റേഷൻ പച്ചരി കഴുകിയപ്പോൾ നീലനിറം

മുണ്ടക്കയം : റേഷൻ കടയിൽ നിന്ന് വാങ്ങിയ പച്ചരി കഴുകിയപ്പോൾ നീലനിറമായെന്ന പരാതിയുമായി ഏന്തയാർ നിരപ്പേൽ ബിജു തോമസ് രംഗത്ത്. ഏന്തയാർ അക്ഷയയ്ക്ക് സമീപമുള്ള റേഷൻ കടയിൽ നിന്നാണ് ബിജു കഴിഞ്ഞദിവസം അഞ്ചു കിലോ പച്ചരി വാങ്ങിയത്. വീട്ടിലെത്തി പച്ചരി പാത്രത്തിലിട്ട് നിറംമാറ്റം ശ്രദ്ധയിൽപ്പെട്ടത്. പച്ചരി കയ്യിലെടുത്താൽ പൊടിഞ്ഞു പോകുന്ന നിലയിലായിരുന്നു. ഇതോടെ ബിജു റേഷൻകടയിൽ എത്തി പരാതി പറഞ്ഞു. അരി മാറ്റിത്തരാം എന്ന മറുപടിയാണ് ലഭിച്ചത്. ഫുഡ് സേഫ്റ്റി ഉദ്യോഗസ്ഥരുമായി സംസാരിച്ചപ്പോൾ കിണർ വെള്ളത്തിൽ ഇരുമ്പ് അംശം ഉണ്ടെങ്കിൽ ഇത്തരം പ്രതിഭാസം ഉണ്ടാകാമെന്ന മറുപടിയാണ് ലഭിച്ചത്. എന്നാൽ സമീപത്തെ മറ്റൊരു കിണറ്റിലെ വെള്ളം ഉപയോഗിച്ച് അരി കഴുകിയപ്പോഴും നീല നിറമാണ്. നിരവധിപ്പേരാണ് ഇവിടെ നിന്ന് പച്ചരി വാങ്ങിയിരിക്കുന്നത്. ഇതോടെ ഇവരും ആശങ്കയിലാണ്. 

''പരാതി ലഭിച്ചിട്ടുണ്ട്. അടിയന്തരമായി പരിശോധന നടത്തി റിപ്പോർട്ട് നൽകാൻ ആവശ്യപ്പെട്ടു.-ജി.അഭിജിത്ത്, സപ്ലൈഓഫീസർ

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/