by മൂന്നാർ -കുമളി സംസ്ഥാനപാതയിൽ രാത്രി യാത്ര നിരോധിച്ചു
ഇടുക്കി: മൂന്നാർ- കുമളി സംസ്ഥാനപാതയിൽ ഉടുമ്പഞ്ചോല മുതൽ ചേരിയാർ വരെയുള്ള ഭാഗത്ത് കൂടിയുള്ള രാത്രി യാത്ര നിരോധിച്ചു.ഉടുമ്പൻചോല താലൂക്കിലെ ശാന്തൻപാറ, ചതുരംഗപ്പാറ വില്ലേജുകളിൽ ഉണ്ടായ ഉരുൾപൊട്ടലിലും മണ്ണിടിച്ചിലുകളിലും വ്യാപക നാശനഷ്ടങ്ങൾ റിപ്പോർട്ട് ചെയ്തിട്ടുണ്ട്. ഈ സാഹചര്യത്തിൽ ഉടുമ്പഞ്ചോല മുതൽ ചേരിയാർ വരെയുള്ള ഭാഗത്ത് കൂടിയുള്ള രാത്രി യാത്ര ( വൈകുന്നേരം 7 മണി മുതൽ രാവിലെ 6:00 വരെ ) ഇനിയൊരു ഉത്തരവ് ഉണ്ടാകുന്നതുവരെ നിരോധിച്ചു.
ഇത് സംബന്ധിച്ച ഉത്തരവ് ജില്ലാ കളക്ടർ ഷീബ ജോർജ് പുറത്തിറക്കി. നിരോധന കാലയളവിൽ യാത്രക്കാർക്ക് ഇതിന് സമാന്തരമായ മറ്റു പാതകൾ ഉപയോഗിക്കാം. ഈ ഭാഗത്ത് ഉരുൾപൊട്ടൽ, മണ്ണിടിച്ചിൽ സാധ്യത നിലനിൽക്കുന്നതിനാൽ ദുരന്ത സാഹചര്യം ഒഴിവാക്കുന്നതിനും പൊതുജനങ്ങളുടെ സുരക്ഷ ഉറപ്പാക്കുന്നതിനും ആണ് മേഖലയിലൂടെയുള്ള രാത്രികാല യാത്ര നിയന്ത്രിച്ചിരിക്കുന്നു എന്ന് ജില്ലാ കളക്ടർ അറിയിച്ചു.
0 #type=(blogger):
ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്.