ക്രിപ്റ്റോ വരുമാനം; ട്രംപ് ന്യായീകരണവുമായി

 

വാഷിങ്ടൺ: 2025-ൽ ക്രിപ്റ്റോ കറൻസി ഇടപാടുകളിലൂടെ കുടുംബം 1.2 ബില്യൺ ഡോളറിലധികം സമ്പാദിച്ചതിനെ ന്യായീകരിച്ച് അമേരിക്കൻ പ്രസിഡന്റ് ഡൊണാൾഡ് ട്രംപ്. രാജ്യം സാമ്പത്തികമായി മുന്നേറുന്നതിനാൽ "എല്ലാവരും ലാഭം കൊയ്യുകയാണ്" എന്നാണ് ട്രംപ് മാധ്യമങ്ങളോട് പ്രതികരിച്ചത്.

പ്രസിഡന്റ് പദവി വ്യക്തിപരമായ സാമ്പത്തിക നേട്ടത്തിനായി ഉപയോഗിച്ചെന്ന വിമർശനം തള്ളിയ ട്രംപ്, തന്റെ വരുമാനം 'ബ്ലൈൻഡ് ട്രസ്റ്റിൽ' നിക്ഷേപിച്ചിരിക്കുന്നതിനാൽ സാമ്പത്തിക ഇടപാടുകളിൽ നേരിട്ട് ഇടപെടാറില്ലെന്നും വ്യക്തമാക്കി. തന്റെ സമ്പത്ത് മുൻകാല ബിസിനസ് വിജയത്തിന്റെ ഫലമാണെന്നും അദ്ദേഹം പറഞ്ഞു.

അതേസമയം, യുഎസ് ഓഫീസ് ഓഫ് ഗവൺമെന്റ് എത്തിക്സ് പുറത്തുവിട്ട കണക്കുകൾ പ്രകാരം, ട്രംപിന്റെ മക്കളും സ്റ്റീവ് വിറ്റ്‌കോഫിന്റെ മകനും ചേർന്ന് സ്ഥാപിച്ച 'വേൾഡ് ലിബർട്ടി ഫിനാൻഷ്യൽ' സ്റ്റാർട്ടപ്പിൽ നിന്ന് ട്രംപിന് 550 മില്യൺ ഡോളർ ലഭിച്ചു. കൂടാതെ '$TRUMP' എന്ന ക്രിപ്റ്റോ കറൻസിയുടെ ലൈസൻസിങ് കരാറിലൂടെ 635 മില്യൺ ഡോളർ റോയൽറ്റിയും ലഭിച്ചതായി റിപ്പോർട്ടിൽ പറയുന്നു.

ഫോർബ്സ് റിപ്പോർട്ട് പ്രകാരം, 2024-ൽ 2.3 ബില്യൺ ഡോളറായിരുന്ന ട്രംപിന്റെ ആസ്തി 2026-ഓടെ 6.5 ബില്യൺ ഡോളറായി ഉയർന്നു. ഭരണകാലത്ത് ക്രിപ്റ്റോ മേഖലയിലെ നിയന്ത്രണങ്ങളിൽ ഇളവ് വരുത്തിയ നടപടികൾ ഡിജിറ്റൽ ആസ്തികളുടെ മൂല്യം ഉയരാൻ കാരണമായതായി വിലയിരുത്തപ്പെടുന്നു. അമേരിക്കയെ ലോകത്തിന്റെ "ക്രിപ്റ്റോ തലസ്ഥാനം" ആക്കിയതിൽ അഭിമാനമുണ്ടെന്ന് വൈറ്റ് ഹൗസും പ്രതികരിച്ചു.

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/