറയുന്നു. ലളിതമായി പറഞ്ഞാൽ, പ്രത്യേകം തയ്യാറാക്കിയ വെബ് പേജ് സന്ദർശിക്കാൻ ഒരു ഉപഭോക്താവിനെ പ്രേരിപ്പിക്കാനും ഈ പിഴവുകൾ ചൂഷണം ചെയ്യാനും ഹാക്കർമാർക്ക് കഴിയും. ഇത്തരം അപകടകരമായ വെബ്‌സൈറ്റിലേക്ക് ഒരു ഉപഭോക്താവ് പ്രവേശിക്കുകയാണെങ്കിൽ, ഹാക്കർമാർക്ക് അവരുടെ സിസ്റ്റത്തിലേക്ക് ആക്‌സസ് നേടാനും ഡാറ്റ മോഷ്‌ടിക്കാനും മറ്റ് അപകടകരമായ പ്രവർത്തനങ്ങൾ നടത്താനും കഴിയും.

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/