ചേര്ത്തല: തണ്ണീര്മുക്കം ഗ്രാമപ്പഞ്ചായത്തില് ആഫ്രിക്കന് പന്നിപ്പനി സ്ഥിരീകരിച്ച പ്രദേശത്തെ പന്നികളെ കൂട്ടത്തോടെ കൊന്നു സംസ്കരിച്ചു. രോഗം സ്ഥിരീകരിച്ച അഞ്ചാം വാര്ഡിലെ വളര്ത്തല് കേന്ദ്രത്തിലെയും സമീപത്തെ വളര്ത്തു കേന്ദ്രത്തിലെയും 18 പന്നികളെയാണു കൊന്നത്. പ്രത്യേക സംഘം വൈദ്യുതാഘാതമേല്പ്പിച്ച് കൊന്ന് ശാസ്ത്രീയ രീതിയിൽ കുഴിച്ചിടുകയായിരുന്നു. മൂന്നുമണിക്കൂര് നീണ്ട പ്രവര്ത്തനങ്ങളിലൂടെയാണു നടപടികള് പൂര്ത്തിയാക്കിയതെന്ന് അധികൃതര് വ്യക്തമാക്കി.
മൃഗസംരക്ഷണ വകുപ്പില് നിന്നു പ്രത്യേക പരിശീലനം ലഭിച്ച ഡോ. ജോമോന്, ഡോ. എഡിസണ്, ഡോ. സംഗീത്, ഡോ. അനുരാജ്, ഡോ. മുഹമ്മദ് ഷിഹാബ്, ഡോ. റാണി ഭരതന്, ലൈവ് സ്റ്റോക്ക് ഇന്സ്പെക്ടര്മാരായ ജയപ്രകാശ്, സഞ്ജീവന്, അഭിലാഷ്, ജിജി തോമസ്, സുജിമോന് തുടങ്ങിയവരാണ് നടപടി ഏകോപിപ്പിച്ചത്. അതീവ സുരക്ഷയോടെ നടപടികള് ക്രമീകരിച്ചത്.
0 #type=(blogger):
ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്.