Thursday, 31 July 2025

പന്തളത്ത് ഹോട്ടലിൽ അക്രമം; ഹോട്ടലുടമ പരിക്കുകളോടെ ഹോസ്പിറ്റലിൽ..

SHARE
 
 
ബുധനാഴ്ച വൈകുന്നേരം ഹോട്ടലിൽ എത്തിയ ആക്രമികൾ മൂന്നുപേർക്ക് രണ്ട് ചായ ആവശ്യപ്പെടുകയും തുടർന്ന് കടയുടമയുമായി വാക്കു തർക്കത്തിൽ ഏർപ്പെടുകയും  ചെയ്തു. അതിനുശേഷം കട വിട്ട യുവാക്കൾ അല്പസമയത്തിനുശേഷം പത്തുപന്ത്രണ്ട് പേരുമായി ചേർന്നുവന്ന് കടയുടമയെയും തൊഴിലാളികളെയും ആക്രമിക്കുകയും ചെയ്തു.  ആക്രമണത്തിൽ ഗ്ലാസ് കൊണ്ട് തലക്കടിയേറ്റ് കടയുടമ ഹോസ്പിറ്റലിൽ ചികിത്സയിലാണ്. തലയിൽ 21 സ്റ്റിച്ചുകൾ ഉണ്ട്. പന്തളം കോഴഞ്ചേരി റൂട്ടിൽ ഉള്ള യുവാക്കളാണ് ആക്രമണത്ത് പിന്നിലെന്ന് കടഉടമ പറഞ്ഞു. പ്രത്യേക കാരണമില്ലാതെ ആക്രമണത്തിന് മുതിർന്ന യുവാക്കൾ  ലഹരി ഉപയോഗത്തിലാണ് എന്ന് സംശയിക്കുന്നതായും അദ്ദേഹം പറഞ്ഞു.



കെ എച്ച് ആർ എ പന്തളം യൂണിറ്റ് പ്രസിഡന്റ് കൂടിയായ കടയുമ ശ്രീകാന്ത് ഇപ്പോൾ ഹോസ്പിറ്റലിൽ ചികിത്സയിലാണ്. കെ എച്ച് ആർ എ സംസ്ഥാന വർക്കിംഗ് പ്രസിഡണ്ടന്റ് പ്രസാദ് ആനന്ദഭവൻ സംസ്ഥാന വൈസ് പ്രസിഡന്റ് കെ എം രാജ പത്തനംതിട്ട ജില്ലാ പ്രസിഡന്റ്  സജി കോശി ഡയാന, ജില്ലാ സെക്രട്ടറി ലിസി അനു , സംസ്ഥാന കമ്മറ്റി അംഗങ്ങളായ നന്ദകുമാർ , ഉല്ലാസ് എം.കെ, സുനിതാ ബിജു   മറ്റു ജില്ലാ, യൂണിറ്റ് ഭാരവാഹികളും ഹോസ്പിറ്റലിൽ എത്തി ശ്രീകാന്തിനെ സന്ദർശിച്ചു. നിയമനടപടികൾ ഉടനെ ഉണ്ടാകണമെന്നും, പ്രതികളെ എത്രയും വേഗം പിടികൂടണം എന്നും കെ എച്ച് ആർ എ പത്തനംതിട്ട ജില്ലാ  ഭാരവാഹികൾ ആവശ്യപ്പെട്ടു.


 


 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 



യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 


SHARE

Author: verified_user