ലോകത്തെ മാറ്റിമറിക്കുന്ന കണ്ടുപിടുത്തം; മുടിയോളം നേർത്ത ചിപ്പ് നാരുകൾ വികസിപ്പിച്ച് ചൈന

 

ഷാങ്ഹായ്: വഴക്കമുള്ളതും ഒരു മുടിനാരിനോളം മാത്രം വലിപ്പമുള്ളതുമായ ഫൈബർ ചിപ്പുകൾ വികസിപ്പിച്ച് ചൈനീസ് ശാസ്ത്രജ്ഞര്‍. ഈ കണ്ടുപിടുത്തത്തെ കുറിച്ച് പിയർ-റിവ്യൂഡ് ജേണലായ നേച്ചര്‍ പഠനം പ്രസിദ്ധീകരിച്ചിട്ടുണ്ട്. ഷാങ്ഹായിലുള്ള ഫുഡാൻ സർവകലാശാലയിലെ ചൈനീസ് അക്കാദമി ഓഫ് സയൻസസിലെ അംഗമായ പെങ് ഹുയിഷെങ്ങാണ് പഠനത്തിന് നേതൃത്വം നൽകിയത്. ഭാവിയിൽ വലിയ സ്‌മാർട്ട്‌ഫോണുകളുടെയും കമ്പ്യൂട്ടറുകളുടെയും ആവശ്യകത ഇല്ലാതാക്കാൻ കഴിയുന്ന ഒരു സാങ്കേതികവിദ്യയാണ് ചൈനീസ് ഗവേഷകര്‍ കണ്ടെത്തിയിരിക്കുന്നത് എന്നാണ് സൗത്ത് ചൈന മോണിംഗ് പോസ്റ്റിന്‍റെ റിപ്പോർട്ട്.

നേർത്ത നൂലുകൾക്കുള്ളിലെ ചിപ്പുകൾ

ഈ വിപ്ലവകരമായ കണ്ടുപിടുത്തത്തിന് "ഫൈബർ ഇന്റഗ്രേറ്റഡ് സർക്യൂട്ട്" (FIC) എന്ന് പേരിട്ടിരിക്കുന്നു. കമ്പ്യൂട്ടർ ചിപ്പുകൾ സാധാരണയായി വളയ്ക്കാൻ കഴിയാത്തതും കട്ടിയുള്ളതും ചതുരാകൃതിയിലുള്ളതുമായ പ്ലേറ്റുകളിലാണ് നിർമ്മിക്കുന്നത്. എന്നാൽ ഏത് വിധത്തിലും വളയ്ക്കാൻ കഴിയുന്ന ഒരു വഴക്കമുള്ള അടിത്തറയിലാണ് ചൈനീസ് ശാസ്ത്രജ്ഞർ ഈ പുതിയ സർക്യൂട്ട് രൂപകൽപ്പന ചെയ്തിരിക്കുന്നത്. ഈ ഫൈബര്‍ ചിപ്പ് മനുഷ്യന്‍റെ മുടി പോലെ നേർത്തതാണ്. അതിശയകരമെന്നു പറയട്ടെ, ഈ നൂലിന്‍റെ ഒരു സെന്‍റീമീറ്ററിൽ മാത്രം 100,000 ട്രാൻസിസ്റ്ററുകൾ അടങ്ങിയിരിക്കുന്നു. ഇതിന്‍റെ പ്രോസസിംഗ് പവർ ഒരു ആധുനിക കമ്പ്യൂട്ടറിന്‍റെ സിപിയുവിന്‍റേതിന് സമാനമാണെന്ന് ഗവേഷകര്‍ അവകാശപ്പെടുന്നു.

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/