നിധിൻ രാജിന്റെ മരണം കേരള വേലൻ മഹാജനസഭ പാലാ മിനി സിവിൽ സ്റ്റേഷൻ ഉപരോധിച്ചു.

പാലാ: പട്ടികജാതി പീഡനത്തിനിരയായ നിധിൻ രാജിന്റെ മരണത്തിൽ പ്രതിഷേധിച്ച് കേരള വേലൻ മഹാജന സഭ മീനച്ചിൽ താലൂക്ക് യൂണിയന്റെ നേതൃത്വത്തിൽ ഇന്ന് (20/04/26 തിങ്കളാഴ്ച) രാവിലെ 10 മണിക്ക് പാലാ മിനി സിവിൽ സ്റ്റേഷനിലേക്ക് വായ മൂടിക്കെട്ടി പ്രതിഷേധ മാർച്ചും ധർണയും സംഘടിപ്പിച്ചു. പാലാ ടൗണിൽ നിന്നാരംഭിച്ച പ്രതിഷേധ മാർച്ച് മിനി സിവിൽ സ്റ്റേഷനിൽ എത്തിച്ചേർന്നു. തുടർന്ന് നടന്ന പ്രതിഷേധ യോഗം കേരള വേലൻ മഹാജന സഭ സംസ്ഥാന ജനറൽ സെക്രട്ടറി കെ.ഇ. മണിയൻ ഉദ്ഘാടനം ചെയ്തു.

മീനച്ചിൽ താലൂക്ക് യൂണിയൻ പ്രസിഡന്റ് വി.കെ. മനോഹർ, യൂത്ത് മൂവ്മെന്റ് സംസ്ഥാന ജനറൽ സെക്രട്ടറി രാജേഷ് വള്ളോപ്പള്ളിൽ, സംസ്ഥാന പ്രസിഡന്റ് കെ.വി. ഷവിൻ, എം.ജി. മണിക്കുട്ടൻ, നാരായണൻ കുട്ടി കടനാട് എന്നിവർ സംസാരിച്ചു.

യോഗത്തിൽ മുന്നോട്ടുവെച്ച പ്രധാന ആവശ്യങ്ങൾ:

1. പട്ടികജാതി പീഡനം അവസാനിപ്പിക്കുക.
2. നിധിൻ രാജിന്റെ ഘാതകരെ പട്ടികജാതി-വർഗ്ഗ പീഡന നിരോധന നിയമപ്രകാരം കേസെടുത്ത് ജയിലിലടയ്ക്കുക.
3. നഷ്ടപരിഹാര തുക കുറ്റക്കാരിൽ നിന്ന് ഈടാക്കി നിധിൻ രാജിന്റെ കുടുംബത്തിന് കൈമാറുക.
4. നിധിൻ രാജിന്റെ മരണത്തിന് കാരണക്കാരായ ജീവനക്കാരെ ജോലിയിൽ നിന്ന് പിരിച്ചുവിടുക.
5. നിധിൻ രാജിന്റെ കുടുംബത്തിലെ ഒരാൾക്ക് സർക്കാർ ജോലി നൽകുക.

ഇത്തരത്തിലുള്ള ആവശ്യങ്ങളാണ് യോഗത്തിൽ ഉന്നയിച്ചത്. 

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/