ഇൻസ്റ്റഗ്രാം ചിത്രങ്ങൾ മോർഫ് ചെയ്ത് യുവതിയുടെ അശ്ലീല വീഡിയോ പ്രചരിപ്പിച്ചു; യുവാവ് അറസ്റ്റിൽ

 

ബംഗളൂരു: സ്ത്രീകളുടെ ഇൻസ്റ്റഗ്രാം ചിത്രങ്ങൾ മോർഫ് ചെയ്ത് അശ്ലീല വീഡിയോയായി സമൂഹമാദ്ധ്യമങ്ങളിൽ പ്രചരിപ്പിക്കുന്ന യുവാവ് അറസ്റ്റിൽ. കർണാടക ബാഗലൂരു സ്വദേശി കൃഷ്ണ എന്നയാളാണ് പിടിയിലായത്. വ്യക്തി വൈരാഗ്യത്തെത്തുടർന്ന് മറ്റൊരു യുവാവിനെ കുടുക്കാൻ നടത്തിയ ശ്രമത്തിനിടെയാണ് ഇയാളെ സൈബർ പൊലീസ് കുടുക്കിയത്. ചിത്രങ്ങൾ മോർഫ് ചെയ്ത് പ്രചരിപ്പിക്കുന്നത് ശ്രദ്ധയിൽപ്പെട്ട യുവതി പൊലീസിൽ പരാതി നൽകിയതോടെയാണ് അന്വേഷണം തുടങ്ങിയതും ഇയാൾ പിടിയിലാകുന്നതും

വെങ്കിടേഷ് എന്നയാളോടുള്ള വ്യക്തിവൈരാഗ്യമാണ് കൃഷ്ണയെ കുറ്റകൃത്യത്തിന് പ്രേരിപ്പിച്ചതെന്ന് പൊലീസ് പറയുന്നു.യുവതിയുടെ ഇൻസ്റ്റാഗ്രാം ഫോട്ടോകൾ ഉപയോഗിച്ച് കൃഷ്ണ അശ്ലീല വീഡിയോ നിർമ്മിക്കുകയും വെങ്കിടേഷിന്റെ പേരിൽ വ്യാജ സോഷ്യൽ മീഡിയ അക്കൗണ്ട് സൃഷ്ടിച്ച്, ഇതിലൂടെ ദൃശ്യങ്ങൾ പ്രചരിപ്പിച്ച ശേഷം അത് വെങ്കിടേഷ് ചെയ്തതാണെന്ന് വരുത്തിത്തീർക്കാൻ ശ്രമിക്കുകയുമായിരുന്നു. പരാതിക്കാരിയായ യുവതിയോട് സംസാരിച്ചതിലുള്ള ദേഷ്യമാണ് വെങ്കിടേഷിനെ കേസിൽ കുടുക്കാൻ കൃഷ്ണ പദ്ധതിയിട്ടത്

കൃഷ്ണയുടെ മൊബൈൽ ഫോൺ പരിശോധിച്ചപ്പോൾ നിരവധി അശ്ലീല ദൃശ്യങ്ങളും ചിത്രങ്ങളും പൊലീസ് കണ്ടെത്തി. ജോലിക്ക് പോകുന്ന സ്‌‌ത്രീകളുമായി സൗഹൃദം സ്ഥാപിച്ച് അവരുടെ ഇൻസ്റ്റഗ്രാം അക്കൗണ്ടുകൾ കൈക്കലാക്കുകയും ചിത്രങ്ങൾ മോഷ്ടിക്കുകയും ചെയ്യുന്നത് ഇയാളുടെ രീതിയായിരുന്നുവെന്ന് അന്വേഷണത്തിൽ പൊലീസ് കണ്ടെത്തി. ഇങ്ങനെ ശേഖരിക്കുന്ന ദൃശ്യങ്ങൾ മോർഫ് ചെയ്ത് അശ്ലീല വെബ്‌സൈറ്റുകളിലും സോഷ്യൽ മീഡിയ പേജുകളിലും ഇയാൾ അപ്‌ലോഡ് ചെയ്തിരുന്നു. പ്രതിനിലവിൽ സൈബർ പൊലീസിന്റെ കസ്റ്റഡിയിലാണ്. ഇയാൾ മറ്റ് യുവതികളെയും ചതിയിൽപ്പെടുത്തിയിട്ടുണ്ടോ എന്നതടക്കമുള്ള കാര്യങ്ങളിൽ കൂടുതൽ അന്വേഷണം നടക്കുകയാണെന്ന് പൊലീസ് വ്യക്തമാക്കി

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/