തൃപ്പൂണിത്തുറയിൽ മുറ്റമടിച്ചിരുന്ന വീട്ടമ്മയ്ക്ക് തെരുവുനായയുടെ കടിയേറ്റു; തലയ്ക്ക് ഗുരുതര പരിക്ക്

 

എറണാകുളം: തൃപ്പൂണിത്തുറയിലും സമീപ പ്രദേശങ്ങളിലുമായി തെരുവുനായയുടെ ആക്രമണത്തിൽ നാല് വയസ്സുകാരൻ ഉൾപ്പെടെ ഏഴുപേർക്ക് ഗുരുതര പരിക്ക്. മുറ്റമടിക്കുകയായിരുന്ന വീട്ടമ്മയുടെ തല നായ കടിച്ചുകീറി. ഉദയംപേരൂർ അതിർത്തി റോഡ് തെക്കേ പുളിപ്പറമ്പിൽ സതി (52) എന്ന വീട്ടമ്മയ്ക്കാണ് സാരമായ പരിക്കേറ്റത്.

ശനിയാഴ്ച രാവിലെ ഏഴുമണിയോടെയാണ് സംഭവം. മുറ്റമടിക്കുകയായിരുന്ന സതിയെ ഓടിവന്ന നായ തലയിൽ ആഴത്തിൽ കടിച്ചുവലിക്കുകയായിരുന്നു. തലയിലെ മാംസം അടർന്നുപോയ നിലയിൽ വെട്ടുകൊണ്ടതുപോലെയുള്ള ആഴത്തിലുള്ള മുറിവാണ് സതിക്കുള്ളത്. ഇവരെ തൃപ്പൂണിത്തുറ താലൂക്കാശുപത്രിയിലും തുടർന്ന് എറണാകുളം ജനറൽ ആശുപത്രിയിലും എത്തിച്ചെങ്കിലും മുറിവ് ഗുരുതരമായതിനാൽ എറണാകുളം മെഡിക്കൽ കോളേജ് ആശുപത്രിയിലേക്ക് മാറ്റി.

തൃപ്പൂണിത്തുറ പുതിയകാവിലും ഉദയംപേരൂർ പ്രദേശത്തുമായി കുട്ടികളടക്കം മറ്റ് ആറുപേർക്കും തെരുവുനായയുടെ കടിയേറ്റിട്ടുണ്ട്. പുതിയകാവ് കണിയാവള്ളി ഭാഗത്തുനിന്ന് ആക്രമണം നടത്തിയതെന്ന് കരുതുന്ന ഒരു നായയെ ശനിയാഴ്ച സന്ധ്യയോടെ നാട്ടുകാർ പിടികൂടി. എന്നാൽ എല്ലാവരെയും ഒരു നായയാണോ കടിച്ചതെന്ന് ഉറപ്പില്ല.

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/