വാണിജ്യസിലിണ്ടർ വിതരണം ആരംഭിക്കാനായില്ല

 

കൊച്ചി സംസ്ഥാനത്ത് ഹോട്ടലുകൾക്ക് ഉൾപ്പെടെ വാണിജ്യ സിലിണ്ടർ വിതരണം ചെയ്യാമെന്ന് കമ്പനികൾ ഉറപ്പ് നൽകിയിരുന്നുവെങ്കിലും സംസ്ഥാന സർക്കാർ ഉത്തരവ് ഇറക്കാത്തതിനാൽ വിതരണം ആരംഭിച്ചിട്ടില്ല; ചീഫ് സെക്രട്ടറി ഉത്തരവ് പുറപ്പെടുവിക്കേണ്ടതുണ്ട്. കേന്ദ്രം 20% വിഹിതം കൂടി പുനഃസ്ഥാപിച്ചിട്ടും സംസ്ഥാനം നടപടി വൈകിക്കുന്നതിനെതിരെ ഇത് വിവേചനമാണെന്ന് കേരള ഹോട്ടൽ ആൻഡ് റെസ്റ്ററന്റ് അസോസിയേഷൻ പ്രസിഡന്റ് ജി. ജയപാൽ ആരോപിച്ചു. അതേസമയം, സംസ്ഥാനത്തെ അവശ്യ മേഖലകൾക്ക് വിതരണം ചെയ്യുന്ന വാണിജ്യ എൽപിജി വിഹിതം പുനർനിർണയിക്കാൻ പദ്ധതിയുണ്ട്, കൂടാതെ കേന്ദ്ര നിർദേശങ്ങൾ സംസ്ഥാന ഉത്തരവിന് കാത്തുനിൽക്കാതെ നടപ്പാക്കാൻ സിവിൽ സപ്ലൈസ് കമ്മിഷണർക്ക് അധികാരം നൽകുന്നതും പരിഗണനയിലാണ്. കേന്ദ്രം സംസ്ഥാനങ്ങളുടെ വാണിജ്യ എൽപിജി വിഹിതം 20% കൂടി വർധിപ്പിച്ചതോടെ ആകെ വിഹിതം 40% ആയി, പൈപ്പ്‍ഡ് നാച്യുറൽ ഗ്യാസ് പദ്ധതിയിലൂടെ 10% കൂടി ലഭിക്കാനുണ്ട്. നിലവിൽ ആശുപത്രി, ആരോഗ്യ കേന്ദ്രം, വിദ്യാഭ്യാസ സ്ഥാപനങ്ങൾ തുടങ്ങിയ അവശ്യ മേഖലകൾക്ക് പഴയതുപോലെ തന്നെ പാചകവാതകം ലഭിക്കുമ്പോൾ, പുതുതായി കൂട്ടിയ 20% ഹോട്ടലുകൾക്കും റെസ്റ്റോറന്റുകൾക്കും ഇതരസംസ്ഥാന തൊഴിലാളികൾ താമസിക്കുന്ന ഇടങ്ങൾക്കും നൽകണമെന്നാണ് കേന്ദ്ര നിർദേശം. ഇപ്പോൾ ഹോട്ടലുകൾക്കും റെസ്റ്റോറന്റുകൾക്കും 10% എൽപിജി മാത്രമാണ് ലഭിക്കുന്നത്, സംസ്ഥാനത്ത് പ്രതിദിനം ആവശ്യമായ 753 ടൺ ഗാർഹികേതര എൽപിജിയിൽ പുതിയ തീരുമാനപ്രകാരം പകുതി മാത്രമേ ലഭ്യമാകുന്നുള്ളൂ.

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/