മകനെ ആക്രമിച്ച പുള്ളിപ്പുലിയെ കുന്തവും അരിവാളും ഉപയോഗിച്ച് വയോധികൻ കൊന്നു

 

മകനെ ആക്രമിച്ച പുള്ളിപ്പുലിയെ കുന്തവും അരിവാളും ഉപയോഗിച്ച് വയോധികൻ കൊന്നു.ഗുജറാത്തിലെ ഗിർ സോമനാഥ് ജില്ലയിലെ ഗംഗ്ഡ ഗ്രാമത്തിന് സമീപം വ്യാഴാഴ്ചയാണ് സംഭവം നടന്നത്.വീടിന് പുറത്ത് ഇരിക്കുകയായിരുന്ന പിതാവിനെ സമീപത്തെ കുറ്റിക്കാട്ടിൽ നിന്ന് ചാടിവീണ പുള്ളിപ്പുലി പ്രകോപനമില്ലാതെ ആക്രമിക്കുകയായിരുന്നു.

പിതാവിന്റെ നിലവിളി കേട്ട് സഹായിക്കാനായി ഓടിയെത്തിയ മകന് നേരെ പുള്ളിപ്പുലി തിരിയുകയും അവനെ ക്രൂരമായി ആക്രമിക്കുകയും ചെയ്തു. പുള്ളിപ്പുലിയുടെ ആക്രമണത്തിൽ മകന് ഗുരുതരമായി പരിക്കേറ്റു. ആക്രമണത്തിൽ തനിക്കും പരിക്കേറ്റിട്ടും തളരാതെ അസാമാന്യ ധൈര്യം പ്രകടിപ്പിച്ച പിതാവ് സമീപത്തുണ്ടായിരുന്ന കുന്തവും അരിവാളും കൊണ്ട് പുള്ളിപ്പുലിയെ നേരിടുകയായിരുന്നു.

സംഭവത്തിൽ ഗുരുതരമായി പരിക്കേറ്റ പിതാവിനെയും മകനെയും ഉടൻ തന്നെ സ്വകാര്യ ആശുപത്രിയിൽ പ്രവേശിപ്പിച്ചു. ഇരുവരും അവിടെ ചികിത്സയിൽ തുടരുകയാണ്. വിവരമറിഞ്ഞ് വനംവകുപ്പ് ഉദ്യോഗസ്ഥർ സ്ഥലത്തെത്തി പുള്ളിപ്പുലിയുടെ മൃതദേഹം കസ്റ്റഡിയിലെടുത്തു. പുള്ളിപ്പുലിയുടെ ആരോഗ്യം, പ്രായം, എന്നിവ കണ്ടെത്താനായി മൃതദേഹം പോസ്റ്റ്‌മോർട്ടത്തിന് അയച്ചു.

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/