ലണ്ടനിലെ സ്കൂളിൽ 'അല്ലാഹു അക്ബർ' വിളിച്ചശേഷം 13കാരൻ രണ്ട് സഹപാഠികളെ കുത്തിപ്പരിക്കേൽപ്പിച്ചു

 

വടക്കുപടിഞ്ഞാറൻ ലണ്ടനിലെ ബ്രെന്റിലുള്ള കിംഗ്സ്ബറി ഹൈസ്കൂളിൽ ചൊവ്വാഴ്ച ഉച്ചയോടെ രണ്ട് വിദ്യാർത്ഥികളെ കുത്തിപ്പരിക്കേൽപ്പിച്ച സംഭവത്തിൽ 13 വയസ്സുകാരനായ ആൺകുട്ടിയെ പോലീസ് അറസ്റ്റ് ചെയ്തു. ആക്രമണ സമയത്ത് പ്രതി "അല്ലാഹു അക്ബർ" എന്ന് വിളിച്ചുപറഞ്ഞതായി ദൃക്‌സാക്ഷികളെ ഉദ്ധരിച്ച് ഡെയ്‌ലി മെയിൽ റിപ്പോർട്ട് ചെയ്യുന്നു.

പരിക്കേറ്റ കുട്ടികളിൽ ഒരാളെ അതീവ ഗുരുതരാവസ്ഥയിൽ ട്രോമ സെന്ററിൽ പ്രവേശിപ്പിച്ചു. രണ്ട് കുട്ടികളുടെയും നില ഗുരുതരമായി തുടരുകയാണെന്ന് പോലീസ് അറിയിച്ചു. സംഭവസ്ഥലത്തുനിന്നും ഓടി രക്ഷപ്പെട്ട 13-കാരനെ വധശ്രമത്തിന് പോലീസ് പിന്നീട് അറസ്റ്റ് ചെയ്തു. അക്രമത്തിന് ഉപയോഗിച്ചതെന്ന് കരുതുന്ന ആയുധവും പോലീസ് കണ്ടെടുത്തിട്ടുണ്ട്. സ്കൂളിനുള്ളിലെ സയൻസ് ക്ലാസ് മുറിയിലാണ് സംഭവം നടന്നതെന്ന് കരുതപ്പെടുന്നു.

സ്കൂളിലെ മുൻ വിദ്യാർത്ഥിയായിരുന്ന ഒരാൾ തിരിച്ചെത്തി ഒരു കുട്ടിയെ ലക്ഷ്യം വെച്ച് ആക്രമിക്കുകയായിരുന്നു എന്ന് ഒരു രക്ഷിതാവ് പറഞ്ഞു. മറ്റുള്ളവരെ വിവരമറിയിക്കാൻ ഫയർ അലാറം പ്രവർത്തിപ്പിക്കാൻ ശ്രമിക്കുന്നതിനിടയിലാണ് രണ്ടാമത്തെ കുട്ടിക്ക് കുത്തേറ്റത്.

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/