മൂന്ന് തവണ ഭക്ഷണത്തിൽ വിഷം ചേർത്ത് നൽകിട്ടും മരിച്ചില്ല; ഒടുവിൽ ഭാര്യയെ ക്വട്ടേഷൻ നൽകി കൊലപ്പെടുത്തി ഭർത്താവ്

 

മുംബൈ: മഹാരാഷ്ട്രയിലെ ബുൽദാനയിൽ ഭാര്യയെ ക്വട്ടേഷൻ നൽകി കൊലപ്പെടുത്തി ഭർത്താവ്. മൂന്ന് തവണ ഭക്ഷണത്തിൽ വിഷം ചേർത്ത് നൽകി കൊല്ലാൻ ശ്രമിച്ചിട്ടും മരിക്കാത്തതിനെ തുടർന്നാണ് ക്വട്ടേഷൻ കൊടുത്ത് കൊന്നത്. പ്രകാശ് ​ഗവാണ്ടെ എന്നയാളാണ് ഭാര്യ വൃഷാലിയെ കൊലപ്പെടുത്താൻ വാടക കൊലയാളിയെ ഏർപ്പെടുത്തിയത്.

കാറിടിപ്പിച്ച് കൊലപ്പെടുത്തിയ ശേഷം അപകടമരണമാണെന്ന് വരുത്തിതീർക്കാനായിരുന്നു ശ്രമം. ഇതിനായി വാടക കൊലയാളിക്ക് ഒരു ലക്ഷം രൂപയും നൽകി. മാർച്ച് രണ്ടിനായിരുന്നു സംഭവം. സ്കൂട്ടറിൽ പോയ യുവതിയെ ഒരു വെളുത്ത ടാറ്റ ഇൻട്രാ കാർ വന്നിടിക്കുകയായിരുന്നു. ഇടിയുടെ ആഘാതത്തിൽ വൃഷാലി സംഭവ സ്ഥലത്ത് വെച്ചുതന്നെ മരണപ്പെട്ടു. കാറിൻ്റെ ഉടമയെ തേടിയുള്ള പൊലീസ് അന്വേഷണത്തിലാണ് കൊലപാതകത്തിൻ്റെ ചുരുൾ അഴിഞ്ഞത്.

കാറുടമയെ ചോദ്യം ചെയ്തതിൽ നിന്ന് കൊലപാതത്തിന് പിന്നിൽ യുവതിയുടെ ഭർത്താവ് പ്രകാശ് തന്നെയാണെന്ന് പൊലീസ് സ്ഥിരീകരിച്ചു. മൂന്ന് തവണ ഭക്ഷണത്തിൽ വിഷം നൽകി കൊല്ലാൻ ശ്രമിച്ചിട്ടും മരിക്കാത്തതിനെ തുടർന്നാണ് ക്വട്ടേഷൻ നൽകിയതെന്നാണ് പ്രതിയുടെ മൊഴി. കുടുംബ വഴക്കാണ് കൊലപാതകത്തിന് പിന്നിലെന്ന നി​ഗമനത്തിലാണ് പൊലീസ്.

ഈ സൈറ്റിൽ വരുന്ന കമ്മന്റുകൾക്കു കേരളാ ഹോട്ടൽ ന്യൂസിന് ഉത്തരവാദിത്ത്വം ഉണ്ടായിരിക്കുന്നതല്ല. ഇത് വായനക്കാർ രേഖപ്പെടുത്തുന്ന അവരുടേതായ അഭിപ്രായങ്ങൾ മാത്രമാണ്. 

 

ചാനലിൽ അംഗമാകാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://whatsapp.com/channel/0029VaeMpf2JENy6g4eaqV0V 

യൂട്യൂബ് ചാനൽ സബ്സ്ക്രൈബ് ചെയ്യുവാൻ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.youtube.com/@khnewsindia

 ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക 

https://www.facebook.com/khnewsindia/