'സ്‌പെയിനിൽ എട്ട് മാസം കാത്തിരിക്കണം, കേരളത്തിൽ വെറും പത്ത് മിനിട്ട് പോലും വേണ്ട'; പ്രശംസിച്ച് വിദേശ വനിത

ആലപ്പുഴ: കേരളത്തിലെ ആരോഗ്യരംഗത്തെ പ്രകീർത്തിച്ച് സ്‌പെയിനിൽ നിന്നുള്ള സോളോ ട്രാവലർ വെറോനിക്ക. ആലപ്പുഴയിലെ ജനറൽ ആശുപത്രിയിലെത്തിയ അനുഭവമാണ് യുവതി വീഡിയോ ആയി ഇൻസ്റ്റഗ്രാമിൽ പങ്കുവച്ചിരിക്കുന്നത്.

'സത്യത്തിൽ ഇതെനിക്ക് വിശ്വാസിക്കാൻ കഴിഞ്ഞില്ല. ഒരു പൊതു ആശുപത്രി ഇത്തരത്തിൽ പ്രവർത്തിക്കുന്നു എന്നത് എന്നെ സംബന്ധിച്ച് അവിശ്വസനീയമായ കാര്യമാണ്. ഇന്ത്യയിൽ മുഴുവൻ സ്ഥലത്തും ഇത്തരത്തിലാണോ എന്നെനിക്ക് അറിയില്ല. എന്റെ നാടായ സ്‌പെയിനിൽ ഒരു ഡെർമറ്റോളജിസ്റ്റിനെ കാണണമെങ്കിൽ ഏകദേശം എട്ട് മാസത്തോളം കാത്തിരിക്കണം. എന്നാൽ, ഇന്ത്യയിൽ നേരത്തേ ബുക്ക് ചെയ്യേണ്ട. നേരെ ആശുപത്രിയിലേക്ക് എത്തിയാൽ മതി. അപ്പോൾ തന്നെ രജിസ്റ്റർ ചെയ്യാം. പത്ത് മിനിട്ടിൽ താഴെ മാത്രം കാത്തിരുന്നാൽ മതി. ഇതെല്ലാം ഒരു സർക്കാർ ആശുപത്രിയിലാണ് സംഭവിച്ചത് എന്നതാണ് ഏറ്റവും വലിയ കാര്യം' - എന്നാണ് വെറോനിക്ക വീഡിയയിലൂടെ പറയുന്നത്

ഇതിനോടകം ലക്ഷക്കണക്കിന് ആളുകളാണ് വെറോനികയുടെ വീഡിയോ കണ്ടത്. നിരവധി മലയാളികൾ വീഡിയോ പങ്കുവച്ചു. കേരളത്തിലെ സർക്കാർ ആശുപത്രിയിൽ നിന്നുണ്ടായ അനുഭവം ഇന്ത്യയിലെ മറ്റ് സംസ്ഥാനങ്ങളിൽ നിന്ന് പ്രതീക്ഷിക്കരുത് എന്നാണ് ഭൂരിഭാഗംപേരും കമന്റിട്ടിരിക്കുന്നത്. കഴിഞ്ഞ കുറച്ച് കാലമായി ഇന്ത്യയിലെ വിവിധ സ്ഥലങ്ങളിൽ യാത്ര ചെയ്‌തുവരികയാണ് വെറോനിക. കേരളത്തിൽ വീണ്ടും വരണമെന്നാണ് വീഡിയോയ്‌ക്ക് താഴെ വന്നിരിക്കുന്ന കമന്റുകൾ 

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/