കാനഡയില്‍ ആശുപത്രിയിലെത്തി വനിതാ ഡോക്ടര്‍മാര്‍ക്കു മുന്‍പില്‍ നഗ്നതാപ്രദര്‍ശനം നടത്തിയ ഇന്ത്യക്കാരന്‍ അറസ്റ്റില്‍

 

കാനഡ: ടൊറന്റോ മേഖലയിലെ മിസിസാഗ നഗരത്തിൽ വനിതാ ഡോക്ടർമാർക്ക് മുന്നിൽ നഗ്നതാപ്രദർശനം നടത്തിയ കേസിൽ ഇന്ത്യക്കാരനായ യുവാവ് അറസ്റ്റിൽ. വൈഭവിനെയാണ് (25) പീൽ റീജിയണൽ പോലീസ് കസ്റ്റഡിയിലെടുത്തത്. ആരോഗ്യപ്രശ്നങ്ങളുണ്ടെന്ന് നടിച്ച് ആശുപത്രിയിലെത്തിയ പ്രതി വനിതാ ഡോക്ടർമാരെ അനുചിതമായി സ്പർശിക്കാൻ ശ്രമിച്ചുവെന്ന് പോലീസ് പറയുന്നു. മിസിസാഗയിലുടനീളമുള്ള ഒന്നിലധികം ക്ലിനിക്കുകളിലെ വനിതാ ജീവനക്കാർക്ക് നേരെ ഈ വർഷം പ്രതി അതിക്രമം നടത്തിയതായി റിപ്പോർട്ടുണ്ട്. എന്നാൽ പോലീസ് പ്രതിയുടെ കൂടുതല്‍ വിവരങ്ങള്‍ വെളിപ്പെടുത്തിയിട്ടില്ല.

പ്രതി ചില അവസരങ്ങളിൽ തെറ്റായ ഐഡന്റിറ്റി ഉപയോഗിച്ചാണ് ക്ലിനിക്കുകൾ സന്ദർശിച്ചിരുന്നത്. ആകാശ്ദീപ് സിങ് എന്ന കള്ളപ്പേരും യുവാവ് ഉപയോഗിച്ചതായി പോലീസ് കണ്ടെത്തി. ഡിസംബർ 4-നാണ് വൈഭവിനെ പോലീസ് അറസ്റ്റ് ചെയ്തത്. പൊതുസ്ഥലത്ത് മോശമായി പെരുമാറൽ, ആൾമാറാട്ടം, വ്യാജ തിരിച്ചറിയൽ രേഖ നിർമ്മിക്കൽ, കൈവശം വെക്കൽ എന്നിവയുൾപ്പെടെ നിരവധി കുറ്റങ്ങളാണ് വൈഭവിനെതിരെ ചുമത്തിയിട്ടുള്ളത്. നിലവിൽ വൈഭവ് കസ്റ്റഡിയിൽ തുടരുകയാണ്. പ്രതിയുടെ അതിക്രമങ്ങൾക്ക് ഇരയായ കൂടുതൽ പേരുണ്ടാകാൻ സാധ്യതയുണ്ടെന്നും അത്തരത്തിലുള്ളവർ മുന്നോട്ട് വന്ന് അന്വേഷണത്തെ സഹായിക്കണമെന്നും പീൽ റീജിയണൽ പോലീസ് അഭ്യർഥിച്ചു.

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/