ഈരാറ്റുപേട്ട നഗരസഭയിൽ ഗതാഗത പരിഷ്കാരങ്ങൾ മേയ് 1 മുതൽ കർശനമാക്കും

 

ഈരാറ്റുപേട്ട നഗരത്തിലെ രൂക്ഷമായ ഗതാഗതക്കുരുക്കിന് പരിഹാരം കാണുന്നതിനായി നഗരസഭ ഏർപ്പെടുത്തിയ പുതിയ ട്രാഫിക് പരിഷ്കാരങ്ങൾ മേയ് 1 മുതൽ കർശനമായി നടപ്പിലാക്കുമെന്ന് നഗരസഭാധ്യക്ഷൻ വി.പി. നാസർ അറിയിച്ചു. യാത്രാ സുരക്ഷ ഉറപ്പാക്കുന്നതിനും ഗതാഗതം സുഗമമാക്കുന്നതിനുമായി തിരക്കേറിയ മേഖലകളിൽ കൂടുതൽ ഡിവൈഡറുകൾ ഇതിനോടകം സ്ഥാപിച്ചിട്ടുണ്ട്. പുതിയ ക്രമീകരണമനുസരിച്ച് മാർക്കറ്റ് റോഡിൽ നിന്നും മുനിസിപ്പൽ റോഡിൽ നിന്നും കുരിക്കൾ റോഡിലേക്കുള്ള വാഹന പ്രവേശനം പൂർണ്ണമായും നിരോധിച്ചു. കൂടാതെ കുരിക്കൾ നഗർ ഭാഗത്തുള്ള ഡിവൈഡറുകൾക്ക് സമീപം യു-ടേൺ എടുക്കുന്നതിനും കർശന വിലക്കുണ്ട്. നാളെ മുതൽ നിയമലംഘകരിൽ നിന്ന് പിഴ ഈടാക്കി തുടങ്ങാനാണ് അധികൃതരുടെ തീരുമാനം.

നഗരത്തിലെ ഗതാഗത പ്രശ്നങ്ങൾക്ക് ശാശ്വത പരിഹാരം കാണുന്നതിന്റെ ഭാഗമായി ഈരാറ്റുപേട്ടയ്ക്കായി പ്രത്യേക ട്രാഫിക് യൂണിറ്റ് അനുവദിപ്പിക്കാനുള്ള ശ്രമങ്ങൾ ഭരണസമിതി ഊർജിതമാക്കിയിട്ടുണ്ട്. വരും ദിവസങ്ങളിൽ വാഹനത്തിരക്ക് കുറയ്ക്കുന്നതിനായി കൂടുതൽ ബൈപാസുകൾ, റിവർവ്യൂ റോഡുകൾ, ലിങ്ക് റോഡുകൾ എന്നിവ സമയബന്ധിതമായി നിർമ്മിക്കാനുള്ള വിപുലമായ പദ്ധതികളും ആവിഷ്കരിക്കുന്നുണ്ട്. നഗരത്തിന്റെ പുരോഗതിക്കായി നടപ്പിലാക്കുന്ന ഇത്തരം പരിഷ്കാരങ്ങളോട് പൊതുജനങ്ങൾ പൂർണ്ണമായും സഹകരിക്കണമെന്ന് നഗരസഭ അഭ്യർത്ഥിച്ചു

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/