നാലുവയസുകാരിയെ കാണാതായി; സ്കൂട്ടറിലെത്തി തട്ടിക്കൊണ്ടുപോകുന്ന ദൃശ്യം സിസിടിവിയിൽ

 

നാട്ടുകാരെയും ബന്ധുക്കളെയും രണ്ടുമണിക്കൂറോളം മുൾമുനയിൽ നിർത്തിയ വയനാട് മാനന്തവാടിയിലെ തട്ടികൊണ്ടുപോകൽ സംഭവത്തിൽ ​ദുരൂഹത നീക്കാൻ ഊർജിത അന്വേഷണവുമായി പൊലീസ്. ശ​നി​യാ​ഴ്ച രാ​ത്രി എ​ട്ട് മ​ണി​യോ​ടെയായിരുന്നു ദ്വാ​ര​ക പു​ലി​ക്കാ​ട് റോ​ഡ​രി​കി​ലെ വീ​ട്ടു മു​റ്റ​ത്ത് ക​ളി​ക്കു​ക​യാ​യി​രു​ന്ന വ​ട്ട​പ്പാ​റ ബി​ജു​വി​ന്റെ മ​ക​ള്‍ ജി​യ​ന്ന എ​ന്ന നാ​ലു വ​യ​സ്സു​കാ​രി​യെ കാ​ണാ​താ​യത്. രണ്ടു മണിക്കൂറോളം നാട്ടുകാരെ പരിഭ്രാന്തിയിലാക്കിയതിനു ശേഷം, ത​രു​വ​ണ പാ​ല​യാ​ണ ക​ക്ക​ട​വ് റോ​ഡ​രി​കി​ല്‍ കുട്ടിയെ കണ്ടെത്തിയതോടെയാണ് ആശ്വാസമായത്.

രാ​ത്രി 7.50 ഓ​ടെ പു​ലി​ക്കാ​ട് ഭാ​ഗ​ത്തു​നി​ന്നും ഒ​രാ​ൾ ഇ​രു​ച​ക്ര​വാ​ഹ​ന​ത്തി​ൽ എ​ത്തു​ക​യും വീ​ടി​ന് സ​മീ​പ​ത്താ​യി നി​ർ​ത്തു​ക​യും വാ​ഹ​നം ഓ​ഫ് ചെ​യ്യാ​തെ വീ​ടി​ന​ടു​ത്തേ​ക്ക് ന​ട​ക്കു​ക​യും ചെ​യ്യു​ന്ന​ത് സ​മീ​പ​ത്തെ സിസി ടി​വി​യി​ൽ പ​തി​ഞ്ഞി​ട്ടു​ണ്ട്. ഈ ​സ​മ​യം ബി​ജു​വി​ന്റെ പ​ട്ടി കു​ര​ച്ച് ശ​ബ്ദം ഉ​ണ്ടാ​ക്കു​ക​യും ചെ​യ്തി​രു​ന്നു.

അ​ൽ​പ​സ​മ​യ​ത്തി​ന​കം ഇ​യാ​ൾ കു​ട്ടി​യെ വാ​ഹ​ന​ത്തി​ലി​രു​ത്തി തി​രി​ച്ചു​പോ​കു​ന്ന​താ​യി റോ​ഡി​ൽ നി​ന്നും 60 മീ​റ്റ​ർ മാ​റി​യു​ള്ള വീ​ട്ടി​ലു​ള്ള സിസിടി​വി ദൃ​ശ്യ​ങ്ങ​ളി​ൽ കാ​ണാ​ൻ ക​ഴി​യു​ന്നു​ണ്ട്. മു​റ്റ​ത്ത് ക​ളി​ക്കു​ക​യാ​യി​രു​ന്ന കു​ട്ടി​യെ കാ​ണാ​താ​യ​തോ​ടെ പ​രി​ഭ്രാ​ന്ത​രാ​യ വീ​ട്ടു​കാ​രും നാ​ട്ടു​കാ​രും പൊ​ലീ​സും വ്യാ​പ​ക​മാ​യ തി​ര​ച്ചി​ല്‍ ന​ട​ത്തി.

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/