സ്വര്‍ണ്ണക്കരുത്ത് കൂട്ടി ചൈന; ഹോങ്കോങ് വഴിയുള്ള ഇറക്കുമതിയില്‍ വന്‍ വര്‍ധന

ലോകത്തിലെ ഏറ്റവും വലിയ സ്വര്‍ണ്ണ ഉപഭോക്താക്കളായ ചൈന സ്വര്‍ണ്ണശേഖരം കുത്തനെ ഉയര്‍ത്തുന്നു. കഴിഞ്ഞ ഒക്ടോബര്‍ മാസത്തെ അപേക്ഷിച്ച് നവംബറില്‍ ഹോങ്കോങ് വഴിയുള്ള ചൈനയുടെ സ്വര്‍ണ്ണ ഇറക്കുമതിയില്‍ നൂറ് ശതമാനത്തിലധികം (101.5%) വര്‍ധനവാണ് രേഖപ്പെടുത്തിയത്. ഹോങ്കോങ് സെന്‍സസ് ആന്‍ഡ് സ്റ്റാറ്റിസ്റ്റിക്‌സ് ഡിപ്പാര്‍ട്ട്മെന്റ് പുറത്തുവിട്ട കണക്കുകളിലാണ് ഈ വിവരമുള്ളത്.

ഇറക്കുമതി ഇരട്ടിയായി

നവംബറില്‍ ഹോങ്കോങ് വഴി മാത്രം 16.16 മെട്രിക് ടണ്‍ സ്വര്‍ണ്ണമാണ് ചൈനയിലേക്ക് എത്തിയത്. ഒക്ടോബറില്‍ ഇത് 8.02 ടണ്‍ മാത്രമായിരുന്നു. ഷാങ്ഹായ്, ബീജിങ് എന്നിവടങ്ങള്‍ വഴിയും ചൈന വന്‍തോതില്‍ സ്വര്‍ണ്ണം ഇറക്കുമതി ചെയ്യുന്നുണ്ടെങ്കിലും ഹോങ്കോങ് വഴിയുള്ള കണക്കുകള്‍ വിപണിയിലെ വലിയ മാറ്റമായാണ് സാമ്പത്തിക വിദഗ്ധര്‍ കാണുന്നത്.