വിമാന യാത്രക്കാർക്ക് മുന്നറിയിപ്പുമായി അധികൃത‍ർ, ആഴ്ചയിൽ രണ്ടുതവണ ശ്രീനഗ‍ർ വിമാനത്താവളം അടച്ചിടും

കശ്‍മീരിലേക്കും കശ്‍മീരിൽ നിന്നുമുള്ള വിമാനയാത്രകൾക്ക് താൽക്കാലിക തടസം നേരിടേണ്ടിവരും. റൺവേ നവീകരണവും  നിർമാണ പ്രവർത്തനങ്ങളും തുടരുന്നതിനാൽ 2026 ജൂലൈ ഒന്നുമുതൽ സെപ്റ്റംബർ 30 വരെ എല്ലാ തിങ്കളാഴ്ചയും ചൊവ്വാഴ്ചയും ശ്രീനഗർ അന്താരാഷ്ട്ര വിമാനത്താവളത്തിൽ വിമാന സർവീസുകൾ നിർത്തിവയ്ക്കുമെന്ന് അധികൃതർ അറിയിച്ചു.

ഇന്ത്യൻ വ്യോമസേനയുടെ നേതൃത്വത്തിൽ നടക്കുന്ന റൺവേ അറ്റകുറ്റപ്പണികളുടെ ഭാഗമായാണ് ഈ തീരുമാനം സ്വീകരിച്ചതെന്ന് വിമാനത്താവള അധികൃതർ പുറത്തിറക്കിയ യാത്രാ നിർദേശം വ്യക്തമാക്കുന്നു. ജൂലൈ, ഓഗസ്റ്റ്, സെപ്റ്റംബർ മാസങ്ങളിലുടനീളം പുതുക്കിയ പ്രവർത്തനക്രമം തുടരുമെന്ന് എയർപോർട്‍സ് അതോറിറ്റി ഓഫ് ഇന്ത്യയുടെ ശ്രീനഗർ വിഭാഗം സ്ഥിരീകരിച്ചു.

ആദ്യഘട്ട പദ്ധതിപ്രകാരം ഓഗസ്റ്റ് മുതൽ ഒക്ടോബർ മധ്യം വരെ വാരാന്ത്യ ദിവസങ്ങളിൽ വിമാനത്താവളം അടച്ചിടാനായിരുന്നു തീരുമാനം. എന്നാൽ പിന്നീട് പദ്ധതിയിൽ മാറ്റം വരുത്തി എല്ലാ തിങ്കളും ചൊവ്വയും സർവീസുകൾ നിർത്തിവയ്ക്കുന്ന രീതിയിലാണ് പുതിയ ക്രമീകരണം നടപ്പിലാക്കുന്നത്. സെപ്റ്റംബറിന് ശേഷമുള്ള പ്രവർത്തനക്രമത്തെക്കുറിച്ചുള്ള അന്തിമ തീരുമാനം പിന്നീട് പ്രഖ്യാപിക്കുമെന്ന് വിമാനത്താവള വൃത്തങ്ങൾ അറിയിച്ചു. 

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/