പത്തുകാശ് പോക്കറ്റിൽ എത്തണമെങ്കിൽ ചേനയും ചേമ്പും നട്ടോളൂ, സെഞ്ച്വറി അടിച്ച വില അടുത്തകാലത്തൊന്നും താഴില്ല

കോട്ടയം: നല്ല നാടൻ ചേമ്പും ചേനയും ഒരു മുളകും പൊട്ടിച്ച് ചൂടോടെ ഒരു പിടി പിടിച്ചാൽ എന്താ രസം പറയാൻ എളുപ്പമാണ് ചേമ്പും ചേനയും കാച്ചിൽ ഒക്കെ തീൻമേശയിൽ എത്തണമെങ്കിൽ പൊള്ളുന്ന വില നൽകണം. തൊടികളിൽ സർവ്വസാധാരണമായിരുന്ന നാടൻ കിഴങ്ങ് വർഗ്ഗങ്ങൾക്ക് വില ഉയർന്നു കഴിഞ്ഞു. മുൻപ് 35 മുതൽ 40 രൂപ വരെയായിരുന്ന കാച്ചിൽ വില ഇപ്പോൾ സെഞ്ച്വറിയിൽ എത്തി. ഓണത്തിന് 100 രൂപയിൽ എത്തിയ കാച്ചിൽ വില താഴത്തെ തുടരുകയാണ്.