തൃശൂരില്‍ ഉത്സവത്തിനെത്തിച്ച ആന വിരണ്ടോടി; പിങ്ക് പൊലീസിന്റെ കാര്‍ കുത്തിമറിച്ചു

 

തൃശൂര്‍: പൊറത്തിശേരിയില്‍ ഉത്സവത്തിനെത്തിച്ച ആന വിരണ്ടോടി. കല്ലട വേല ആഘോഷത്തിന്റെ ഭാഗമായി എത്തിച്ച ആയയില്‍ ഗൗരി നന്ദന്‍ എന്ന ആനയാണ് ഇടഞ്ഞത്. ആന വിരണ്ടോടുന്നതിനിടെ പിങ്ക് പൊലീസിന്റെ വാഹനം കുത്തിമറിച്ചു. വാഹനം ഭാഗികമായി തകര്‍ന്ന നിലയിലാണ്. മറ്റ് അനിഷ്ട സംഭവങ്ങള്‍ റിപ്പോര്‍ട്ട് ചെയ്യപ്പെട്ടിട്ടില്ല. എലിഫന്റ് സ്‌ക്വാഡ് അംഗങ്ങളും പാപ്പാന്‍മാരും ചേര്‍ന്ന് ആനയെ തളച്ചു. കല്ലട വേലയുടെ ഭാഗമായി പടിഞ്ഞാറ്റുമുറി ദേശം എഴുന്നളളിപ്പിനായാണ് ആനയെ എത്തിച്ചത്.

വേല നടക്കുന്ന കണ്ടാരംതറ മൈതാനത്തേക്ക് എത്തിച്ച ആന കോലമെല്ലാം ഇറക്കിയതിന് ശേഷമാണ് വിരണ്ടോടിയത്. അതിനിടെ മൈതാനത്ത് നിര്‍ത്തിയിട്ടിരുന്ന പിങ്ക് പൊലീസിന്റെ വാഹനം കുത്തിമറിക്കുകയായിരുന്നു. തുടര്‍ന്ന് മൈതാനത്ത് തലങ്ങും വിലങ്ങും ഓടി. പിങ്ക് പൊലീസിന്റെ കാറിന്റെ പിറകുവശം തകര്‍ന്നു. കാറിന് തൊട്ടടുത്ത് ഒരു ഓട്ടോറിക്ഷ നിര്‍ത്തിയിട്ടിരുന്നു. ഓട്ടോറിക്ഷയെ പക്ഷെ ആന ആക്രമിച്ചില്ല. എലിഫന്റ് സ്‌ക്വാഡും പാപ്പാന്‍മാരും ചേര്‍ന്ന് തളച്ച ആനയെ എഴുന്നളളിക്കാതെ മടക്കി.

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/