ഒരുലക്ഷത്തിൽ താഴെ വില, ഫുൾ ചാർജ്ജിൽ 158 കിമി! സാധാരണക്കാരന് താങ്ങാകാൻ പുതിയ ടിവിഎസ് ഓർബിറ്റർ

ടിവിഎസ് മോട്ടോർ കമ്പനി ഓർബിറ്റർ എന്ന പുതിയ സ്‍കൂട്ടർ പുറത്തിറക്കി. ടിവിഎസിൽ നിന്നുള്ള മൂന്നാമത്തെ ഇലക്ട്രിക് സ്‍കൂട്ടർ ആണിത്. ഒരുലക്ഷം രൂപയിൽ താഴെ എക്സ്-ഷോറൂം വിലയിലാണ് കമ്പനി ഈ പുതിയ ഇലക്ട്രിക് സ്കൂട്ടർ പുറത്തിറക്കിയിരിക്കുന്നത്. താങ്ങാനാവുന്ന വിലയിൽ വമ്പിച്ച ശ്രേണിയും സെഗ്‌മെന്റ് ഫസ്റ്റ് സവിശേഷതകളും വാഗ്ദാനം ചെയ്യുന്ന ടിവിഎസ് ഓർബിറ്ററിൽ, അണ്ടർ-സീറ്റ് സ്റ്റോറേജ്, ക്രൂയിസ് കൺട്രോൾ, ഹിൽ ഹോൾഡ് അസിസ്റ്റ് എന്നിവയുൾപ്പെടെ നിരവധി ഫീച്ചറുകൾ നൽകിയിട്ടുണ്ട്. ഐക്യൂബിൽ നിന്നുള്ള സൂക്ഷ്മമായ ഡിസൈൻ ഘടകങ്ങളുള്ള തികച്ചും പുതിയൊരു ഡിസൈൻ ഭാഷയാണ് ടിവിഎസ് ഓർബിറ്ററിന്റേത് . നിയോൺ സൺബേസ്റ്റ്, സ്ട്രാറ്റോസ് ബ്ലൂ, ലൂണാർ ഗ്രേ, സ്റ്റെല്ലാർ സിൽവർ, കോസ്മിക് ടൈറ്റാനിയം, മാർഷ്യൻ കോപ്പർ എന്നീ നിറങ്ങളിൽ ടിവിഎസ് ഓർബിറ്റർ ലഭ്യമാകും. 99,900 രൂപ ആണ് ബാംഗ്ലൂരിൽ ഇതിന്റെ എക്സ്-ഷോറൂം വില.

ഒറ്റ ചാർജിൽ 158 കിലോമീറ്റർ സഞ്ചരിക്കാൻ സാധിക്കുമെന്ന് അവകാശപ്പെടുന്ന 3.1 കിലോവാട്ട്സ് ബാറ്ററി പായ്ക്കാണ് ടിവിഎസ് ഓർബിറ്ററിൽ ഉപയോഗിക്കുന്നത്. ഇക്കോ , പവർ എന്നീ രണ്ട് റൈഡിംഗ് മോഡുകളും റീജനറേറ്റീവ് ബ്രേക്കിംഗും ഇതിൽ ഉൾപ്പെടുന്നു. ഇതിനുപുറമെ, ഈസി ആക്സസ് ബോക്സുള്ള USB 2.0 ചാർജിംഗ്, 84 എംഎം നീളമുള്ള ഫ്ലാറ്റ്ഫോം സീറ്റ്, 290 എംഎം നേർരേഖ ഫുട്ബോർഡ്, നിവർന്നുനിൽക്കുന്ന ഹാൻഡിൽബാർ തുടങ്ങിയ സവിശേഷതകൾ റൈഡിംഗ് അനുഭവം മെച്ചപ്പെടുത്തുന്നു. ഈ സ്‍കൂട്ടറിൽ ഇക്കോ, പവർ എന്നിങ്ങനെ രണ്ട് റൈഡിംഗ് മോഡുകളും ലഭിക്കുന്നു.

ഈ സ്‍കൂട്ടറിന്‍റെ സീറ്റിനടിയിലെ സംഭരണശേഷി 34 ലിറ്ററും ഗ്രൗണ്ട് ക്ലിയറൻസ് 169 എംഎമ്മും ആണ്. ടിവിഎസ് 14 ഇഞ്ച് ഫ്രണ്ട് വീലും 12 ഇഞ്ച് പിൻ വീലുമാണ് ഉപയോഗിക്കുന്നത്. മുൻവശത്ത് അലോയ് വീലും പിൻവശത്ത് 12 ഇഞ്ച് വീലിലും ഇലക്ട്രിക് മോട്ടോറും ലഭിക്കുന്നു. ടിവിഎസിന്റെ പുതിയ ഇലക്ട്രിക് സ്കൂട്ടർ ഓർബിറ്ററിൽ നിരവധി സവിശേഷതകളുണ്ട്. സെഗ്മെന്റ് ഫസ്റ്റ് ക്രൂയിസ് കൺട്രോൾ, 34 ലിറ്റർ അണ്ടർ സീറ്റ് സ്റ്റോറേജ്, 14 ഇഞ്ച് ഫ്രണ്ട് വീൽ, ഹിൽ ഹോൾഡ് അസിസ്റ്റ്, ജിയോ ഫെൻസിങ്, ടൈം ഫെൻസിങ്, ടോവിങ്, ക്രാഷ് ആൻഡ് ഫാൾ അലേർട്ട് എന്നിവ ഇതിലുണ്ട്. ഇതിനുപുറമെ, കണക്റ്റഡ് മൊബൈൽ ആപ്പ്, ഇന്റഗ്രേറ്റഡ് ഇൻഡിക്കേറ്ററുകളുള്ള എഡ്ജ്-ടു-എഡ്ജ് ഫ്രണ്ട് കോമ്പിനേഷൻ, ഫ്രണ്ട് വൈസറുള്ള ഫ്രണ്ട് എൽഇഡി ഹെഡ്‌ലാമ്പ്, ഇൻകമിംഗ് കോൾ ഡിസ്‌പ്ലേയുള്ള കളർ എൽസിഡി കണക്റ്റഡ് ക്ലസ്റ്റർ, സ്മാർട്ട് നാവിഗേഷൻ, പാർക്കിംഗ് അസിസ്റ്റ്, ഒടിഎ അപ്‌ഡേറ്റുകൾ, മികച്ച എയറോഡൈനാമിക് കാര്യക്ഷമത എന്നിവ ഇതിലുണ്ട്. ഇതിനുപുറമെ, വാഹന മോഷണം ഒഴിവാക്കാൻ ആന്റി-തെഫ്റ്റ് അലേർട്ടും ഇതിൽ ലഭ്യമാണ്.

Disclaimer: ഈ വാർത്തയ്ക്കൊപ്പം ഉപയോഗിച്ചിരിക്കുന്ന ചിത്രം കേരളാ ഹോട്ടൽ ന്യൂസിന്റേതല്ല.ഇത് സോഷ്യൽ മീഡിയയിൽ  നിന്ന് എടുത്തിട്ടുള്ളതാണ്. ഈ വാർത്ത കൂടുതൽ വ്യക്തവും സമഗ്രവുമാക്കുന്നതിനാണ് ഈ ചിത്രം ഉപയോഗിച്ചിരിക്കുന്നത്.

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്.