വരവേറ്റ് ലോകം! സിഡ്‌നിയിൽ ബോണ്ടി ബീച്ച് ആക്രമണ ഇരകൾക്ക് ആദരം; ജപ്പാനും കൊറിയയും പാരമ്പര്യ തനിമയോടെ പുതുവത്സരത്തെ വരവേറ്റു

സിഡ്‌നി: ലോകമെമ്പാടും ആവേശപൂർവ്വം 2026-നെ വരവേറ്റു. ഓഷ്യാനിയൻ രാജ്യങ്ങളായ ന്യൂസിലൻഡും ഓസ്‌ട്രേലിയയുമാണ് ആദ്യം പുതുവർഷത്തിലേക്ക് കടന്നത്. ആഘോഷങ്ങൾക്കിടയിലും സിഡ്‌നിയിൽ അടുത്തിടെയുണ്ടായ ബോണ്ടി ബീച്ച് ഭീകരാക്രമണത്തിന്റെ ഓർമ്മകൾ പങ്കുവച്ചായിരുന്നു ആളുകളുടെ ആഘോഷം. സിഡ്‌നി ഹാർബർ ബ്രിഡ്ജിൽ കണ്ണഞ്ചിപ്പിക്കുന്ന കരിമരുന്ന് പ്രയോഗത്തിന് മുൻപ്, ബോണ്ടി ബീച്ച് ആക്രമണത്തിൽ ഇരയായവർക്കായി ഒരു മിനിറ്റ് മൗനം ആചരിച്ചു. ഐക്യത്തിന്റെയും സമാധാനത്തിന്റെയും പ്രതീകമായ സമാധാനം ഐക്യം എന്നീ വാക്കുകൾ പാലത്തിൽ പ്രകാശപൂരിതമായി തെളിഞ്ഞു. ആക്രമണത്തിൽ കൊല്ലപ്പെട്ടവരോടുള്ള ആദരസൂചകമായി ഫോണിലെ ഫ്ലാഷ് ലൈറ്റുകൾ തെളിച്ചാണ് ആയിരക്കണക്കിന് ആളുകൾ ഇതിൽ പങ്കാളികളായത്.

ജപ്പാനിൽ പരമ്പരാഗതമായ 'ഷോഗാറ്റ്‌സു' ആഘോഷങ്ങളോടെയാണ് 2026-നെ വരവേറ്റത്. ലോകത്തിലെ തിന്മകളും ലൗകിക മോഹങ്ങളും ഇല്ലാതാക്കുന്നതിന്റെ പ്രതീകമായി ബുദ്ധക്ഷേത്രങ്ങളിൽ വലിയ മണികൾ 108 തവണ മുഴക്കി. വീടുകൾ വൃത്തിയാക്കി പൈൻ മരത്തിന്റെ ചില്ലകളും മുളയും വൈക്കോലും ഉപയോഗിച്ച് അലങ്കരിച്ചു. ഇത് ഭാഗ്യത്തിന്റെയും പുതിയ തുടക്കത്തിന്റെയും അടയാളമായി ജാപ്പനീസ് ജനത വിശ്വസിക്കുന്നു.ജനുവരി ഒന്ന് 'സിൻജിയോങ്' (Sinjeong) എന്ന പേരിലാണ് അറിയപ്പെടുന്നത്. ഈ ദിവസം ഔദ്യോഗിക അവധിയോടെ ജനങ്ങൾ ആഘോഷിക്കുന്നു. എങ്കിലും ഫെബ്രുവരിയിൽ വരാനിരിക്കുന്ന ചാന്ദ്ര പുതുവത്സരമായ 'സോല്ലാലിനാണ്' (Seollal) ദക്ഷിണ കൊറിയക്കാർ കൂടുതൽ സാംസ്കാരിക പ്രാധാന്യം നൽകുന്നത്. അന്താരാഷ്ട്ര കലണ്ടർ അനുസരിച്ച് ഉത്തര കൊറിയയിലും ജനുവരി ഒന്ന് പുതുവത്സരമായി ആചരിച്ചു. മറ്റ് രാജ്യങ്ങളെ അപേക്ഷിച്ച് നിയന്ത്രിതമായ ആഘോഷങ്ങളാണെങ്കിലും രാജ്യമൊട്ടാകെ ഔദ്യോഗികമായി ഈ ദിനം ആഘോഷിച്ചു. അത്യാധുനികമായ ആഘോ

ഷങ്ങൾക്കൊപ്പം തന്നെ സമാധാനത്തിന്റെ സന്ദേശവും പാരമ്പര്യ മൂല്യങ്ങളും മുറുകെപ്പിടിച്ചുകൊണ്ടാണ് ലോകം 2026-ലേക്ക് പ്രവേശിച്ചിരിക്കുന്നത്. 

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/