ഇന്ത്യയുടെ വിദേശനാണ്യ കരുതൽ ശേഖരം കുതിക്കുന്നു; കണക്കുകൾ പുറത്തുവിട്ട് ആർബിഐ

 

ഇന്ത്യയുടെ വിദേശനാണ്യ കരുതൽ ശേഖരം 14.167 ബില്യൺ ഡോളർ ഉയർന്ന് 701.36 ബില്യൺ ഡോളറിലെത്തിയതായി റിസർവ് ബാങ്ക് ഓഫ് ഇന്ത്യ. ആർബിഐയുടെ ഏറ്റവും പുതിയ കണക്കുകൾ പ്രകാരം, കഴിഞ്ഞ ആഴ്ചയിൽ മൊത്തം കരുതൽ ശേഖരം 392 മില്യൺ ഡോളർ വർദ്ധിച്ച് 687.193 ബില്യൺ ഡോളറിലെത്തി. മാത്രമല്ല, ഈ ആഴ്ചയിൽ സ്വർണ്ണ ശേഖരത്തിന്റെ മൂല്യം 4.623 ബില്യൺ ഡോളർ ഉയർന്ന് 117.454 ബില്യൺ ഡോളറിലെത്തിയതായി റിസർവ് ബാങ്ക് അറിയിച്ചു.

കഴിഞ്ഞ പണനയ അവലോകന യോഗത്തിന് ശേഷം, രാജ്യത്തിന്റെ വിദേശനാണ്യ കരുതൽ ശേഖരം 11 മാസത്തിലധികം ചരക്ക് ഇറക്കുമതിക്ക് പര്യാപ്തമാണെന്ന് ആർ‌ബി‌ഐ പറഞ്ഞിരുന്നു. ഐഎംഎഫിൽ ഇന്ത്യയുടെ കരുതൽ ധനം 73 മില്യൺ ഡോളർ കുറഞ്ഞ് 4.684 ബില്യൺ ഡോളറിലെത്തിയിട്ടുണഅടെന്നാണ് കണക്കുകൾ വ്യക്തമാക്കുന്നത്. ആഗോളതലത്തിൽ ഉയർന്നുവരുന്ന അനിശ്ചിതത്വങ്ങളുടെയും നിക്ഷേപ ആവശ്യകതയുടെയും പശ്ചാത്തലത്തിൽ, സുരക്ഷിത നിക്ഷേപമായി കരുതപ്പെടുന്ന സ്വർണ്ണത്തിന്റെ വില കഴിഞ്ഞ മാസങ്ങളിൽ കുത്തനെ ഉയർന്നുകൊണ്ടിരിക്കുകയാണ്.

2024 സെപ്റ്റംബറിൽ കരുതൽ ശേഖരം എക്കാലത്തെയും ഉയർന്ന നിരക്കായ 704.89 ബില്യൺ ഡോളറിലെത്തിയിരുന്നു. 2025-ൽ ഇതുവരെ, ഫോറെക്സ് കിറ്റി ഏകദേശം 47-48 ബില്യൺ ഡോളർ വർദ്ധിച്ചതായി ആർബിഐ ഡാറ്റ സൂചിപ്പിക്കുന്നു.

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/