'നിരവധിയാളുകളെ നിശബ്ദമായി പ്രചോദിപ്പിച്ച വ്യക്തി'; പുതുവത്സരദിനത്തിൽ അണ്ണാമലൈയെ സന്ദർശിച്ച് ഉണ്ണി മുകുന്ദൻ, വാനോളം പ്രശംസ

 

പുതുവർഷപുലരിയിൽ ബിജെപി നേതാവും തമിഴ്നാട് മുൻ ബിജെപി അധ്യക്ഷനുമായ കെ. അണ്ണാമലൈയെ സന്ദർശിച്ച് നടൻ ഉണ്ണി മുകുന്ദൻ. അണ്ണാമലൈയ്‌ക്കൊപ്പം പങ്കിട്ട നിമിഷങ്ങളെക്കുറിച്ച് അദ്ദേഹം ചിത്രം സഹിതം ഫേസ്ബുക്കിൽ പങ്കുവെച്ചു. തങ്ങൾക്കിടയിൽ ആഴത്തിലുള്ള സൗഹൃദമുണ്ടെന്നും അണ്ണാമലൈ തനിക്ക് നൽകുന്ന പ്രചോദനം ചെറുതല്ലെന്നും ഉണ്ണി മുകുന്ദൻ പറഞ്ഞു.

2026-ന്റെ ആദ്യ ദിനത്തിൽ, എന്നെയടക്കം നിരവധിയാളുകളെ നിശബ്ദമായി പ്രചോദിപ്പിച്ച വ്യക്തിയോടൊപ്പം ഉച്ചഭക്ഷണം കഴിക്കാൻ എനിക്ക് സാധിച്ചു. ജെൻസീ തലമുറയ്ക്ക് മാതൃകയാക്കാവുന്ന വ്യക്തിത്വമാണ് അദ്ദേഹം. കൂടിക്കാഴ്ചയിൽ ജീവിതം, രാഷ്ട്രീയം, കായികം, സിനിമ തുടങ്ങി നമ്മുടെ ജീവിതത്തെ മാറ്റിമറിക്കുന്ന തീരുമാനങ്ങൾ വരെ ഹൃദ്യമായ സംഭാഷണമായി മാറി. കഠിനമായ അച്ചടക്കവും ധീരതയും നിറഞ്ഞ ജീവിതം നയിച്ചിട്ടും അദ്ദേഹം പുലർത്തുന്ന വിനയം എന്നെ അത്ഭുതപ്പെടുത്തിയെന്നും ഉണ്ണി മുകുന്ദൻ പറഞ്ഞു.

ഒരു പോലീസ് ഉദ്യോഗസ്ഥൻ, തന്റെ യൂണിഫോമിന്റെ സുരക്ഷിതത്വത്തിൽ നിന്ന് മാറി, ലക്ഷ്യബോധത്തോടെ രാഷ്ട്രീയത്തിന്റെ പ്രവചനാതീതമായ ലോകത്തേക്ക് ഇറങ്ങിത്തിരിച്ചത് എത്രത്തോളം പ്രചോദനകരമാണെന്ന് ഞാൻ അദ്ദേഹത്തോട് പങ്കുവെച്ചു. അദ്ദേഹത്തിന്റെ 'ബിയോണ്ട് ഖാക്കി' (Beyond Khakhi) എന്ന പുസ്തകം ഒരു വായനക്കാരൻ എന്ന നിലയിലും ജീവിതയാത്രകൾ ലക്ഷ്യബോധത്തോടെ ആയിരിക്കണം എന്ന് വിശ്വസിക്കുന്ന ഒരാൾ എന്ന നിലയിലും എന്റെ മനസ്സിൽ മായാതെ നിൽക്കുന്നുവെന്നും ഉണ്ണി മുകുന്ദൻ കുറിച്ചു.

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/