യുഎഇയിൽ ഡ്രോണുകളുടെ ഉപയോ​ഗത്തിന് നിരോധനം; നിയമ ലംഘകർക്കെതിരെ കർശന നടപടിയെന്ന് അധികൃതർ

 

യുഎഇയില്‍ എല്ലാത്തരം ഡ്രോണുകളുടെയും ഉപയോഗത്തിന് നിരോധനം ഏര്‍പ്പെടുത്തി ജനറല്‍ സിവില്‍ ഏവിയേഷന്‍ അതോറിറ്റി. ലൈറ്റ് സ്പോര്‍ട്സ് എയര്‍ക്രാഫ്റ്റുകള്‍ക്കും നിരോധനം ബാധകമാണ്. നിയമം ലംഘിക്കുന്നവര്‍ക്കെതിരെ കര്‍ശന നടപടിയുണ്ടാകുമെന്ന് അതോറിറ്റി വ്യക്തമാക്കി. നിലവിലെ സാഹചര്യങ്ങള്‍ കണക്കിലെടുത്ത് മുന്‍കരുതല്‍ നടപടിയുട ഭാഗമായാണ് തീരുമാനം.

നിലവിലെ സംഘര്‍ഷ സാഹചര്യങ്ങളുടെ പശ്ചാത്തകലത്തിലാണ് യുഎഇയില്‍ എല്ലാത്തരം ഡ്രോണുകളുടെയും ഉപയോഗത്തിന് നിരോധനം ഏര്‍പ്പെടുത്തിയത്. ഇതു സബന്ധിച്ച പുതിയ ഉത്തരവ് ജനറല്‍ സിവില്‍ ഏവിയേഷന്‍ അതോറിറ്റി പുറത്തിറക്കി. ലൈറ്റ് സ്പോര്‍ട്സ് എയര്‍ക്രാഫ്റ്റുകളുടെ ഉപയോഗത്തിനും നിരോധനം ബാധകമാണെന്ന് ഉത്തരവില്‍ പറയുന്നു. പൊതുജനസുരക്ഷ മുന്‍നിര്‍ത്തിയാണ് നടപടിയെന്നും എല്ലാവരും നിയമം പാലിക്കണമെന്നും അധികൃതര്‍ വ്യക്തമാക്കി. നിയമം ലംഘിക്കുന്നവര്‍ക്കെതിരെ ശകതമായ നിയമ നടപടി സ്വീകരിക്കും. കനത്ത പിഴ ഉള്‍പ്പെടെയുള്ള ശിക്ഷാ നടപടികളാണ് ഇത്തരക്കാരെ കാത്തിരിക്കുന്നത്.

ഈ മാസം ഒന്ന് മുതല്‍ വിവിധ ഡ്രോണുകള്‍ക്കും വിനോദ വിമാനങ്ങള്‍ക്കും സിവില്‍ ഏവിയേഷന്‍ അതോറിറ്റി അടിയന്തര വിലക്കേര്‍പ്പെടുത്തിയിരുന്നു. രാജ്യത്തെ വ്യോമമേഖലയുടെ സുരക്ഷയും പൊതുജന സുരക്ഷയും ഉറപ്പാക്കുന്നതിന്റെ ഭാഗമായിട്ടായിരുന്നു നടപടി. ഡ്രോണുകള്‍, ഗ്ലൈഡറുകള്‍, എല്ലാ തരത്തിലുമുള്ള വിനോദ വിമാനങ്ങള്‍ എന്നിവയുടെ പറക്കലിനാണ് നിരോധനം ഏര്‍പ്പെടുത്തിയത്.

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/