എക്‌സ് പണിമുടക്കി, ബാധിച്ചത് ആയിരക്കണക്കിന് പേരെ; ഔദ്യോഗിക പ്രതികരണമില്ലാതെ സോഷ്യല്‍ മീഡിയ പ്ലാറ്റ്‌ഫോം

 

ന്യൂഡല്‍ഹി: സാമൂഹ്യ മാധ്യമ പ്ലാറ്റ്‌ഫോമായ എക്‌സ് സേവനം താല്‍ക്കാലികമായി തടസപ്പെട്ടു. ഇന്ത്യയില്‍ രാത്രി ഏഴ് മുതല്‍ ഏഴര വരെയാണ് സേവനങ്ങള്‍ താല്‍ക്കാലികമായി തടസപ്പെട്ടത്. അമേരിക്കയിലും ഇന്ത്യയിലെ പല ഭാഗങ്ങളിലുമാണ് സേവനങ്ങള്‍ ഏറ്റവും കൂടുതല്‍ തടസപ്പെട്ടതെന്നാണ് ഡൗണ്‍ഡിറ്റക്ടര്‍ റിപ്പോര്‍ട്ട് ചെയ്യുന്നത്.

അമേരിക്കയില്‍ നിന്ന് മാത്രം ഏകദേശം 40,000 പേര്‍ക്കാണ് എക്‌സില്‍ പ്രശ്‌നമുണ്ടായത്. എന്നാല്‍ ഇന്ത്യയില്‍ 3000 പേര്‍ക്കാണ് എക്‌സ് പ്ലാറ്റ്‌ഫോമില്‍ ബുദ്ധിമുട്ട് നേരിട്ടത്. ലോഗ് ചെയ്യാനും പോസ്റ്റ് ചെയ്യാനുമുള്ള ബുദ്ധിമുട്ട്, റീഫ്രഷ് ചെയ്യാനുള്ള ബുദ്ധിമുട്ട് എന്നിവയാണ് ഏറ്റവും കൂടുതല്‍ ഉപയോക്താക്കള്‍ ചൂണ്ടിക്കാട്ടുന്നത്.

ആയിരക്കണക്കിന് പേര്‍ ഇതിനോടകം തന്നെ സാമൂഹ്യ മാധ്യമങ്ങളില്‍ സേവനം ലഭ്യമല്ലെന്ന് അറിയിച്ചിട്ടുണ്ട്. എക്‌സിന്റെ എഐ ചാറ്റ്‌ബോട്ടായ ഗ്രോക്കിന്റെ സേവനവും തടസപ്പെട്ടിട്ടുണ്ട്. വിഷയത്തില്‍ എക്‌സിന്റെ ഭാഗത്ത് നിന്ന് ഇതുവരെ ഔദ്യോഗികമായി പ്രതികരിച്ചിട്ടില്ല. കഴിഞ്ഞ മാസം 13നും സമാന രീതിയില്‍ എക്‌സ് പണിമുടക്കിയിട്ടുണ്ട്.

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/