കേരള വ്യാപാരി വ്യവസായി ഏകോപന സമിതി പാലാ യൂണിറ്റിന്റെ പൊതുയോഗവും ഭരണസമിതി തെരഞ്ഞെടുപ്പും 2026 മെയ് 18 തിങ്കളാഴ്ച വൈകിട്ട് 7 മണിക്ക് വ്യാപാര ഭവനിൽ

 

പാലാ: കേരള വ്യാപാരി വ്യവസായി ഏകോപന സമിതി പാലാ യൂണിറ്റിന്റെ പൊതുയോഗവും ഭരണസമിതി തെരഞ്ഞെടുപ്പും 2026 മെയ് 18 തിങ്കളാഴ്ച വൈകിട്ട് 7 മണിക്ക് പാലാ കട്ടക്കയം റോഡിലെ വ്യാപാരഭവനിൽ നടക്കും. യൂണിറ്റ് പ്രസിഡന്റ് വക്കച്ചൻ മറ്റത്തിൽ അധ്യക്ഷത വഹിക്കുന്ന യോഗത്തിൽ ജില്ലയിലെ സംഘടനാ നേതാക്കളും വ്യാപാര പ്രതിനിധികളും പങ്കെടുക്കും.

കേരള വ്യാപാരി വ്യവസായി ഏകോപന സമിതി കോട്ടയം ജില്ലാ പ്രസിഡന്റ് എം.കെ. തോമസുകുട്ടി പൊതുയോഗം ഉദ്ഘാടനം ചെയ്യും. ജനറൽ സെക്രട്ടറി വി.സി. ജോസഫ് സ്വാഗതം ആശംസിക്കുന്ന യോഗത്തിൽ പ്രസിഡന്റ് വക്കച്ചൻ മറ്റത്തിൽ അധ്യക്ഷപ്രസംഗം നടത്തും. സെക്രട്ടറി അനൂപ് ജോർജ്ജ് വാർഷിക റിപ്പോർട്ടും ട്രഷറർ ജോസ് ജോസഫ് ചെറുവള്ളി വരവ്–ചിലവ് കണക്കും അവതരിപ്പിക്കും.

ജില്ലാ ജനറൽ സെക്രട്ടറി എ.കെ.എൻ. പണിക്കർ മുഖ്യപ്രഭാഷണം നടത്തും. തുടർന്ന് പുതിയ ഭരണസമിതിയിലേക്കുള്ള തെരഞ്ഞെടുപ്പ് നടക്കും. സംഘടനയുടെ ഭാവി പ്രവർത്തനങ്ങൾക്കും വ്യാപാര മേഖലയുമായി ബന്ധപ്പെട്ട വിവിധ വിഷയങ്ങൾക്കും യോഗത്തിൽ പ്രാധാന്യം നൽകും.

ജില്ലാ ട്രഷറർ സജി ജോസഫ് മാരാമറ്റം, വൈസ് പ്രസിഡന്റ് തോമസ് പീറ്റർ, സെക്രട്ടറി സാവിയോ ജോസഫ്, യൂത്ത് വിങ് പ്രസിഡന്റ് ജോൺ മൈക്കിൾ, വൈസ് പ്രസിഡന്റ് ബൈജു കൊല്ലംപറമ്പിൽ എന്നിവർ ആശംസകൾ നേർന്നുകൊണ്ട് സംസാരിക്കും. പരിപാടിക്ക് നന്ദി രേഖപ്പെടുത്തി യോഗം സമാപിക്കും.

പാലാ മേഖലയിലെ വ്യാപാരികളെ ഒന്നിപ്പിക്കുന്ന നിർണായക സംഗമമായതിനാൽ എല്ലാ അംഗങ്ങളും പൊതുയോഗത്തിൽ പങ്കെടുക്കണമെന്ന് ഭാരവാഹികൾ അഭ്യർഥിച്ചു.

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/