ട്രംപിന്റെ നികുതി ഭീഷണിക്കിടെ കനേഡിയൻ പ്രധാനമന്ത്രി മാർക്ക് കാർനി മാർച്ചിൽ ഇന്ത്യ സന്ദർശിച്ചേക്കും‌

 

‌അമേരിക്കയിലെ ഡോണൾഡ് ട്രംപ് ഭരണകൂടം 100 ശതമാനം നികുതി‌ ചുമത്തുമെന്ന് ഭീഷണിപ്പെടുത്തുന്നതിനിടെ വ്യാപാര മേഖലയിൽ പുതിയ സഖ്യങ്ങൾ തേടി കനേഡിയൻ പ്രധാനമന്ത്രി മാർക്ക് കാർനി ഇന്ത്യയിലേക്ക്. പരമ്പരാഗതമായി അമേരിക്കയെ മാത്രം ആശ്രയിക്കുന്ന രീതി മാറ്റി വ്യാപാര പങ്കാളിത്തം വൈവിധ്യവത്കരിക്കാനാണ് കാർ‌നിയുടെ നീക്കം.

മാർച്ച് ആദ്യവാരം അദ്ദേഹം ഇന്ത്യ സന്ദർശിക്കുമെന്ന് റോയിട്ടേഴ്സ് റിപ്പോർട്ട് ചെയ്തു. പഴയ അന്താരാഷ്ട്ര നിയമങ്ങൾ അവസാനിച്ചുവെന്നും കൂടുതൽ നീതിയുക്തമായ ഒരു ആഗോള സാഹചര്യം സൃഷ്ടിക്കാൻ ശക്തമായ സഖ്യങ്ങൾ ആവശ്യമാണെന്നും കാർനി വ്യക്തമാക്കിയിട്ടുണ്ട്.

മുൻ പ്രധാനമന്ത്രി ജസ്റ്റിൻ ട്രൂഡോയുടെ കാലത്ത് ഹർദീപ് സിംഗ് നിജ്ജറിന്റെ വധവുമായി ബന്ധപ്പെട്ട ആരോപണങ്ങളെത്തുടർന്ന് ഇന്ത്യ-കാനഡ ബന്ധം വഷളായിരുന്നു. എന്നാൽ മാർക്ക് കാർനി അധികാരമേറ്റതോടെ ബന്ധം മെച്ചപ്പെടാൻ തുടങ്ങി. കഴിഞ്ഞ വർഷം ജി7 ഉച്ചകോടിയിൽ കാർനിയുടെ ക്ഷണപ്രകാരം പ്രധാനമന്ത്രി നരേന്ദ്ര മോദി പങ്കെടുത്തിരുന്നു.

അമേരിക്കയുമായുള്ള ബന്ധം വഷളായതാണ് ഇന്ത്യയുമായി അടുക്കാൻ കാനഡയെ പ്രേരിപ്പിക്കുന്നത്. കനേഡിയൻ ഉൽപ്പന്നങ്ങൾ വഴി ചൈനീസ് സാധനങ്ങൾ അമേരിക്കയിലേക്ക് എത്തുന്നു എന്നാരോപിച്ചാണ് ട്രംപ് 100 ശതമാനം നികുതി ഭീഷണി ഉയർത്തിയത്. ഇതിനെ പ്രതിരോധിക്കാൻ 'ബൈ കനേഡിയൻ' എന്ന കാമ്പെയ്‌നും കാർനി രാജ്യത്ത് ആരംഭിച്ചിട്ടുണ്ട്. സ്വന്തം ഉൽപ്പന്നങ്ങൾ പ്രോത്സാഹിപ്പിക്കുന്നതിനൊപ്പം ഇന്ത്യയെപ്പോലുള്ള വലിയ വിപണികളുമായി സഹകരിക്കുക എന്നതാണ് കാനഡയുടെ പുതിയ തന്ത്രം.

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/