കുന്നിടിക്കുന്നതിനിടയില്‍ മണ്ണിടിഞ്ഞുവീണു: ജെസിബി ഓപ്പറേറ്റര്‍ക്ക് ദാരുണാന്ത്യം

 

വര്‍ക്കല: കുന്നിടിക്കുന്നതിനിടെ മണ്ണിടിഞ്ഞ് വീണ് ജെസിബി ഓപ്പറേറ്റര്‍ മരിച്ചു. കൊല്ലം കരീപ്ര വാക്കനാട് ഉളകോട് ഇന്ദിരാവിലാസത്തിൽ മുരളീധരൻപിള്ളയുടെയും സുഭദ്ര അമ്മയുടെയും മകൻ കണ്ണൻ എന്നു വിളിക്കുന്ന അനീഷ് കുമാർ (37) ആണ് മരിച്ചത്. സ്വകാര്യവ്യക്തിയുടെ പുരയിടത്തിൽ മണ്ണുമാന്തിയന്ത്രം ഉപയോഗിച്ച് കുന്നിടിക്കുന്നതിനിടെയാണ് അപകടം സംഭവിച്ചത്. 40 അടിയോളം ഉയരമുള്ള ഭാഗത്തുനിന്ന് മണ്ണിടിഞ്ഞ് യന്ത്രത്തിനു മുകളിലേക്ക് വീണതാണ് അപകടകാരണം.

സമീപത്തുണ്ടായിരുന്ന ജോലിക്കാരും നാട്ടുകാരുമെത്തി രക്ഷാപ്രവർത്തനം നടത്തി. മുകളിലേക്കു വീണ മണ്ണ് നീക്കാനായെങ്കിലും അനീഷിനെ പുറത്തെടുക്കാനായില്ല. വർക്കലയിൽനിന്ന് അഗ്‌നിരക്ഷാസേന എത്തിയാണ് പുറത്തെടുത്തത്. യന്ത്രത്തിൽനിന്നു പുറത്തേക്കുവീണ നിലയിലായിരുന്നു അനീഷ്. പുറത്തെടുത്ത സമയത്ത് ബോധമുണ്ടായിരുന്നില്ല. അഗ്‌നിരക്ഷാസേനയുടെ വാഹനത്തിൽ വർക്കല താലൂക്ക് ആശുപത്രിയിൽ എത്തിചെങ്കിലും ജീവൻ രക്ഷിക്കാനായില്ല.

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/