.jpg "KH Reporter"){kind=small}
by 
സുരക്ഷിത രാജ്യങ്ങളുടെ പട്ടികയില് വീണ്ടും ഇടം പിടിച്ച് യുഎഇ. രാജ്യത്ത് രാത്രികാലങ്ങളില് ഒറ്റയ്ക്ക് സഞ്ചരിക്കുന്നത് സുരക്ഷിതമാണെന്ന് 98.7 ശതമാനം പേര് വിശ്വസിക്കുന്നതായി പുതിയ സര്വെ റിപ്പോര്ട്ട് വ്യക്തമാക്കുന്നു. സുരക്ഷിതവും സ്ഥിരതയാര്ന്നതുമായ സംവിധാനത്തിലുള്ള സമൂഹത്തിന്റെ വിശ്വാസമാണ് സര്വെയിലൂടെ പുറത്ത് വന്നതെന്ന് ആഭ്യന്തര മന്ത്രാലയം വ്യക്തമാക്കി.
യുഎഇ നല്കുന്ന സുരക്ഷയില് പൊതുജനങ്ങള്ക്ക് വലിയ ആത്മവിശ്വാസമുണ്ടെന്ന് തെളിയിക്കുന്നതാണ് പുതിയ ദേശീയ സര്വെ. ക്വാളിറ്റി ഓഫ് ലൈഫ് സെക്യൂരിറ്റി സര്വെ 2025ലാണ് യുഎഇയുടെ സുരക്ഷിതത്വം വ്യക്തമാക്കുന്നത്. സര്വേയില് പങ്കെടുത്ത 98.7 ശതമാനം പേരും രാത്രികാലങ്ങളില് ഒറ്റക്ക് നടക്കുന്നത് സുരക്ഷിതമാണെന്ന് അഭിപ്രായപ്പെട്ടു. 98.1 ശതമാനം സ്ത്രീകളും ഇതേ അഭിപ്രായം പങ്കുവച്ചു.
രാജ്യത്തിന്റെ വിവിധ ഭാഗങ്ങളില് നിന്നുളള 6,775 പേരാണ് സര്വേയില് പങ്കെടുത്തത്. സുരക്ഷിതവും സ്ഥിരതയാര്ന്നതുമായ രാജ്യത്തെ സാഹചര്യങ്ങളിലുള്ള സമൂഹത്തിന്റെ വിശ്വാസമാണ് ഈ കണ്ടെത്തലുകളില് പ്രതിഫലിപ്പിക്കുന്നതെന്ന് ആഭ്യന്തര മന്ത്രാലയം വ്യക്തമാക്കി. സുരക്ഷ, സ്ഥിരത, ജീവിതനിലവാരം എന്നീ മേഖലകളില് ആഗോള തലത്തില് യുഎഇയുടെ സ്ഥാനം കൂടുതല് ശക്തിപ്പെടുത്തുന്നത് കൂടിയാണ് സര്വെ ഫലമെന്നും മന്ത്രാലയം അഭിപ്രായപ്പെട്ടു.
തനിച്ച് യാത്ര ചെയ്യാന് ആഗ്രഹിക്കുന്നവര്ക്ക് ലോകത്ത് ഏറ്റവും സുരക്ഷിതമായ നഗരങ്ങളായി അബുദാബിയും ദുബായും അടുത്തിടെ തെരഞ്ഞെടുക്കപ്പെട്ടിരുന്നു. പ്രമുഖ ട്രാവല് ഏജന്സിയായ ട്രാവല്ബാഗ് നടത്തിയ 2025-ലെ ആഗോള പഠന റിപ്പോര്ട്ടിലാണ് യുഎഇയിലെ ഈ രണ്ട് നഗരങ്ങള് ആദ്യ സ്ഥാനങ്ങള് നേടിയത്. കുറ്റകൃത്യങ്ങളുടെ കുറഞ്ഞ നിരക്ക്, മികച്ച പൊലീസ് സംവിധാനം, അത്യാധുനികമായ അടിസ്ഥാന സൗകര്യങ്ങള് എന്നിവയാണ് യുഎഇയെ സോളോ ട്രാവലേഴ്സിന്റെ പ്രിയപ്പെട്ട ഇടമാക്കി മാറ്റുന്നത്. പകല് സമയത്തെയും രാത്രിയിലെയും സുരക്ഷാ സ്കോറുകള് പരിശോധിച്ചാണ് പട്ടിക തയ്യാറാക്കിയത്. ഒമാന് തലസ്ഥാനമായ മസ്കത്ത് പട്ടികയില് നാലാം സ്ഥാനത്തും ഇടം പിടിച്ചിരുന്നു.
ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്.
ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://whatsapp.com/channel/0029VaeMpf2JENy6g4eaqV0V
യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://whatsapp.com/channel/0029VaeMpf2JENy6g4eaqV0V
യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
.jpg)
0 #type=(blogger):
ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്.