by 
അമേരിക്കയിൽ മിസ്റ്റര്‍ യൂണിവേഴ്സ് കിരീടം നേടി ഇന്ത്യയുടെയും മലയാളികളുടെ അഭിമാനമായി കോട്ടയംകാരൻ. കോട്ടയം നാഗമ്പടം സ്വദേശി സിദ്ധാര്‍ഥ് ബാലകൃഷ്ണനാണ് രാജ്യാന്തര ബോഡിബില്‍ഡിങിൽ കിരീടം നേടിയത്. National physique Committee സംഘടിപ്പിച്ച മിസ്റ്റര്‍ യൂണിവേഴ്സ് പട്ടം നേടിയിരിക്കുകയാണ് സിദ്ധാര്‍ഥ്. ചരിത്രത്തില്‍ ആദ്യമായാണ് ഒരു ഇന്ത്യക്കാരന്‍ എന്‍.പി.സി മിസ്റ്റര്‍ യൂണിവേഴ്സ് പട്ടം നേടുന്നത്. അമേരിക്കൻ ആര്‍മിയിലെ അംഗം കൂടിയായിരുന്നു സിദ്ധാര്‍ഥ്. പഠനശേഷം അമേരിക്കന്‍ സൈന്യത്തില്‍ ചേര്‍ന്നതോടെ ബോഡി ബില്‍ഡിങ്ങില്‍ കൂടുതല്‍ ശ്രദ്ധ കേന്ദ്രീകരിച്ച സിദ്ധാർത്ഥ് ദീര്‍ഘനാളത്തെ പരിശ്രമങ്ങള്‍ക്കും പ്രയത്നങ്ങള്‍ക്കും ഒടുവിലാണ് അമേരിക്കയിൽ മിസ്റ്റര്‍ യൂണിവേഴ്സ് കിരീടം നേടിയത്. മിസ്റ്റര്‍ യൂണിവേഴ്സ് ആയി തിരഞ്ഞെടുക്കപ്പെട്ടതോടെ പ്രമുഖ മോഡലിങ് കമ്പനികളില്‍ നിന്ന് നിരവധി അവസരങ്ങളാണ് സിദ്ധാര്‍ഥിനെ തേടിയെത്തുന്നത്. കോട്ടയം നാഗമ്പടം സ്വദേശിയും മാധ്യമപ്രവര്‍ത്തകനുമായിരുന്ന ബാലുമേനോന്‍റെയും അമേരിക്കയില്‍ സോഷ്യല്‍ വര്‍ക്കറായ ഉമ മേനോന്‍റെയും മകനാണ് സിദ്ധാര്‍ഥ്. കുട്ടിക്കാലത്തു തന്നെ സിദ്ധാര്‍ഥ് മാതാപിതാക്കള്‍ക്കൊപ്പം അമേരിക്കയില്‍ സ്ഥിരതാമസമാക്കിയതാണ്. അമേരിക്കന്‍ പൗരയായ കൊറി ആണ് സിദ്ധാര്‍ഥിന്‍റെ ജീവിത പങ്കാളി. ഇരുവര്‍ക്കും ഒരു മകളാണ്. സൂര്യ മേനോനാണ് സഹോദരി.അവർ അമേരിക്കയില്‍ സ്ഥിരതാമസമാക്കിയതാണ്.
Disclaimer: ഈ വാർത്തയ്ക്കൊപ്പം ഉപയോഗിച്ചിരിക്കുന്ന ചിത്രം കേരളാ ഹോട്ടൽ ന്യൂസിന്റേതല്ല.ഇത് സോഷ്യൽ മീഡിയയിൽ നിന്ന് എടുത്തിട്ടുള്ളതാണ്. ഈ വാർത്ത കൂടുതൽ വ്യക്തവും സമഗ്രവുമാക്കുന്നതിനാണ് ഈ ചിത്രം ഉപയോഗിച്ചിരിക്കുന്നത്.
ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://whatsapp.com/channel/0029VaeMpf2JENy6g4eaqV0V
യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
